Etet 4:14 - Ala Wone Peenok Peebi Mbanak

¹⁴ Kat yori naga'lek puk mban wonage keenok, nit aakumi Yakuri mendek ninagap ndariyak nduk aap alik nen yeenggwa nira wogwe iigak, kat inom, kiriwi inom, kinenggaawak lek arumunggup o. Togop me, wone agaarak yi, kat nen aret kooniyak nduk, aap endagembogut akwe, kwe nggwok agandak kero!”

Etet 4:14 ပူးပေါင်းရင်းမြစ်များ

Wakkagagerak 22:14

Kani kungge nagagerik, at Abarakam nen o nogo endage, “Ninogoba Ala Nen Punogo Pereegim o,” yinuk, tooneegerak me, puut nogo endage, “Iniki Mbakwi Punogo Piige Menggim Ala Abuut o,” yinuk, yogwe wonogwe aret o.

2 Endagembogut 13:5

Konengge nagagerik, aap ambi it Iterali mendek inagap ndaruwak nduk, koongge mbareegi, it aap Aram ineenggime nen mbaganit aa'nduk inawooliya wuppunuk, wonogogwaarak nogo ndak-ndak ari wogogwaarak.

2 Endagembogut 19:3

Nappiyareegerak nogo nogogwaarik, at Yetaya nogo yogwi, “At Kitikiya nen wone ari logonet, Kwe aagaluk ndariyak eyom agaatak kwe, ndariyak omaawi lek age menggi kwak, ne yogondak yi paga nit aaninggin ambik ninoba age, ninenggali age, meek lombok ee'ninake, eeke me,

Etara 9:9

Nit aakumi inayeloman agago tebembinanogo wonogwe iigak kwe, kat ninogoba Ala mbo pinanulik obeelom mban eeppinanege logonet, it aakumi Peritiya mendek inoweewi inendagembogut nen inigen niinok ninabuwa mbaruwak nduk, eeppiige, ninogoba kat kawi wurik wonagagim obaane'me wukwi, ndi, langgu-langgu nagagerak nogo ogobakkigikwi, eeruwok nduk, niniki aganggen kerek togon eerogo pinanege, ndi, nit o Yekura wonogwe inom, kota Yerutalem wonogwe inom, niniki ugun tayenak logowok nduk, yugum pak negen wurogo pinanege, eereegindak o.

Nekemiya 6:11

Yo'nege mbareegi, an nen at yoge logonet, “Aap an yogobi nen kole mbaganiyak op mbaken? Aap an kwak nen agap ndakko'nok, Ala awi wurik me ungguurak op mbaken? Lek aret me, an nagin lek ya'i aret logi o.”

Etet 2:15

Togop eekwi wonogwe me, at Morekayi ogobaluk Abikayin apuluk at Morekayi apuluk negen eekko'nok tawe eereegerak Etet nogo, aap endagembogut wonage me noorak eyom panggoni wage mbareegi, at Etet nen, “Ndi mendek eeppanu,” yoga'lek kagak, it kumi tawe wonogo menggam arum menggerak aap Kegayi nen Etet yoreegerak nogo ndak-ndak aret yum yirike mbareegi, it aakumi apit nen inigen kogo nogogwaarik, kwe tawe ti, iniki kundugu eekkologogwaarak.

Etet 2:17

Pi nogo mbareegwa, it kumi eegu nogo iigak kwe, at Etet nogo perak, aap endagembogut inikilom nggwok mbake, ndi, kumi tawe aap kigin waka'lek eegu iigak, at Etet mban abuwa mba'nuk, iniki kunik eeke, eeke nagagerik, “Nendagembogut nakwe kwe nggwok aret logowak o,” yinuk, kwe Wati obaane'me mippunuk, nggare-nggare mendaarak negen anobak paga yippereegerak.

Etet 2:7

At Morekayi ogobaluk apuluk kolaga endage Karata nogo agalo-ogoba kambeegwaarak me, at Morekayi nen tawe eereegerak. Kolaga Karata endage ambi, Etet, yogo nogogwaarak nogo enete-eebe abu amuni mbanak kigirikwe me, agalo-ogoba kanggo mbareegwa, at Morekayi nen apuluk negen eeppunuk, tawe eereegerak.

Etet 4:13

at Morekayi nen wone eerogo Etet wonage me nappi wage logonet, “It aakumi Yakuri mendek eeppiigwi iigak, an perak, aap endagembogut nimbirak wonage me neebe op aret logogin, mbarugun o.

Etet 4:15

Nappi wagagerak Etet yoge mbareegi, onggo agago aap Morekayi wonage me nappege logonet,

Ayup 9:18

Niniki awo yonggonggola lek lek Ambinom eeppanegak mban eeke paga niniki apit eerogo panege, Ee'netak o.

Wone Alom Kibingga 3:7

Nibik yuurak eyom wonage, penggaariyak eyom wonage, Inoone yuurak lek eyom wonage, inoone yuurak eyom wonage,

Yetaya 49:23

Wologwe-komologwe ti, ndegeninako logowak nduk, it yi aap ndi aap inendagembogut kogobamini negen ogwe, It inakuwi kumi yo'nggok nogo inaagalogwe negen eeppiinok, inelak kuninabuwak nduk, kagalomini pogom ogwe, Eeko logomenggaarik, It nen nggween paga inanep kumbunuk kayuk wukwi, Kabu'me tebe yinuk, kiyok paga pirik-perek yogwe, Eeko logogun o. Ti eekwi iinok, Naliku ALA an aret keenu arumunggun o. It aap an paga iniki lunik wonogwe nogo inenggali arugun lek o,” yinuk, yoge kagarak o.

Yetaya 54:17

At wariyak nduk yi mendek ndi mendek ogobakkigirogo pemenggaarak kwe, abe eerigin lek o. Ndi, aakumi inowak loonggo menggam it yi aap ndi aap nen, Kat ndogop eekendak o, yinuk, Inoone yoremenggaarak kwe, inoone lek eerogo piige logogin o. Aap apuri eyate wogorage menggi kwak, Naliku ALA nen nayeloman mini eeppiyareegirak nogo ti, It aakumi togop eeppiigo logowak nduk eeppiige, Ndi, It aap ti, Aap abe o, yinuk, inaana'le mbangge, Eereegirak ti aret o,” yinuk, Aliku ALA yegerak me, yokkigi o.

Yeremiya 30:11

An ninom wonogwe me, inagap ndake logogin o. Yi aakumi ndi aakumi abok aret inenggela'me mak eerogo piyareegirak nogo it lek eerogo piyaagin kwe, It an napuri perak, lek eerogo piyaagin lek o. Iniki koonnaruwak nduk, maluk eekwi onggo inoba piyaagin lek ti lek, piyaagin aret kwe, Eerumenggaarak ndak-ndak mban inoba piyaagin o,” yinuk, yegerak me, yokkiragi o.

Yeremiya 46:28

At nayeloman Yakup paga wiganak ti, ninom logogin me, inagabiti mbarugwaarik o. Tak-mak eerogo yi aakumi ndi aakumi wonogo menggam inenggela'me It Yakup mendek nappiinet naminggirak logowam nogome ineebe lek eerogo piyaagin kwe, It perak, lek eerogo piyaagin lek o. Eerit nogo nogogwaarak onggo aaninggin inoba piyaagin lek ti lek, eeppiyaagin aret me, Iniki koonnaruwak nduk, eeppiige ti, eekaarak ndak-ndak aret eerogo piige logogin o,” yinuk, Aliku ALA nen aret yegerak me yokkiragi o.

Ala Unde 26:42

an nen Yakup nimbirak wone abuk nggaruk togon mbangge, Itak nimbirak wone abuk nggaruk togon mbangge, Abarakam nimbirak wone abuk nggaruk togon mbangge, eeke logonet, Kit kinanggween wokkiraagin o, yereegirak nogo abeke logominggirik, inanggween paga piya woroorak koonigin o.

Matiyut 16:18

Kat Peterut aret me, yugum ti paga an napuri kuwak eeppiinok, o pogom wukkolaminggirak me, kanggwi alom nen an napuri nogo tebenogo piyaagin mondok lek o.

Matiyut 24:22

Aaninggin-paaninggin inoba piyoorak eyom nogo ti, Ala nen kuli panggoppi woraagin lek kenok, aakumi inagap ndarigin lek abok aret inoorigin me, at Ala nen at apuri miirogo leeninabeegerak mendek nogo inookwi iyo, kuli pigin aret o.

Pelaareegerak 32:36

At Aliku ALA nen at apuri inowak loonogo maluk onggo inoba piige, At ayeloman mini aret me, inabuwa mbake, Eeppiige logogin me, At apuri inomaawi lek age, It wondet aago nugwi inom, inayeloman inom, ineebe lek ogwe, Eekwi iige logomenggerik,

Owak Loongga 15:6

Nengge mbareegi, it aap Pilitin mendek it mban-mban yogo logonet, “A puk! Yi ta nen eeki mbakop?” Yogo mbareegwa, it ambi nen yogo logonet, “Aap Timana mendek Timoton aru nogo nen Timoton akwe waganogo at oreeluk ambi wogogerak me, aap Timoton nen aret eekerak o.” Yogo mbareegwa, it Pilitin mendek apit aret nogo nogogwaarik, kwe nogo ogoba imbirak ineenik ngge-ngge kani kumbiyareegwaarak.

1 Tamuwen 12:22

At Aliku ALA endage abu tiyanak lombok logowak nduk at Aliku ALA nen inikilom kinombake logonet, apuri iniki kundugu lombok eekkinabeegerak me, mbo pinagagin mondok lek o.

1 Tamuwen 17:29

Yoge mbareegi, Ndawut nen onggo ari logonet, “An nano eekirak me, yo'nege agandik? An we wone kin waganggirak ti, maluk mba'nuk yagan a?” yinuk,