Etet 3:1 - Ala Wone Peenok Peebi Mbanak

¹ Ti'nuk peebi, aap endagembogut Akatiwerot nogo nen aap ambi anebunu Agak mendek Kamerata aput Kaman nogo it aap inendage warak nagawan-nagawan ando inendage tiyanak negen iigak kwe, at endage abu tiyanak lombok logowak nduk, abu'me logonet, imbirak eeke logowak nen ale'nggen oba pege nagagerik, mippereegerak.

Etet 3:1 ပူးပေါင်းရင်းမြစ်များ

Wakkagagerak 41:40

o yi an mban unde minggirak kwe, kat nimbirak ndak-ndak negen logonet, name o nggwok abe wurik yime eeko menggaarak abok aret unde logonok nduk, mippagage neenok, it aakumi an napuri o Metit mendek yime abok aret kat koone ari keenok, E o, yinuk, eeko logogun o,” yoreegerak.

Wakkagagerak 41:55

It aakumi Metit mendek nogome mbi noorak lek age mbareegi, “Pirawun wo'niraawak,” yinuk, owagam nagak eekwi iinok, at Pirawun nogo nen it yorage logonet, “Kit Yutup wonage me mban nogo logomonggotik, at nen yokkirage kenok mban eeko logonip o,” yorage nagagerak.

Etara 7:14

Ndi, eeko logorak kogoba Ala nen wone yereegerak liiru mbanak kat mondok liirogon porogo wonage me, it o Yerutalem wonogwe inom, o Yekura paga wonogwe inom, Ndak-ndak eekwi ilik, lek a? yinuk, liippiige logonok nduk, nendagembogut an inom, it nawuri ninom wone koongga ineebe 7 inom, nen nappagago o.

Etet 3:10

Yoge mbareegi, aap endagembogut nogo nen mberaarenggen paga amburu cap eekak eenggi oolo yirik wonage nogo nggoorogo, aap Agak mendek Kamerata aput it Yakuri eebi inombake Kaman nogo wogoreegerak.

Etet 5:11

iniki wogoppake logonet, eenggi warak lombok age, apuri aa'mbin-aa'mban ndaganake, aap endagembogut nen ale'nggen oba pege, it aap nagawan-nagawan inom, it aap yi o ndi o unde menggaarak inom, iigak, aap endagembogut imbirak eeke logowak nduk tiyappege, eereegerak nogo paga tiyappake logonet yorage,

Etet 7:6

Yoge mbareegi, at Etet nogo nen, “Eebi lombok ninomba'nuk, maluk eeppinaniyak eeke nogo ti, aap maluk abe iyagalo Kaman yi aret o!” Yoge mbareegi, at Kaman nogo ogut nggigik ari nagagerik, aap endagembogut Akatiwerot kwe nggwok Etet imbirak enegen laganogo pegiige mbareegi,

Etet 8:3

Ti'nuk, at aap Agak mendek Kaman nen it Yakuri mendek eeppiyoorak maluk lombok koonogo pereegerak nogo, aap endagembogut nen lek eerogo puwak nduk, kwe Etet nogo ne ambi paga aap endagembogut abu'me tebe yi unggunuk, le ari wonage me,

Kini Wuppiige 29:2

Aap iniki abe koonak nen aakumi inarum wonage paga aakumi inale'nggen mbako menggaarak kwe, Aap maluk mendek nen inarum wonage kenok perak, iniki wakko'net unggwogo logonet, neebi-keebi yogo menggaarak.

Wone Alom Kibingga 10:6

Aap iniki lek wi negen nen it aap inendage warak eeko menggam eekwi iigak, it aap ineenggi warak nogo it aap inendage tebenak eeko menggam eekwi,

Linggineegwaarak 24:7

Kat kombowologwe ti, Inaniyowa'na nen niyo kilu-kilu wangge, Inamendek awi yarak me niyo amburu ambik wonage, Aap Agak ti, endagembogut kwe, tebenak kagak, It inowe endagembogut ti, mondok tiyanak aret wonage, Ndi, kabu'me piige menggenom mondok tiyak ari, Eeke logogin o.

1 Tamuwen 15:33

Tamuwen nen ari logonet, “Kat kawooluwak paga it kumi inooke logonet, inaagalogwe a'nggan waganogo piyareegindak ti kokwak, Yi kumi ndi kumi inenggela'me nen kat kagalo alik aagaluk ambi lek aret kaagun o.” Yoge nagagerik, Tamuwen nen aap Agak nogo Aliku ALA enggaanom paga o Nggilagan time aret warogo pereegerak.

1 Tamuwen 15:8

At Tawun awuri inom nen Amalek mendek inoorit nogo logonet, aap Amalek mendek inowe endagembogut Agak nogo eenik ngge-ngge aret pigaganeegwaarak kwe, at apuri Amalek mendek nogo abok aret inawooluwak paga inoorogo piyareegwaarak.