Etet 2:23 - Ala Wone Peenok Peebi Mbanak23 Yoge mbareegi, wone ti, alom kwaake nagagerik, abet aret mbareegi, it aap ineebe mbere nogo inenggaanok keele yilinogo eyo paga tugumbiyareegwaarak. Ti eereegwaarak nogo abok aret aap endagembogut Akatiwerot enegen kagak it aap inendagembogut eeko menggaarak liiru mbanogo pugwi nogome inom liiru mbanogo pereegwaarak. အခန်းကိုကြည့်ပါ။ |
Ndi, aap endagembogut nen yi eekak ndi eekak abu iya tit nggwok lombok eerit nege nagagerak nogo inom, aap Morekayi tiyappereegerak paga endage nggwok agagerak nogo inom, abok aret it aap Meriya mendek inom, Peritiya mendek inom, inoweewi inendagembogut eeko nogogwaarak liiru mbanak wonage nogo, inom liiru mbanogo pereegwaarak nogo lek a?
Yorage mbareegi, at akwe Tereti inom, oreewi abok aret inom, nen konenggo nogogwaarik, at yogwi, “Ti kenok, it aap inenggaanok keele yilinogo tugumbiigo logorak eyo nggorek metet 23 kero yinu o. Yingge logomenggendik, eyo ti paga aap Morekayi enggaanok keele yilinogo tugunogo wuppi woraawak nduk, ko'lu kuuben aap endagembogut yori namenggendak eeke kenok, kiniki ale'nggen paga aap endagembogut kimbirak mbi na namunggup o,” yoreegwaarak. Yoreegwaarak nogo at Kaman nen, “Op aret kagi,” mbake nagagerik, eyo yinuwak nduk, awuri yoragagerak.
Yorage nagagerik, it aap Aliku ALA inagabiti mbako nogogwaarak nogo nen it-it wone mbanggo logonet, it nen yogwi iinok, at Aliku ALA liippege, aruk konengge, eereegerak o. It aap Aliku ALA inagabiti mbakwi, at endage tiyappogo logonet ayuk wukwi, eeko nogogwaarak nogo inendage aberak logowak nduk, at Aliku ALA enggaanom paga mbuku pirik-perek aago paga inendage liiru mbanogo pereegwaarak.