Etet 2:12 - Ala Wone Peenok Peebi Mbanak

¹² It kumi tawe nogo aap endagembogut Akatiwerot wonage me ungguwok nduk, inete-ineebe obeelom aruwak nen tut 1 nen nok 12 penenak paga eeppiigo logorak wone yugu nogo ndak-ndak eeppiigo logonet, eyo mbit amburu netik-netak eeppiigwi iigak, tut 6 penengge, ti'nuk, obari abe eeka amburu inoba mbenanogo piigwi iigak, tut 6 penengge, eeppunuk, aap endagembogut wonage me, ambi ka unggwagak eeko nogogwaarak.

Etet 2:12 ပူးပေါင်းရင်းမြစ်များ

Etet 2:11

Yoraga'lek aret time wonage kagak, at Morekayi nen, “Etet eebe nonggop wonage kaamun? Ndi, nonggop eeppugwi iyaamun?” yinuk, ko'lu-kii'me kumi tawe wonogo menggam yagat endekem nen enegen mangga nagak mban eeke nagagerak.

Etet 2:13

Ka unggwagak eekwi ti eyom paga it kumi tawe nogo nen, “Ndi mendek yirippunuk, ka ungguurak me, wo'ninip o,” yorogwe nogo it kumi tawe wonogo menggam nogome nen wogorogwe iinok,

Etet 2:3

Kat kabu'me piige menggenom yi o ndi o abok aret it kinom eeko menggaarak nen kumi tawe abu kigirikwe kero, wogoret kumi tawe wonogo menggam kawi o nggwok abe wurik me o Tutan yime piya woraawak nduk, mippiinet namunggun o. Mippiyamenggendak nogo nen kumi tawe kwaarogo wogoren piya wogwe iinok, aap ooli wogo kawot Kegayi kumi inarum menggerak nogo nen ndegeninake logonet, ineebe kigirikwe aruwak nduk, amburu obari abe mendek eeppiige logowak o.

Etet 2:9

Eeko mbareegwa, at Kegayi nen kwe tawe Etet nogo, abu kigirikwe togon kage nagagerik, iniki kunik eeke logonet, mbet-mbet aret enete-eebe obeelom aruwak nduk, amburu obari abe mendek eeppegak yuurak inom, mbi abe mendek wogogak yuurak inom, koonogo pege, ndi, kumi tawe aap endagembogut awi o nggwok abe wurik me eeko menggaarak inenggela'me nen kumi tawe ineebe 7 leenogo piinok, at Etet ndegenggo logowok nduk, kumi tawe wonogo menggam ko ambi abu obeelom me time inom piya nage, eereegerak.

Kini Wuppiige 7:17

Winnaruwam obari abe aruwak nduk, eyo yibinggami inom, eyo ni inom, nggo'nggop inom, yigirogo pit nage, Eekirak o.

Ndawi Iya 3:6

Nggami inom, obari eeka aap kunggo menggaarak nen nenggelak-kenggelak eekwi obari abe kaga inom, Oba eerak yugum ka'luk kwit agan lagangge menggi kwak O karume nen eerit wage ti, ta o?

Yetaya 3:24

Obari abe eeka inoba aago nogo lek age kagak inanggoloppari ndi wuke, Inambilak inomarip paga eerak obaane'me tali akun mbanak yirik nugwi, Ineeruwak mbinuk-mbenak eerak obaane'me inanobak puluk ko aago nugwi, Inambogoyum kigirikwe yirik nogo obaane'me inayum nibinik maluk mendek yirippunuk nugwi, Kumi inete kigirikwe obaane'me inete maluk aremenggerak inenggali mbakak nugwi, Eeko logogun o.

Yetaya 57:9

It nen amburu obari abe mendek wonok kugi Molok alut eerit nogwe, Obari abe eeka mendek inagabolo paga eekwi, It aap o nda time inagugi ninom eeruwok o, yinuk, yonggo nappugwi, Aakumi kambunuk nogo menggam lombok kwaarit wambi nogwe, Eeko menggaarak o.