Etara 9:3 - Ala Wone Peenok Peebi Mbanak

³ Yo'nugwi nogo naruk konengge nagagirik, nayum nggorek inom, nayum neebe paga yirik inom, nibik-nobak eerogo pake, neeri-namboro wiirogo pake, eeke nagagirik, nomanggen tayok yinuk, kwi'nagagirak.

Etara 9:3 ပူးပေါင်းရင်းမြစ်များ

2 Tamuwen 1:11

Wone ti yoge nogo, at Ndawut aruk konengge nagagerik, ayum yirik nogo nibinggolage mbareegi, it at awuri nogo, togop mban aret inayum nibinggologogwaarak.

2 Endagembogut 18:37

Puk aret wonogwe iigak, aap endagembogut awi o nggwok abe wurik arum menggaarak inowe Kilikiya aput Eliyakim nogo inom, o abok inake liiru mbangga at Tebana nogo inom, aap endagembogut ake liiru mbangga Atap aput Yowa nogo inom, inayum nibinik yikko'nok, aap wim eeka inowe nen yereegerak nogo, aap endagembogut yori unggwogogwaarak.

Nekemiya 1:4

Yo'nogo mbareegwa, naruk konengge nagagirik, kwi'na'nuk, le ari logonet, neetik-neetak mbi nengga'lek nambe mage negen a'nuk, niniki wakko'net unggwage, tamban eeke, eeke nagagirik, at mbogut paga menggerak Ala nogo yoge logonet,

Nekemiya 13:25

mberirage, pulunogo piige, it aap ineebe mande negen yawi inooke, ineeruwak wiirogo nappiige, eeke nagagirik, yorage logonet, “Ninapuri komologwe ti, it inapuri wologwe wogorogwe, ndi, it inapuri komologwe nit ninapuri wologwe kolaawak nduk, wo'nirogwe, ndi, nit kunduk kologwe, eeko logogun mondok lek o, yinuk, Ala endage kumbunuk, wone kumbuk mbaninip o.

Ayup 1:20

Eeko mbareegwa, aap Ayup nogo mi'nage nagagerik, ayum nibinogo pake, eeruwak anobak me puluk ko eerogo mbanggolage, eeke nagagerik, nggween paga enete wanduk ngginna'nuk Aliku ALA alut eereegerak.

Ndawi 119:53

It aap maluk mendek nogo nen kat koone yugu Muta liiru mbaneegerak nogo mbo pereegwaarak kenok, Nanini kani omoonuk kwak mi'nage menggerak o.

Ndawi 143:4

An niniki lek-lek ee'nabit unggwage, Nogut nggigik ari logonet nagabelelaan mban wonage, Eeke agarik o.

Ndawi 66:3

Kinogoba Ala yogo logonet, “Kat iya tit eerit nage paga ninamineeri ne agan nage, Komaawi ambik lombok menggendak paga Kawim inagabiti nen yipik agan kabu'me ari wogwe,

Yetaya 15:2

It kota Ndibon mendek nen puut-puut warogo wogogo menggam time le yuwok nduk, lagi nogwe, Ndi, o Nebo inom, o Mereba inom, eekaarak paga it Mowap mendek nen leenggu maakwi, Eeko agaarik o. Ineeruwak puluk ko aago mbanak wonogwe, Inamboro tabo eerogo mbanak wonogwe, Eerak agaarik o.

Yeremiya 36:24

At aap endagembogut inom, awuri at ake eeka inom, wone ti abok aret inaruk koneneegwaarak kwe, “Wone yi, iya lombok, kogo o,” yinuk, inagabiti mbakwi, inayum iluk ambi nibinogo pakwi, eerulik aret.

Yeremiya 7:29

Naliku ALA nanini it aakumi yogondak ndarak yi, inoba agaarak wonage nogo, Neebi o, yinuk, mbo piigirak me, ineeruwak mbanogo mbo punuk, puut puluk ko aago paga lagi nanuk, le ndawi piyanggo logowak, yegerak, yoret o,” yinuk, yo'negerak o.

Yetikiyen 3:15

it wogoren mbo piya nagagerak niyo Kebat aa'nggi paga o Ten-Abip wonogwe me nogome pani nagagerak. Pani nage mbareegi, it wonogwe me inenggela'me logonet, “Yi nonggop ee'naki,” yinuk, niniki piirik wonage neegak, nogo 7 aret yereegirak.

Yetikiyen 7:18

Eeko logonet, inayum nibinik maluk mendek yirikkologwe, inagabiti mban inagabolo paga ninggirik wonogwe, inenggali nen inete kumaakko'nok nugwi, inanobak puluk ko eerak wonogwe, eerugun o.

Ndaniyen 4:19

Yoreegerak at Ndaniyen endage ambi Mbelatatat nogo nen, “Yori ilik?” yinuk, iniki koonit unggwage kagak oonegen ambiriluk ambi age mbareegi, at aap endagembogut nen Mbelatatat nogo yoge logonet, “Mbelatatat wae. Nabinggaanggo kagarak eebe yokkigirak inom, Alom ndogop o, yinuk, yelok kagandak inom, ti paga kiniki piirik-paarik eerogo pagarak mage o.” Yoge mbareegi, at Mbelatatat nen, “Nogoba o. Kabi kagandak nogo it kinom wim mbanak a, kinom ogoorak a, eeppiyaawak lak, ao!

Ndaniyen 8:27

Kage nagagirik, wone yo'nereegerak ti paga an Ndaniyen neebe mondok ndeyak lombok eerogo panege mbareegi, andi negen windak wonage neegak, ne mande negen agagerak. Age mbareegi, mi'na'nuk, at aap endagembogut nen eeriyak yo'nege nogo aret eeke logonet, nabinggaanggo kagagirak yelok koolik ti, “Nonggoti kagi?” yinuk, niniki koonit tit unggwage nagagirak.

Ala Unde 21:5

It aap an neebe unde nogo ti, maluk eeka'lek abu obeelom inogoba Ala an nake leenak menggaarak me, nendage maluk eerogo panukwak, ineeruwak inanobak puluk ko eerogo mbanggwi, inamboro to eerogo mbanggwi, inagabolo nggawi penek eerogo pugwi, eeriyak mage o. It nen Naliku inogoba Ala an nake warogo kani kunggwi, yi mendek ndi mendek, Yi Ala kake o, yinuk, nggomoorogo wo'nugwi, eeko menggaarak me, maluk eeka'lek abu obeelom nake leenak aret logowak o.

Mika 1:16

Kinapuri inabuwa nen le yogo logonet, kineeruwak-kinamboro puluk ko eerogo mbanggwi, Kinapuri mbo pinaganuk keele maageren mbo piya nagun me, Towe wam pili nengga eeruwak lek puluk ko aago kwak kineeruwak togop aret eerogo mbanggologwe, eeko logonip o.

Yotuwa 7:6

Inoori wogo mbareegwa, at Yotuwa inom, it aakumi Iterali inoweewi inom, nogo nen inayum nibinik-ndelenak eerogo pakwi, wun waganogo inanobak paga yumbunogo pakwi, eeko nogogwaarik, Aliku ALA aloobut mbanak enaame taati inetenggen wanduk ngginnogogwaarak wonogwe iigak, o aret kiip agagerak.