Etara 9:2 - Ala Wone Peenok Peebi Mbanak

² it aakumi ti inapuri komologwe nogo, it aret kologwe, it inapuri wologwe nen it aakumi ti mendek inapuri komologwe kolaawak nduk, koonogo piigwi, eeko logonet, ninanebunu abu alik leenak nogo nenggelak-kenggelak aret ogoorak o. It aap wone yugu liirogon eeka'lek inaa'nduk eekaarak nogo ti, it ninoweewi inom, aap inengga warak inom, nen inaa'nduk lombok eekaarak o,” yo'nireegwaarak.

Etara 9:2 ပူးပေါင်းရင်းမြစ်များ

Pelaareegerak 7:6

Aakumi inanebunu lombok o nggween paga yime menggaarak abok aret wonogwe iigak, at Aliku kinogoba Ala nen kinalik aret iniki kundugu logobagip nduk, miirogo pinagareegerak me, kit at Aliku kinogoba Ala apuri ake leenak aret ogotik o.

Wundeegwaarak 34:16

Kit nen kinapuri yorogo logonet, It kumi time mendek kolaanip o, yoramonggotak wogonakwi iinok, kwe mbabi eeke menggi kwak it kumi ti nen, inagugi eeko logonet, kinapuri ti nomoniren nookwak, wogonako logorak mage o.

Etara 10:2

Leenggu maakwi me, aap Elam mendek paga wiganak Yekiyen aput Tekaniya nogo nen at Etara yoge logonet, “Yi aakumi ndi aakumi alik mendek ninaagan-ninambokan wonogwe inapuri komologwe wogonakoorak nogo ti, ninogoba Ala oone yugu li'lak eerulik tagambunuk, maluk aret eekoorak me, at Ala nen nit Iterali mbo pinanukwak, wone ena koonugun aret o.

1 Korindut 7:14

Aap iniki abet mbaka'lek nogo akwe abet mbake nogo paga Ala nen ore imbirak ale'nggen inoba piige, ndi, kwe iniki abet mbaka'lek nogo ogonggelo abet mbake paga Ala nen ore imbirak ale'nggen inoba piige, eeke menggerak. Imbirak ale'nggen inoba piyaanetak lek en, it inaagalogwe-inapuri ndarak nogo ti, we terak ndarak negen logonetak kwe, imbirak ale'nggen inoba piige ti paga Ala nen, “Yi an napuri aret o,” yinuk, inarum aret menggerak kogo o.

Maleyaki 2:15

At Aliku ALA nen it aap akwe imbirak ti, ineebe ambit aret eerogo piyareegerak nogo lek a? Ambit aret kunogo piyareegerak me, ineebe inom, iniki inom, ti, at unde aret o. Nonggop nduk aap akwe imbirak ambit togop aret eerogo piyareegerak? Lek o. At mendek awi wiganogo piyaawak nduk, eereegerak o. Togop me, kiniki alik age kero, arum wakkologwe, ndi, kit tawe paga kinakuwi wogonako logonet, kinom wone koonogo pereegutak nogo taganogo pugwi kiyo, liippugwi, eeko logonip o.

Maleyaki 2:11

It Yekura mendek inom eeko logorak koonogo pereegwaarak nogo, lalenogo pugwi, it Iterali menggam inom, o kota Yerutalem inom, maluk inamineeri ne agan noorak nogo mendek eereegwaarak nogo ti, it Yekura mendek nen inogoba Ala lek aakumi inambik inagugi eeko menggaarak mendek inapuri komologwe wogonabeegwaarak paga at Aliku ALA awi wurik alik leenak iniki kunik nogo, enete maluk eerogo pugwi, eereegwaarak ti aret.

Wundeegwaarak 22:31

It nen an namendek nake leenak logowak nduk, miirogo piyareegirak me, nggeewo ta'ngge nen inaanggumi ambi nibinogo pege kenok, it noorak ti mage o. Ata, it nggeewo nen aret nawak nduk, wogorogo logowak o,” yinuk, yoraawak nduk, yoreegerak.

Wundeegwaarak 19:6

it mban an inowe nendagembogut nabu'me logonet, neebe unde logowak nduk, miirogo piige, an napuri maluk eeka'lek nake leenak logowak nduk leenogo piige, eerigin me, wone yi abok aret aakumi Iterali mendek yora wambu o,” yinuk, yoreegerak.

2 Korindut 6:14

It obeelom eeko menggaarak inom, Ala wone yugu taganggo menggaarak inom, inom lambunik logonet, eeko logorak op mbakop? O eya inom, o apit inom, imbirak lambuniyak op mbakop? Keritut ari kenok Tile nen, “E o,” ari, ndi, Tile ari kenok Keritut nen, “E o,” ari, yogo menggaarak mbakop? Ala awi wurik me nen eekwi inom, kugi awi wurik me nen eekwi inom, ti imbirak ndak-ndak eekwi me nduk yogo ogotik? Ndi, it abet mbakwi inom, abet mbaka'lek inom, nano paga iniki ambit eeppunuk, lambunik logorak mbakop? Mondok lek aret me, it aakumi abet mbaka'lek nogo, “Ninom niniki ambit aret o,” yinuk, ugun kinom nugu logorak ti mage o. At Ala nen ari logonet, “An inenggela'me logonet, it ninom nege logogin o. It an napuri aret ogwe, ndi, an nen it inogoba aret age, Eerigin o,” yinuk, ari nagagerik, ti'nuk, ninogoba nen wone ambi ari logonet, “Togop me, aakumi inenggela'me nen wundi woraanip o. Wundi wogo logomonggotik, kinalik leenak logonu o,” yinuk, ari, ndi, ambi, at Omaawi Lombok Menggerak ninogoba nogo nen ari logonet, “Maluk mendek ambi kit kineenggime lek wundi wogwe iinok, an wokkinake logogin o, An nen kinogoba age, ndi, kit nen an napuri wologwe inom, komologwe inom ogwe, Eerugun o,” yinuk, ari, yereegerak nogo ndak-ndak, nit nineebe ti, Ala eenik menggerak awi wurik aret me, it aakumi abet mbaka'lek iinok, “Ninom niniki ambit aret o,” yinuk, ugun kinom nugu logorak lek o.

Wakkagagerak 6:2

Ndi, it Ala apuri nen it endekem mendek inapurilogwe komologwe amuni mbanak kigirikwe iinok, iniki nen uugwe mbako nagaatik, we ugun aret wogonako nogogwaarak.

Yetaya 6:13

O time aap ineebe 10 inooko logonet, ambiret teppegak eeremenggaarak nogo, Ambokan unggwogo logonet, inoorogo piinet nogo logogun kwe, Eyo win inom, eyo teno inom, muurogo pegaatak kwe, andokon wonage menggi kwak, Aakumi alik leenak yumbunik nogo paga nen inagarip wundigin o,” yinuk, yo'nege kagarak o.

Nekemiya 13:28

at aap Ala unde inowe Eliyatip ombooluk Yoyara aput ambi nen aap Mbet-Koron mendek Tambalat apuluk waganeegerak me, an wonage me nen mugogo wumbereegirak.

Nekemiya 13:17

it aap Yekura inoweewi inengga warak nogo mberirage logonet, “Nogo 6 yippunuk, ko'lu yonggonggologo logorak yugu kagak maluk eeppugwi ti, maluk nggwok lombok eekwi me, nonggop nduk eeko ogotik?

Yotuwa 23:12

Ndi, togop eeka'lek, yungguninuk wogo logonet, yi aakumi ndi aakumi wumbiyoolik kinom wonogwe nogo, kinom kiniki ambit a'nuk, komologwe kit mendek it wogonakwi, ndi, it mendek kit wogonakwi, eeko logonet, kinom kunggologwe kiinok,

Etara 9:14

Togop aret eeppinanggendak me, wone, Yogop ee'nu ndogop ee'nu, yereegindak nogo ambinom taganogo punuk, it aakumi maluk ogole warak mendek eeko menggaarak yi, inapuri nit wogonakwi, nit ninapuri it wogonakwi, eeriyak op mbaken? Eekwi niigak, kat kanini nen pup eerogo pinanege logonet, ando iluk ninooka'lek yumbunogo teppinanege, ando mbuuluk iluk mbaganuwok nduk, mbo pinanege, eeriyak mbaken?

Yotuwa 22:15

Nappiyareegwaarak nogo it Uruben mendek inom, Nggat mendek inom, inanebunu Manate mendek ando mogonak nogo inom, wonogwe me, nogo nogogwaarik, wone yorogo logonet,

1 Endagembogut 11:1

Aap endagembogut Talomo nogo Pirawun apuluk iniki kunik wonage kagak, kumi Iterali lek kumi alik it Mowap mendek inom, Amon mendek inom, Erom mendek inom, Tiron mendek inom, Ket mendek inom, apit aret iniki kunik eeginabeegerak.