Etara 7:7 - Ala Wone Peenok Peebi Mbanak

^7-9 Wogoge mbareegi, at Etara inom, aakumi Iterali mendek ineebe aago inom, it aap Ala unde inom, Lewi mendek inom, ndawi tiyangga inom, tungga'nggi arum menggaarak inom, Ala awi wurik me yabu eeko menggaarak inom, abok aret aap Aratakata endagembogut wonage kagak, tahun 6 eeppunuk, ambi eeke tut iyaalok penenak tanggal 1 paga o Mbaben nen wundi woraanuk, wogwe iigak, Ala inabuwa mbake logonet eenggi nggorek paga nobappiirogo wonagagerak me, tut 5 penenak tanggal 1 ti paga o Yerutalem unggwi wogogwaarak.

Etara 7:7 ပူးပေါင်းရင်းမြစ်များ

Etara 6:14

Eeko nogogwaarik, it Iterali inogoba Ala inom, it inendagembogut o Peritiya mendek aap Koret inom, Ndariyut inom, Aratakata inom, nen wone lengganogo yorogogwaarak nogo ndak-ndak, it aap Ala wone yoraga Agayi inom, aap Iro paga wiganak Takariya inom, imbirak nen it aap Yakuri inoweewi kini wuppiigwi iigak, Ala awi wukwi nogo puk arulik mbet-mbet aret worok togon wureegwaarak.

Etara 7:24

Ndi, ambi eeriyak yokkira. It aap Ala unde inom, Lewi mendek inom, ndawi tiyangga inom, tungga'nggi arum menggaarak inom, Ala awi wurik me yabu eeko menggaarak inom, ndi, it ambi alik Ala awi wurik me aakumi inake eeko menggaarak inom, abok aret nggween onggo inom, inarum wonogwe onggo inom, unggwi wogo logonet onggo pugwi inom, kinoone omaawi paga, Pogo logonip o, yoroorak mage o, yinuk, abu aret yokkiragi o.

Nekemiya 1:1

An Kakaliya aput Nekemiya eeke nagagirak wone nogo yi aret. At aap Aratakata nogo endagembogut wonage kagak, tahun 19 eeppunuk, ambi eerak tut Kitelewe peneneegerak paga an o Tutan aap endagembogut awi o nggwok abe wurik me wonage me,

Nekemiya 10:28

ndi, it aap ando Ala unde inom, aap Lewi mendek inom, tu unggwogo menggam arum menggaarak inom, ndawi tiyangga inom, Ala awi wurik me eeko menggaarak inom, eeko logorak Ala wone yereegerak liiru mbanak nogo eeko logowak nduk, it aakumi inaagan-ambokan wonogwe nogo inom ogookko'nok ninom ogogurak inakuwi-inogonggelomini inom, inapuri wologwe-komologwe inom, it wone op woorak kenok

Nekemiya 12:1

It aap Ala unde inom, Lewi mendek inom, at Teyalitiyen aput Terubaben Yetuwa imbirak inom iniyokan wogogwaarak inendage liiru mbanak yi o. Teraya, Yeremiya, Etara,

Nekemiya 2:1

Aap Aratakata nogo endagembogut wonage kagak, tahun 19 eeppunuk, ambi eerak tut Nitan penenak paga aap endagembogut enggaanom paga niniki puru aago wonageelik kwe, ne ti eyom paga niniki puru aago logonet, at ake anggur amburu pipuk eerak nogo wonok at iri nage mbareegi,