Etara 3:2 - Ala Wone Peenok Peebi Mbanak

² Kuwak ari wogo nogogwaarik, aap Yotarak aput Yetuwa oreewi aap Ala unde inom, Teyalitiyen aput Terubaben oreewi inom, abok nen, eeko logorak wone yugu aap Ala wone liirogon eeka Muta nen liiru mbaneegerak nogo ndak-ndak, Iterali inogoba Ala ake warogo kani kunggo logowok nduk, kani kunggak ogobakkigireegwaarak.

Etara 3:2 ပူးပေါင်းရင်းမြစ်များ

Wakkagagerak 12:7

Wogo mbareegwa, at Aliku ALA nen Abaram owagam wage nagagerik, yoge logonet, “An nen o yi kat paga wiganak nen unde eeppunuk logowak nduk, wogorigin o,” yoge mbareegi, at Abaram nen, “Aliku ALA nowagam pe'neya wagaarak o,” yinuk, Aliku ALA ake warogo kani kunggo logorak yugum logonogo pereegerak.

1 Mbinineegwaarak 23:14

Ndi, at Ala wone liirogon eeka Muta nen apuri aap ndaganabeegerak nogo ti, “It Lewi mendek eegu ando aret o,” yinuk, inom lambunogo piinok, ineenggi lingginabeegwaarak.

1 Mbinineegwaarak 3:17

Aap keele maarak o Mbaben pi nagagerak Yoyakin nogo paga wigannogogwaarak ti, at aput Teyalitiyen.

1 Mbinineegwaarak 3:19

At Peraya apuri ti, Terubaben Timeyi imbirak aret. At Terubaben apuri ti, Metulam, Kananiya imbirak. Ndi, it iniriluk kolaga Telomit aret.

2 Mbinineegwaarak 6:6

yogondak perak, nendage ki logowam kota Yerutalem aret leenogo pege, ndi, napuri Iterali inarum logowak nduk, at Ndawut aret leenogo mippege, eereegirak o, yinuk, yereegerak nogo o.

Etara 10:18

It aap Ala unde paga wiganak nen kumi alik mendek wogonabeegwaarak inendage yi aret. Aap Yotarak aput Yetuwa oreewi inom it paga wiganak ti, Maateya, Eliyetet, Yarip, Nggeraliya aret.

Etara 10:20

Aap Imet paga wiganak ti, Kanani, Tebaya imbirak aret.

Etara 10:21

Aap Karim paga wiganak ti, Maateya, Eliya, Temaya, Yekiyen, Utiya aret.

Etara 10:22

Aap Patikut paga wiganak ti, Eliyowenayi, Maateya, Itamayen, Natanen, Yotabat, Elata aret.

Etara 2:2

aap Terubaben inom, Yetuwa inom, Nekemiya inom, Teraya inom, Ereelaya inom, Morekayi inom, Mbilatan inom, Mitapat inom, Mbigawayi inom, Erekum inom, Mbaana inom, inom wogogwaarak inendage liiru mbanak nogo yi aret o. It Iterali mendek aap mban wogogwaarak ineebe lambunik ti,

Etara 3:8

Ndi, at Teyalitiyen aput Terubaben inom, Yotarak aput Yetuwa inom, inoreewi aap Ala unde inom, aap Lewi mendek inom, ndi, aakumi apit keele maageren mbo piya nogogwaarak nogo inom, nen iniyokan Ala awi wurik wonagagim o Yerutalem wogo nogogwaarik, wonogwe iigak, tahun ambi eeppunuk, ambi eeke tut ambi penembunuk, ambi penenak paga Aliku ALA awi wuruwok nduk, warenggwi iigak, inarum logowak nduk, aap Lewi mendek ndarak iigak, tahun 20 eerak nen irimbaga kuli kero mippiyareegwaarak.

Etara 5:2

Wone yorogo nogogwaarak nogo paga aap Teyalitiyen aput Terubaben inom, Yotarak aput Yetuwa inom, “Ala awi obaane'me wuruwok aret o,” yinuk, wukwi iigak, it aap Ala wone yoraga nogo nen yeenggwaarogo nogogwaarak.

Nekemiya 12:1

It aap Ala unde inom, Lewi mendek inom, at Teyalitiyen aput Terubaben Yetuwa imbirak inom iniyokan wogogwaarak inendage liiru mbanak yi o. Teraya, Yeremiya, Etara,

Nekemiya 12:8

Ndi, it aap Lewi mendek nogo ti, Yetuwa inom, Mbinuwi inom, Karimiyen inom, Terebiya inom, Yekura inom, aap oreewi inom Ala, “Wa!” yogo logonet, ndawi tiyangga Mataniya inom,

Ndawi 78:68

Eeke logonet kwe, Anebunu Yekura mendek perak, miikkolage, Puut Tiyon iniki kunik eereegerak nogo leenogo pake,

Wundeegwaarak 27:1

Yoge nagagerik, ambinom yoraawak nduk, yoge logonet, “An Ala nake warogo kani kunggak yuurak ogobakkigiriyak nduk, eyo liibu paga unggut agi-ogu aru-ogwe ndak-ndak metet mbere eeppunuk, ambi oolo abu'me negen wakkagak eerogo nappugwi, ndi, owak mippuurak ti, metet ambiret eeppunuk, ambi oolo abu'me negen wakkagak eerogo mbanggwi, eeruwak o.

Agayi 1:1

Aap Ndariyut endagembogut a'nuk wone lengganogo yorage kagak, tahun ambit eeppunuk, ambi eeke tut 5 penembunuk ambi penenak tanggal 1 ti eyom paga, Aliku ALA nen at yoge kagak yoraga Agayi nogo Ala nen yoge kenok, at Agayi nen aap Teyaletiyen aput o Yekura unde wonage Terubaben nogo inom, aap Yotarak aput Ala unde inowe Yotuwa nogo inom, yoragagerak.

Agayi 1:12

Yorage mbareegi, at Teyaletiyen aput Terubaben inom, aap Yotarak aput Ala unde inowe Yotuwa inom, it aakumi iniyokan wogogwaarak abok aret inom, Aliku inogoba Ala nen at yoge kagak yoraga Agayi wone yoraawak nduk, nappi wagagerak me, Aliku inogoba Ala yereegerak yoragagerak nogo, inaruk konenggo nogogwaarik, Aliku ALA paga inagabiti mbareegwaarak.

Agayi 1:14

Yorage mbareegi, aap Teyaletiyen aput o Yekura unde menggerak Terubaben nogo inom, aap Yotarak aput Ala unde inowe Yotuwa nogo inom, it aakumi iniyokan wogogwaarak abok aret inom, Aliku ALA nen eeriyak inikime mambiige mbareegi, kuwak eeri wogo nogogwaarik, at Omaawi Lombok Menggerak inogoba Aliku Ala awi wuriyak nduk, pigaganeegwaarak.

Agayi 2:21

“At o Yekura unde menggerak Terubaben nogo yoge logonet, Naliku ALA nen mbogut-nggween na'ndo-wa'ndo eeke,

Agayi 2:23

At Omaawi Lombok Menggerak Aliku ALA nen ari logonet, Ne ti eyom paga an Naliku ALA nen at Teyaletiyen aput an nayeloman Terubaben nogo, nobaane'me wone lengganogo yorage logowak nduk, leenogo piminggirak me, amburu cap eekak aap endagembogut eenggi oolo paga yirik menggi kwak, an namberaarenggen negen at eenggi paga yippigin o, yinuk, Nomaawi Lombok Minggirak Naliku an ALA nen aret yagarak me yoru o, yinuk, yegerak me, yokkigi o,” yoreegerak.

Takariya 3:1

Ti'nuk, aap Ala unde inowe Yotuwa nogo, Aliku ALA nen nappi wagaarak malayikat owagam mi'ndak wonage, ndi, Tile nogo, Ndogop eekendak o, yinuk, yoruwak nduk, at eben abeenok paga mi'ndak wonage, eerak wonogwe nogo titi'negerak.

Takariya 3:8

Aap Ala unde inowe at Yotuwa inom, it at oreewi inom, kwi'ndak wonogwe ti inom, peebi eeri woroorak wakkagak it aret me, wone yi, liirogon konenggo logowak o. An nayeloman endage, Agarip o, yogo logorak nogo nappi woraagin o.

Takariya 6:11

Nage logomenggendik, mbuti perak inom, mbuti emas inom, wonok namenggendak nogo paga nggare-nggare ogobakkigirogo punuk, aap Yotarak aput Ala unde inowe Yotuwa nogo anobak paga yirippumunggun o.

Linggineegwaarak 28:2

“Ndogop eeko logonip o, yinuk, it Iterali yoroorak nogo yi aret o. Obari abe kage logonet, nale'nggen kaakit nduk, nake pi wa'nuk, kani kunggo logorak nogo ti, Ne ti paga pi wogo logorak, yugu nogo mugurok pi wogo logorak liippuwak nduk, yoret o.

Lukat 3:27

Yora ti, Yokanan aput. Yokanan ti, Teta aput. Teta ti, Terubaben aput. Terubaben ti, Teyalitiyen aput. Teyalitiyen ti, Neri aput.

Owak Loongga 6:24

Yoge mbareegi, at Nggireyon nogo nen o taa'nogo Aliku ALA abekak yogo logowak nduk, yugum logonogo pege nagagerik, yugum ti endage, “Niniki Tayenogo Pinanega Ti, Aliku ALA aret o,” yinuk, toonogo pereegerak. Ndi, yugum logoneegerak nogo ti, it aap Abiyetet mendek iname o Opara time yogondak kunduk wonage aret o.