Etara 10:9 - Ala Wone Peenok Peebi Mbanak

⁹ Nappit nage mbareegi, nogo kenagan yega'lek kagak it aap Yekura mendek inom, Mbeniyamin mendek inom, aap mban abok aret tut 9 penenak tanggal 20 paga o Yerutalem kuwak ari wogo nogogwaarik, Ala awi wurik oore'nggam kwi'nari unggunuk logonet, wone agagerak ti paga inom, mayu nggwok wage paga inom, inaganak wake nagagerak.

Etara 10:9 ပူးပေါင်းရင်းမြစ်များ

Yeremiya 10:13

At oone ngguurubu negen ari kenok, niyo mbogut paga narak wonage nogo kilak-tamok eeke, Ameraakot o ilin-unggut nen nippit wage, O yabok pindanogo nappege logonet, mayu wuppit wage, O wiya kuwak eerogo pege menggim nen nappit wage, Eeke menggerak o.

Yeremiya 10:10

Kaliku ALA perak, kalik Ala aret! Kat kanggeelik mondok keenik wonage, Kendagembogut kitok mondok wonage, Eeke menggendak o. Kanini mbake keenok, nggween yi nuk-nuk ari, Kanini yi aakumi ndi aakumi inoba piige keenok, ko wappunuk, wonaga'lek iniki ma'nogwe, Eeko menggaarak.

Etet 2:16

Ndi, at Akatiwerot nogo inowe endagembogut a'nuk wone lengganogo yorage kagak, tahun 6 eeppunuk, ambi eeke tut 10 endage Tebet penenak paga at kolaga Etet nogo wonok aap endagembogut awi o nggwok abe wurik me pi nogogwaarak.

Etara 9:4

Kwi'nage nagagirik, wonage neegak, it aakumi wogoren piya nagagerak wogogwaarak nogo nen wone yugu liippega'lek ugun eerit nugwi iinok, it Iterali ando inogoba Ala wone yereegerak inagabiti mbakwi nogo nen an wonage me kuwak ari wogogwaarak wonogwe iigak, an nomanggen tayok yereegerak kwi'ndak wonage neegak, o kiyoma Ala ake warogo wogogo menggam kuli aret ari nagagerak.

Etara 10:3

Eeko logorak wone yugu liiru mbanak niniki ti paga panggombunuk, kat nogoba inom, it ninogoba Ala wone, Yogop ee'nu ndogop ee'nu, yugu inagabiti mbakwi nogo inom, nen, Ndogop aret eeko logowok o, yinuk, koonogo yo'niramonggotak nogo ndak-ndak eeko logonet, kumi endekem mendek inaagalogwe inom wonogwe yi, ponggonogo wumbiyaawok nduk, ninogoba Ala enggaanom paga wone ambi abuk nggaruk togon koonogo puwok o.

Etara 10:8

“Aap ambi ta nen waga'lek kagak, ne kenagan ari nage kenok, nit aap inarum wonogwe inom, inoweewi inom, wone koonogo pogoorak ndak-ndak at amendek abok aret ndinggologwe, it wogoren piya nagagerak wogogwaarak kuwak eerak inenggela'me nen wumbugwi, eerugun o,” yinuk, eerogo nappit nagagerak.

Etara 10:10

Wake wonogwe iigak, aap Ala unde Etara nogo mi'nage nagagerik, it yorage logonet, “Kit Ala wone yugu liirogon eeka'lek taganogo mbo punuk, kumi alik mendek kinakuwi wogonako nogotak paga nit Iterali maluk eekwi nogo ambinom nggwok eerogo pogotak me,

Yeremiya 36:22

Ti luneegerak nogo ti, tut 8 penembunuk, ambi penenak paga o togwi nggut-nggut eeke kenok wonagak nogome togolowak kole ogobakkigirik kani kunik me togwi worakkolage taati kwi'ndak wonage eyom paga luneegerak.