Epetut 6:4 - Ala Wone Peenok Peebi Mbanak

⁴ Kit aap kinapuri wonogwe kenok, inanini aruwak nduk, eeppiyaagup o. Ata, Ala wone mugurok nogo logowak nduk, inaruk wakwi, Ala wone mamunirogwe, eeko logonet, tawe eeginako logonip o.

Epetut 6:4 ပူးပေါင်းရင်းမြစ်များ

1 Mbinineegwaarak 28:20

Ti'nuk, at Ndawut nen at aput Talomo nogo ambinom yoge logonet, “Kat kogogumbuk kiniki mondok nu'lek eeppatinuk logonet, eerit nage logomunggun o. Aliku Ala ti, an nogoba Ala aret me, at nen teppagage, eraangge mbo paganuk mbagangge, eerigin lek kimbirak keegak, Aliku ALA awi wuremenggenom eeko logorak ti age worok togon aret eerumunggun me, kagabiti mbake, anggon eekkake, eeriyak mage o.

1 Mbinineegwaarak 29:19

ndi, an naput Talomo nogo nen, Eerikit aret, mba'nuk iniki aganggen kerek togon, Yogop ee'nu ndogop ee'nu, wone yugu inom, eeko logorak wone inom, wone lengganak inom, nggirik-nggerok porogo logonet eerit nage, o nggwok abe wuriyak an nen yi mendek ndi mendek kuwak eerogo pigirak nogo paga wuke, eeke logowak nduk, eeppege, eeru o,” yinuk, tamban eereegerak.

Kini Wuppiige 19:18

Kaput awo tawe age kagak iniki koonogo puurak op me, koonogo pege logot o. Ugun eerit nage paga wakkolamenggerak kangge kenok, “At nen aret wakkolaawak nduk, ogoba nen aruk waka'lek teppigi,” kombarukwak, togop eeriyak mage o.

Kini Wuppiige 22:15

Elege-aabologwe iniki koonggwi tabarak wonage nogo ti, aap iniki lek eerit nege menggi kwak aret wonogwe me, Yawi paga inookwi iinok, it koonggwi tabarak wonage nogo nggigik togon wungge menggerak.

Kini Wuppiige 22:6

Aap ambi apuluk tu koonak paga nage logowak nduk aruk wake menggerak kenok, Wulaga ti, anggok a'nuk, tu ti mbo punuk, nomo agan alik paga nage logogin lek o.

Kini Wuppiige 29:15

Wologwe yawi inookwi, inaruk wakwi, eekwi paga iniki warak eerogo piigo menggaarak kwe, Wologwe we enaani mbo piigwi iinok perak, inagalomini inenggali eerogo piigo menggaarak.

Kini Wuppiige 29:17

At kapuluk nen kat kiniki ugun obeelom logonok nduk, eeppagage, Ndi, kiniki ale'nggen eeppagage, eeke logowak nduk, at aruk wake logot o.

Yetaya 38:19

It aap ineenik wonogwe nen mban kat tiyappagagwi, An o yogondak, Wa, yokkege kwak, it aap ineenik wonogwe nen mban yokkugwi, Eeko logonet, Kat liirogon eeppiige menggendak inogobamini nen inapuri liirogon mamunirogo menggaarak o.

Pelaareegerak 4:9

Lek aret me, kit nen eerit nogwe kinigen abe nen kogogutak nogo kobak eerogo mbo pukwak, mondok unde wonogwe kiigak kambi noorak kuli aret me, kiniki liippunuk, aberak logonet, kinapuri inom, kinombowologwe inom, abok aret liirogon mbininogo yorogo logomunggup o.

Pelaareegerak 6:7

Waganggo logomonggotik, oome kwi'ndak logonet, endekem tu nogo logonet, yonggonggologo logonet, yabu eeko logonet, wone yi mban mbininggwi, kulinik-kalinik kinapuri mamuninakwi, eeko logomunggup o.

Kolote 3:21

Ndi, kit aap kinapurilogwe warak yi wae. Iniki wakkologo logonet, inogogumbuk ogwe iyo, kinoone panggok togon kinapurilogwe inaruk wakak yuurak mage o.

2 Timotiyut 1:5

Kat abu abet aret kiniki Yetut oba panggombunuk abet mbareegindak nogo, an neenu aret o. Kowogolo Lowit inom, kagalo Ewunike inom, imbirak aa'nduk abet mbareegwaarak ndak-ndak, kat kunduk abet mbareegindak me, niniki aberak agarik o.

2 Timotiyut 3:15

Ala yereegerak wone liiru mbanak paga Keritut Yetut abet mbakwi niinok, ninagap ndariyak nineenu ee'ninaburak wone wulaga mbuuluk paga kat keenu agagindak nogo, abeke logonet, nggirik-nggerok porogo logot o.

Yotuwa 24:15

Ndi, kit nen at Aliku ALA mban mugurok noorak ti, kineebi mbakwi kenok, kinombomini nen niyo Eparat enebagan logonet, Aliku ALA mugurok nogwe obaane'me it kugi eeko nogogwaarak nogo, mugurok nogo logorak a, it aap Amori mendek inanggween paga kit wonogo logonet, Aliku ALA mugurok nogwe obaane'me inagugi mugurok nogo logorak a, nogo ti, o yogondak yi paga aret kit mban miikkolaanip o. An, nakwe, napurilogwe ninom perak, at Aliku ALA mban aret mugurok nogo logogun o,” yinuk, yoragagerak.

Owak Loongga 13:12

Yoge mbareegi, at Manowa nen Ala ayonggo nogo yoge logonet, “Kat wone yagandak nogo a'me nggelok ari kenok, wulaga ti, eenik wonage logonet, eraambe inom, eeke logorak inom, nonggop eeke logogin? Yo'niret o.”