Epetut 6:13 - Ala Wone Peenok Peebi Mbanak

^13-17 maluk eekkinabuwak nduk wogwe iinok, mondok mugogo nappiigo logonet, kit mban kineegin tiyanak logobagip nduk, inagabee'le mbam nggerenggologo mengga kwak, Ala ari menggerak wone kinikime nggerorogon waganggwi, tin yikkologo mengga kwak, Ala obaabut obeelom menggerak nogo yikkologwe, sepatu omaawi mendek yikko'nok nogo mengga kwak, Ala ninom lambumbinaniyak obeelom wone nogo pipuk ee'nuk nogwe, eeko logomonggotik, at maluk lombok eeke menggerak nogo nen omaale kani kunik negen namburi wage nogo, mbeenogo nappogo logobagip nduk, nggeemu langgunggologo mengga kwak, abet mba'nuk kiniki Ala oba panggombugwi, petagi langgunggologo mengga kwak, kinagap ndariyak wone aberogo kologwe, tege wooluwak kwak ti, Aberiniki nen Ala wone wo'niragagerak nogo waganggwi, eeko logomonggotik, Ala nen at eegin-omaale wurogo pinagareegerak nogo, li'luk eeppunuk, kinogogumbuk nu'lek logonip o.

Epetut 6:13 ပူးပေါင်းရင်းမြစ်များ

Wone Alom Kibingga 12:1

Kat awo tawe logonet, at ogobakkigirogo pagareegerak nogo abeke logot o. Maluk koba ariyak ne nogo awo ari waga'lek kagak, “An nda'nagagirak yi tahun ndi tahun ari nage kagak, niniki ale'nggen ee'nabigin lek kagi o,” yuurak eyom awo panggoni waga'lek kagak,

Amot 6:3

“Aaninggin ninoba kwippinani woroorak ti, abu nda lombok wonage,” mba'nuk, eerit nugwi kwe, Kinogogumbuk logonet eerit nugwi paga aaninggin kinoba pinagarak nogo, koorok panggonogo pati wogo ogotik o.

Maleyaki 3:2

Woraagin aret me, aap mbuti at mendek mban aruwak nduk kani woraka kwak, aap yum kooka erabun omaawi ambik kwak, eerogo piyaakit nduk woraagin me, wage ti eyom paga aap ta nen ko wappunuk wonage, kin ari wage eyom ti paga aap ta nen ogogumbuk mi'ndak puk wonage, eerigin mbakop? Lek aret o.

Lukat 21:36

Ti eekkinaburak nogo kinomaawi togon kinogogumbuk logonet, waganggo logomonggotik, an aap aret nda'nagagirak nenggaanom paga mi'narubagip nduk, tamban mban eeko logonet, kiniki tum wakkologo logonip o,” yinuk, yoragagerak.

Lukat 8:13

Ndi, yugum eeri paga wambit nagagerak nogo ti, it aakumi Ala wone konembunuk, inale'nggen logonet, Ala wone waganggo nagaatik, luulu abet mbakwi kwe, inikime awi liirogon yakkoloolik me, peebi iniki abut mbangge eyom paga mbo pogo menggaarak nogo aret o.

Oroma 13:12

O apit lek age kagak, o kilim nagaburak abu panggo yi wagaarak me, o apit paga logonet eeko mengga kwak, eerit nugwi nogo mbo punuk, o weeremenggerak eya paga wim namburuwak nduk, ineegin-inarege li'luk aago mengga kwak, kit togop aret eeppunuk logonip o.

2 Korindut 10:4

It tebembinaniyak nduk eekwi nogo, ninom perenggolaawok nduk, it nggween paga mendek ineegin nogo mendek nit porogo wonogwe lek o. Ata, yigin unde Ala nogo ninenggaawak paga punuk, pak mondok nu'lek wurik kagak toguk togon eerogo pegak inoori ungguurak nogo mendek aret porogo ogoorik o.

Epetut 5:6

It Ala wone tagambunuk, maluk ti mendek eerit nogwe iinok, Ala anini inoba piige menggerak me, it ugun kobak menggaarak nogo nen inoone amburu ndik-ndik agan wogo logonet, kinambokan laganggwi iyo, liippogo logonip o.

Kolote 4:12

Ndi, at kinoreeluk Epaparat inom keyage wappinagage o. At Keritut Yetut ayeloman aret me, kit abet mbareegutak nogo mondok nu'lek porogo logonet, kiniki kole ogwe, ndi, “Ala nen nit eeriyak ninombareegerak nogo yi aret o,” yinuk, abet mbako logonet, eerit nogwe, eekwi kiyaawak nduk, abuwa warak nggo-nggo logonet kinake tamban eeke menggerak o.

Yakobut 4:7

Togop me, Ala abu'me tebe yinip o. Ala abu'me tebe yinuk, wonogwe me, Tile nen maluk eekkinabi wage kenok, kole mbaganuwak nduk, kinom wim perenggologo logonip o.

1 Peterut 4:1

Aap ambi eebe andi yagan wake logonet, “An maluk ambinom eerigin lek,” mbake menggerak me, at Keritut eebe andi-pandi eerogo pugwi iigak, iniki kwi'ndak logonet wagangge nagagerak nogo kwak, kit ndak-ndak kiniki kwi'ndak logonet, waganggo logobagip nduk, it aap wim eeka nen li'luk eeppunuk, mengga kwak, kit togop aret eerogo patinuk logonip o.

Wayu 3:10

Ndi, Kit kinogogumbuk kiniki kwi'ndak logonet eeko logonip o, yinuk, yoragagirak nogo, konembunuk liirogon aret eekwi me, peebi yi aakumi ndi aakumi nggween paga menggaarak abok aret inabut mbanikit nduk, aaninggin-paaninggin inoba piya woroorak eyom nogo paga, it an napuri ti, inoba arukwak, an nen ndegeninake logogin o.