Epetut 6:1 - Ala Wone Peenok Peebi Mbanak

¹ Wologwe-komologwe yi wae. Kit Ala apuri aret me, kinagalomini-kinogobamini inoone yokkirogwe iinok, konembunuk eeko logorak nogo ti, Ala nen aret kooneegerak me, liirogon eeko logonip o.

Epetut 6:1 ပူးပေါင်းရင်းမြစ်များ

Wakkagagerak 28:7

“At Yakup perak, agalo-ogoba inoone liirogon aret konembege nagaarik, o Paran-Aram nagaarak kagi o.”

Wakkagagerak 37:13

at Iterali nen Yutup yoge logonet, “Kat koweewi kambin-ndomba o Tikem koorok nogome ndegeninakwi wonogwe nogo lek a? Kenegen pegiya nak o.” Yoge mbareegi, at Yutup nen, “E o. Naakit o.”

Wakkagagerak 48:12

Yoge mbareegi, at Yutup nen wologwe nogo Yakup enaame nen tayoppiige nagagerik, Yakup abu'me ena nggween paga wandinik logonet, keyage wareegerak.

Wakkagagerak 50:12

Tabun ndoonak wonogogwaarik, at Yakup kambikit nduk, at apuri yoragagerak nogo ndak-ndak eeko logonet,

Nekemiya 9:13

Kat puut Tinayi paga wambi wage nagagindik, puut irimbaga tiyarogon nen wone yorage logonet, eekwi ndak-ndak eeppiigo logorak wone yugu inom, abe a'me nggelok mban eeko logorak wone inom, wone lengganak inom, Yogop ee'nu ndogop ee'nu, wone yugu inom, abok aret li'lak eerogo wogoragagindak o.

Etet 2:20

At Morekayi nen Etet tawe eeke logonet, yoge aruk konok eeke nagagerak nogo ndak-ndak, “An kwe ndi mendek o. Ndi, nogobamini aap ndogop mendek nen nda'nabeegwaarak o, yinuk, yoroorak mage o,” yoreegerak nogo ndak-ndak yoraga'lek aret wonagagerak.

Ayup 33:27

Ti eeke kenok, It obeelom eerogo piyamenggerak nogo nen Aakumi inenggaanom paga yogo logonet, nit maluk aret eekwi, Obeelom eeriyak kagak maluk aret eerit nogwe, Eekoorak kagak kwe, At Ala nen nit maluk eekoorak nogo onggo ndak-ndak eeppinanega'lek teppinanege,

Ndawi 119:128

Ndi, eeko logorak koone yugu ti, Obeelom ndak-ndak aret yo'nege mbake, Eeke me, Wone alik agan nugwi ti, An neebi lombok mbake minggirak o.

Ndawi 119:75

Kaliku ALA wae. Eekaatak ndak-ndak eeppiige menggendak wone neenu me, Kat liirogon eeppanege logonet, Aaninggin-paaninggin noba paneegindak keege agarik o.

Ndawi 19:8

Kaliku ALA nen eeko logorak wone yo'nirage nogo ti, A'me nggelok mban age menggerak me, Aakumi inale'nggen mbaruwak nduk eeppiige, Kaliku ALA kawone, “Yogop ee'nu ndogop ee'nu,” yugu nogo Tabarak lek kin paga wonage me, Aakumi iniki eya eerogo piige, Eeke menggerak o.

Kini Wuppiige 1:8

Naput yi wae. Kogoba nen karuk wake nogo karuk konengga'lek taganogo pege, Ndi, kagalo nen wone mamunggege nogo, “We aret agan nege a,” yinuk, mbo pege, Eeriyak mage o.

Kini Wuppiige 23:22

At ndakkabeegerak kogoba nogo oone liirogon konengge, Ndi, kagalo abu kweegelo age kenok, at keebi mbake, Eeriyak ti mage o.

Kini Wuppiige 30:11

It aap ando inapuri nen inogobamini pulunogo piigo logonet inagalomini inale'nggen inoba piiga'lek mbo piigwi,

Kini Wuppiige 30:17

Wulaga ambi nen ogoba eeke paga enggali nen enegen laambok andiigwi wake, Ndi, agalo yoge nogo, “Eeriyak neebi,” mba'nuk, meek eerogo pege, Eeke nogo ti, Towe ya'ngge-ya'ngge o kobappaga nugwi nogo nen at enegen ti, kilirogo nunggwi, Ndi, towe pen ware nen at eebe warak nibik togon nenggak eekwi, Eeko logogun o.

Kini Wuppiige 6:20

Naput yi wae. Kogoba nen, “Yogop ee'nu ndogop ee'nu,” yokkege nogo liirogon unde wonage, Kagalo nen wone mamunggege nogo kobak eerogo pega'lek porogo wonage, Eeke logot o.

Yeremiya 35:14

At Erekap aput Yonarap nen, Anggur amburu noorak mage o, yinuk, apuri wone lengganogo yoragagerak nogo, liirogon porogo logonet, inombo nen wone lengganogo yoragagerak mugurok, o yogondak kuli anggur amburu nengga'lek aret menggaarak kwe, it perak, an nen kulinik-kalinik yoragak mban eeke minggirak kwe, noone konembunuk eeka'lek aret agaarik o.

Yeremiya 35:18

Yo'nege mbareegi, an Yeremiya nen it inanebunu Erekap mendek nogo yorage logonet, “At Omaawi Lombok Menggerak Iterali inogoba Aliku Ala nen yegerak nogo yi aret. It inombo Yonarap nen wone lengganogo yoragagerak abok aret liirogon konembunuk eekwi, ndi, Yogop ee'nu ndogop ee'nu, yoragagerak nogo pippunuk mugurok nogwe, eeko menggaarak me,

Yeremiya 35:8

At Erekap aput ninombo Yonarap wone lengganogo yo'niragagerak ti abok aret eerit wundi wogo logonet, nit inom, ninakuwi inom, ninapuri wologwe-komologwe inom, abok aret nen anggur amburu nunggwi,

Oteya 14:9

An wonage neegak, it Eparayim ti, inagugi inom wone mbanggo logorak op ya? Lek me, Yeenggwa niret o, yo'nugwi iinok, an nen aret wone onggo yorage, An nen aret inarum wake, Eeke logogin o. An ti, eyo kilu-kilu engga mili lubu ari menggi kwak minggirak me, An paga kunik logonet, anggen yogo logogun o, yinuk, yegerak me, yokkiragi o,” yoragagirak.

Ala Unde 19:3

Naliku inogoba Ala an aret me, inalitak lombok nen inagalomini-inogobamini inayuk wukwi, ndi, nogo 6 yippunuk, ko'lu paga yonggonggologo logorak nake leenogo pateegirak nogo liirogon aret abekwi, eeko logowak o.

Lukat 2:51

Ti'nuk, at inom o Nataret nogo nogogwaarik, at agalo-ogoba inabu'me logonet, inoone liirogon konengge kagak, at agalo nogo nen perak, it aakumi agan nugwi nogo inikime liippake nagagerak.

Oroma 12:2

It aakumi nggween paga mendek nen iniki mba'nuk eerit nogo mengga kwak, kit togop eerit nogo logogup o. Ata, kit alik ngget mendek eerit nogo logobagip nduk, “Niniki ngget alik ogobakkigi'ninake logot o,” yinuk, Ala yogo logonip o. Ti yorumonggotak eekkinake kenok, at Ala eeriyak mbake nogo ti, obeelom aret kogwe, eerit nogwe kiinok, Ala iniki ale'nggen ninombake kogwe, ndi, “Abu obeelom lombok koonggerak me, ambi kooniyak lek aret,” mbakwi, eeko logorak kineenu arumunggup o.

Oroma 16:2

At kwe ti nen aakumi ambik yeenggwaarage logonet, an togon yeenggwaanege nagaarak me, at nen, “Yogop eeppaniyak o,” ari kenok, yeenggwaagwi, ndi, it Ala apuri alik leenak nen inoreewi abet mbakwi nogo keyage warogo wogonako mengga kwak, “Kwe ti ninowe abet mbareegerak me, nit mendek aret o,” yinuk, waganggwi, eeko logonip o.

Oroma 7:12

Ti kenok, wone yoreegerak Muta liiru mbaneegerak ti, maluk lek abu obeelom alik leenak aret o. Ndi, Ala nen, “Yogop ee'nu, ndogop ee'nu,” yinuk, yereegerak wone nogo ti kunduk, mondok obeelom mot-mot alik leenak aret agaarik o.

1 Korindut 15:58

Ti kenok, noreewi o. Kit an niniki kunik me, kiniki mondok kwi'ndak nu'lek logonet, ninowe eyabu aret eekwi kenok ti, we aanom warogo eekwi lek ambi kola noorak nduk eekwi kineenu me, kulinik-kalinik nggwiirit-nggwaarit aret eeko logonip o.

Pelaareegerak 21:18

Yorage nagagerik, ambi yorage logonet, “Aap ambi apuluk wulaga me, agalo-ogoba yogaatak, Eeriyak, eebi mbake, aruk waremenggaarak kwe, inoone liirogon konengge, eeka'lek anobak yugum negen kumbunuk wonage kenok,

1 Timotiyut 5:4

Kumi togwe inaagalogwe-inowowologwe wonogwe iinok perak, it nogo nen Ala wone ndak-ndak eeruwak nduk, inagalomini- inowogolomini it inaa'nduk yeenggwaarogo logowak o. It inagalomini-inowogolomini nen inaagalogwe-inowowologwe ndegengginako nogogwaarak nogo onggo yogondak it togop aret ndegeninako logowak o. Togop eekwi iinok, Ala inikilom mbake menggerak.

1 Peterut 2:13

“Ninogoba meek eerogo pukwak me,” yinuk, aap endagembogut kinarum menggerak Kayitat nogo inom, ndi, it aakumi obeelom eekwi nogo wogoppiigwi, maluk eekwi nogo aaninggin inoba piigwi, eeko logowak nduk, it o unde logorak mippiigwi ineebe nogo inom, it wone unde menggaarak nogo nen abok aret wone lengganogo yokkirogwe iinok, “E o,” yinuk, eeko logonip o.

Urut 3:5

Yoge mbareegi, at Urut nen ari logonet, “Yo'negendak nogo abok ndak-ndak aret eerikit o.”

1 Tamuwen 17:20

Yoge mbareegi, ko'lu kuubondendok at Ndawut nogo eenik a'nuk, aanggumi kambin-ndomba nogo, aap ambi arum logowak nduk, pege nagagerik, at ogoba yoreegerak nogo ndak-ndak wonok owewologwe inawooliya wuppunuk, wonogwe me nogome unggwi nage kagak, it aap Iterali ineegin warak nogo wim namburuwok nduk, ina koonogo mannogo logonet, “Ninawim o,” yinuk, nggomooreegwaarak.