Epetut 5:7 - Ala Wone Peenok Peebi Mbanak

⁷ It aap togop yogo menggaarak nogo ti, kinom kunggoloorak mage o.

Epetut 5:7 ပူးပေါင်းရင်းမြစ်များ

Ndawi 50:18

Aap kiraakwi kinigen iinok, kinom eerit nugwi, Kumi ugun wurinaka kinom kunggologwe,

Kini Wuppiige 13:20

Aap ambi nen aap iniki warak imbirak kunggolage kenok, at iniki warak aret age, Ndi, aap ambi nen aap wi negen imbirak kunggolage kenok perak, at eebe aret maluk eekkolage, Eeko menggaarak.

Kini Wuppiige 9:6

Kinale'nggen logonet, kineenik logomunggup nduk, Kiniki lek wi negen eerit nugwi ti, mbo punuk, Yi wone ndi wone ineenu nen eeko menggam mugurok nogo logonip o.

Ala Unde 11:16

towe ndindim inom, nggogugi inom, pibit ndagayo inom, towe pili nengga anebunu ti mendek abok aret inom,

Linggineegwaarak 16:26

at Muta nen it aakumi apit aret kuwak aago nogo yorage, “It aakumi maluk eeko menggaarak yi, it inomaluk paga inooke logonet, kinom nggelengginabukwak, it inamendek ambi mbaangga'lek logonet, inawooliya wurik me mbo piinok, tayorogon time ari nanip o.”

2 Korindut 6:14

It obeelom eeko menggaarak inom, Ala wone yugu taganggo menggaarak inom, inom lambunik logonet, eeko logorak op mbakop? O eya inom, o apit inom, imbirak lambuniyak op mbakop? Keritut ari kenok Tile nen, “E o,” ari, ndi, Tile ari kenok Keritut nen, “E o,” ari, yogo menggaarak mbakop? Ala awi wurik me nen eekwi inom, kugi awi wurik me nen eekwi inom, ti imbirak ndak-ndak eekwi me nduk yogo ogotik? Ndi, it abet mbakwi inom, abet mbaka'lek inom, nano paga iniki ambit eeppunuk, lambunik logorak mbakop? Mondok lek aret me, it aakumi abet mbaka'lek nogo, “Ninom niniki ambit aret o,” yinuk, ugun kinom nugu logorak ti mage o. At Ala nen ari logonet, “An inenggela'me logonet, it ninom nege logogin o. It an napuri aret ogwe, ndi, an nen it inogoba aret age, Eerigin o,” yinuk, ari nagagerik, ti'nuk, ninogoba nen wone ambi ari logonet, “Togop me, aakumi inenggela'me nen wundi woraanip o. Wundi wogo logomonggotik, kinalik leenak logonu o,” yinuk, ari, ndi, ambi, at Omaawi Lombok Menggerak ninogoba nogo nen ari logonet, “Maluk mendek ambi kit kineenggime lek wundi wogwe iinok, an wokkinake logogin o, An nen kinogoba age, ndi, kit nen an napuri wologwe inom, komologwe inom ogwe, Eerugun o,” yinuk, ari, yereegerak nogo ndak-ndak, nit nineebe ti, Ala eenik menggerak awi wurik aret me, it aakumi abet mbaka'lek iinok, “Ninom niniki ambit aret o,” yinuk, ugun kinom nugu logorak lek o.

Epetut 3:6

Wone obeelom wone waganggwi paga it aakumi endekem mendek inom, aakumi Iterali mendek inom, Ala apuri mban aret me, Ala nen obeelom eeppinaniyak kooneegerak nogo ndak-ndak aret kologwe, nineebe ando mogonak kit aret wonogwe, ndi, Ala nen Keritut Yetut eeremenggerak paga nit eeppinaniyak wone abok yo'niragagerak nogo, kit kunduk, ndak-ndak aret waganggwi, eekwi nogo ti, wone kote kumaarak yogondak iluk kin agaarak nogo ti aret.

Epetut 5:11

It aap o apit paga logonet, obeelom ambi eekkoloorak lek kagak eerit nogo menggaarak nogo, kinom lambumbunuk eerit nagup o. Ata, it kote eeko menggaarak inabok mbininiyak kineebi mbakwi kwe kagak, nggwok paga aret inenggali wappiigo logonip.

1 Timotiyut 5:22

Ala apuri unde logowak nduk, inanobak mbet-mbet tebeniyak mage o. It ambi maluk eekwi iinok, kat kinom nabenggoloorak ti mage mban o. Kat kiniki kikak naka'lek mondok alik leenak logot o.

Wayu 18:4

Konengge nagarik, wonage me, mbogut paga nen oone alik ambi ari logonet, “Kit an napuri yi wae. It o kota Mbaben maluk eekwi nogo obaga lu'luk arit mbogut ndak-ndak ari lagangge kenok, At Ala mondok aberak wonage me, kinom maluk eerit nogwe kiinok, It maluk onggo inoba piige logonet, kinom kinoba pinagage kero, o time mbo punuk, kole mbaganggo logonip o.