Epetut 5:4 - Ala Wone Peenok Peebi Mbanak

⁴ Kumi inabok mban agan nugwi, elege negen ugun i'ndok kambuurak mban agan nugwi, iniki kumi paga mban lunik logonet, inoonewak agan nugwi, eekwi ti mendek abok aret yuurak lek maluk mendek kagak agan nugwi me, kit Ala apuri kenok togop yuurak mondok mage. Ata, Ala, “Wa!” mban yoge logonip o.

Epetut 5:4 ပူးပေါင်းရင်းမြစ်များ

Ndawi 33:1

Kit aap kiniki abe monggotak yi wae. It aap iniki koonak nen At alut eeko logorak op me, Aliku ALA eekkinake paga Kinale'nggen nen ndawi wako logonip o.

Ndawi 92:1

Kat Tiyanak Lombok Menggendak yi wae. Kaliku ninogoba ALA, “Wa,” yokkugwi, Kendage tiyappagago logonet ndawi wakwi, Eeko logorak ti op aret o.

Kini Wuppiige 12:23

Aap iniki penenak nen yi wone ndi wone ineenu nogo inikime tebembunuk menggaarak kwe, It iniki lek nogo nen aap wi yogo mengga kwak ugun-ugun agan nugu menggaarak.

Kini Wuppiige 15:2

Aap iniki warak oone nogo ti, ineenu ariyak mendek wundi wage menggerak kwe, Aap wi negen oone nogo ti, iniki kobak eerogo piyoorak mendek mban wundi wage menggerak.

Wone Alom Kibingga 10:13

Inoone aa'nduk wundi wage nogo ti, aap iniki lek wi inoone yogwe kwak yogo nagaatik, Irip paga perak, it aap iniki mbanak kwak aret yogo menggaarak.

Ndaniyen 6:10

Wone liiru mbanogo punuk, wumbereegerak nogo, at Ndaniyen aruk konembunuk, ame nage nagagerik, ame irimbaga ko ambi ogoorak me, pugagi ena Yerutalem pa'nggwe mbanak nogo, pugagi paarak me time nen o ne ambit wege paga ne kenagan kuli tamban eeke menggerak nogo ndak-ndak, time ari unggunuk, endobanggun yindumbunuk, tamban eeke, Ala wa yoge, eeke nagagerak.

Marakut 7:22

mbabi eekwi, aap inamendek uugwe-uugwe agan nugwi, maluk mban eekwi, inambokan laganggwi, iniki kumi paga mban lunik logonet kumili negen ugun-ugun eerit nugwi, kiniki aagi wungge, inabok mbanggwi, wogoppatit nugwi, kiniki mbanak negen eerit nugwi,

Yaya 6:23

yiiro ando o Tiberiyat nen ninogoba Ala, “Wa,” yinuk, aakumi roti tumburiragagerak nonggo nogogwam nogome aret wunda wogwe iigo nogogwaarik,

Oroma 1:28

Ndi, it nen, “Ala ti abet aret wonage, yuurak kwe, ambi eeppinaniyak lek me,” mbako nogogwaarak paga, iniki lek negen a'nuk, eeriyak lek mendek kagak, eeko logowak nduk, Ala nen pulunogo mbo piyareegerak.

2 Korindut 1:11

kit kunduk, ninake tamban eeko logonip o. Ninake tamban eerumonggotak ninogoba aruk konembunuk, ninabuwa nen obeelom eeppinanege nogo, it aakumi apit niigo logomenggaarik, Ala wogoppogo logowak nduk, ninake tamban eeko logonip o.

2 Korindut 9:15

Ala ninabuwa nen mondok alik negen wo'niragagerak nogo mbininogo yuurak meek me, at mban, “Wa, wa,” yogo logowok o.

Epetut 1:16

tamban eeke logonet, kit eerit nogwe paga an puk aga'lek Ala mondok, “Wa,” yoge minggirak.

Epetut 4:29

Wone maluk mendek kinambe paga nen wumbi woroorak ti mage o. Ata, it konenggwi nogo nen, “Ninabuwa nen yo'nirogwe iigo o,” yuwak nduk, aaninggin ambi inoba age kenok, iniki kole eeppiyoorak wone mban yogo logonip o.

Pilipi 4:6

Aaninggin nano mendek ambi kinoba age kenok, kiniki piirik logogup o. Ata, “Aaninggin ndogop noba agaarak o,” yinuk, tamban eekwi, ndi, kinamendek ambi lek kenok, wokkiraawak nduk, “Ala wa,” yinuk, nggino yogwi, eeko logonip o.

Kolote 3:8

yogondak, nanini-kanini yogwe, neebi-keebi yogwe, maluk eeppiyoorak koonggwi, miyuk-meya eerogo piigwi, wone yuurak lek mendek kagak yorogwe, eekwi ti mendek abok aret mbo pinip o.

1 Tetalonika 3:9

Kit eerit nogwe paga nit niniki ale'nggen ambik ee'ninake me, “Ala wa,” yinuk, at yogo monggoorak nogo ti, at eenu aret kwe, iya negen ambi ngge mendek yorubok ee'ninake agaarik o.

1 Tetalonika 5:18

Keritut Yetut kinom kunik logonet, eerit nogwe kiinok, yi mendek ndi mendek eeppinagagwi nogo ti, Ala mbareegerak paga aret eeppinagagwi me, “Wa,” mban yogo logonip o.

Pilemon 1:8

Togop me, an koweeluk Keritut nimbirak kunik logonet, kat ambi eeriyak agaarak kagarak nogo, eeke logonok nduk, noone omaawi togon yokkiriyak op kwe,

Iberani 13:15

Togop me, eyoonggen abe yi'nage menggi kwak, “Yetut ninowe aret o,” yinuk, Keritut ninake eereegerak paga Ala ake warogo wogogwi negen, nit kulinik-kalinik ninoone paga Ala alut eeko logonet, endage tiyappegak mban eeko logowok o.

2 Peterut 2:7

Ndi, at aap Lot iniki obeelom aret wonagagerak kwe, it aakumi ti, inenggela'me logonet, Ala wone taganogo punuk, iniki nen nengge kenok ugun-ugun eerit nogwe nogo enegen iige, inoone ugun agan nogwe nogo aruk konengge, eeke logonet, at iniki mondok abe koonak me, “Yi eekwi yi, ao,” yinuk, ko'lu-kii'me iniki mondok wakko'net unggwage Ala nen kage nagagerik, it aakumi ti, pup eerogo piige logonet, at aap obeelom aret me, agap ndareegerak nogo lek a?

Yurat 1:10

it aap kinenggela'me unggwi wagaarak wonogwe ti perak, wone alom liirogon ineenggo'lek kagak miyuk-meya eerogo pogo logonet, nggeewo iniki lek ugun eerit nogo mengga kwak, it togop aret iniki aganggen eeginake kenok eerit nogwe nogo mban ineenu logonet eerit nogwe me, ineebe aret lek eerogo patit nogo agaarik o.

Yurat 1:13

niyo kilaarak-mogonik eeke logonet, eyak-nggoyak eerogo nippit wage menggi kwak, it aap ti, eekulik mendek kagak togop aret ugun-ugun eerit nugwi, ndi, laaluguragan inobaane'me lombok wonogwe iigak, ambiret ambi nggigik togon, pinda agan lek ari nage menggi kwak, eerit nugwi, eeko menggaarak me, at Ala nen o apit aago me mondok-mondok logowak nduk, inake ogobakkigirogo piyareegerak wonage agaarik o.