Epetut 5:3 - Ala Wone Peenok Peebi Mbanak

³ Kit Ala apuri ake leenak aret kagak, kumi ugun wurinabit nugwi, kiniki kumi paga mban lunik logonet, ugun-ugun eerit nugwi, uugwe-uugwe mbakwi, eerit nugwi kiinok, it aakumi ando nen, “Ala apuri aret kwe, maluk eekwi iyaanip o,” yinuk, kinombakwi iyo, liippunuk, eeko logonip o.

Epetut 5:3 ပူးပေါင်းရင်းမြစ်များ

Ndawi 10:3

“Niniki nengge nogo aret eerit nogo ogoorik o,” yinuk, wogoppakwi, It aap yi mendek ndi mendek mban kolaawok, mbarit nugwi nogo inendage tiyappiigwi, At Aliku ALA endage meek eerogo pugwi,

Ndawi 119:36

“An ambi eekkola,” mba'nuk, Ti mban mugurok noorak ee'nabukwak, Aberak logorak wone yereegindak nogo Mugurok nage logokit nduk, nena koonogo panege,

Wundeegwaarak 18:21

yeenggwa kugo logowak nduk, it aakumi inanebunu lombok inenggela'me nen aap ineebe wone koongga kenok, Ala inagabiti mbaka kenok, wone yo'nuk, Abet aret eerigin, mbaka kenok, iniki yanggo yuwak nduk, wu wogogaatak waganggeelik kenok, leenogo piige logomenggendik, at ambi nen aakumi ineebe seribu unde logowak nduk mippege, at ambi nen aakumi ineebe 100 unde logowak nduk mippege, at ambi nen aakumi ineebe 50 unde logowak nduk mippege, at ambi nen aakumi ineebe 10 unde logowak nduk mippege, eeru o.

Wundeegwaarak 20:17

Aap ambi awi wurik a, akweeluk a, ayeloman kumi-aap a, aanggumi lembu-keledai a, amindik-amendek abok aret kiniki nen uugwe-uugwe mbariyak mage o,” yinuk, wone ti abok aret at Ala nen aret yoragagerak.

Wundeegwaarak 23:13

An nen yi wone ndi wone yorage minggirak nogo mbo puurak lek mondok liirogon aret woppunuk eeko logowak o. Ndi, aap alik inagugi nggino yogwi, inendage kunggwi, eeriyak mage o,” yinuk, yoraawak nduk, yoreegerak.

Kini Wuppiige 28:16

Aap aakumi inarum wonaga ambi nen iniki kole aga'lek awo wonage logonet, apuri tebenogo pit nage menggerak kwe, Aap ambi it wi-wi aganako logonet, waganggwi eebi mbake nogo perak, li a'nuk kangge menggerak.

Yeremiya 22:17

Togop aret eeko menggaarak kwe, at aput ti perak, enegen kage, inikime koongge, eeke nogo ti, Aakumi wi-wi aganake logonet, eenggi warak eekkoloorak mban koonit nege, It aap maluk eeka'lek iigak inooke, Ineebe tebenogo piige, oone omaawi paga inamendek wagangge, Eerit noorak Iniki ti paga mban panggonak menggerak o,” Yinuk, yegerak me, yagi o.

Yeremiya 6:13

“It aap inendage lek inom, inendage warak inom, abok aret ambi kolaawok nduk mugurok nugwi, It an wone yorage neegak yoraga inom, it an neebe unde inom, abok ndak-ndak inoone pilit pugunggo logonet, aakumi wi-wi eeginabit nugwi, Eeko menggaarak.

Yeremiya 8:10

It inakuwi ndinogo aap alik wogorage, Ndi, ineyabu eerak nogo it aap o tebengga wogorage, Eerigin o. It aap inendage lek inom, inendage warak inom, abok aret ambi kolaawok nduk, mugurok nugwi, It an yorage neegak yoraga inom, it an neebe unde inom, abok ndak-ndak inoone pilit pugunggo logonet, aakumi wi-wi aganabit nugwi, Eeko menggaarak.

Yetikiyen 33:31

yogo nagaatik, ineebe an napuri negen a'nuk, ambik aago wogo nagaatik, kat koone konenuwok nduk kowagam kwi'nari wogo menggaarak kwe, kat nen it yorage nogo eekulik aret menggaarak o. It inambe paga, Aakumi niniki kunik eeginako monggoorak o, yinuk, yogwe kwe, iniki perak, aakumi wiwi aganako logonet, ineenggi warak eekkoloorak nogo mendek mban mugurok nogo menggaarak.

Ala Unde 15:18

Ndi, kwe ambi aap imbirak nogo yogo logonet, aap oona mendek wangge kenok, kwe aap imbirak ineebe niyo paga ngguu'mo wakkologo logomenggaarik, ineebe maluk aremenggerak nogo wonage kagak, oonegen aret kilu yi nawak o.

Mika 2:2

It nen aakumi ineyabu eerak uugwe mba'nuk kologwe, Inawi wurik uugwe mba'nuk tebenggologwe, Inawi wurik inom, inoreewi ineyate pugu inom, ndinggologwe, Eeko menggaarak.

Linggineegwaarak 25:1

It aakumi Iterali mendek nogo o Titim kobappaga time ari nanuk wonogo logonet, kumi Mowap mendek ugun aret wuginabit nogo nogogwaarak.

Matiyut 15:19

Kinikime maluk eeriyak koonggwi inom, aap wakwi inom, kumi kundugume wurinakwi inom, komologwe tawe wurinakwi inom, yogoot waganggwi inom, pilit wone inoba piigwi inom, miyuk-meya eerogo piigwi inom, nogo ti, kinikime nen aret wungge menggerak me,

Lukat 12:15

Yoge nagagerik, Yetut nen aakumi yorage logonet, “Kinamendek apit wonage nogo paga kineenik eeko logorak lek me, uugwe-uugwe mbakwi kiyo, kiniki tum wako logonet, liippogo logonip o,” yoragagerak.

Lukat 16:14

Yorage mbareegi, it aap Pariti nen Yetut wone yoragagerak nogo konenggo nogogwaarik, wu inikilom me, Yetut meek agago pereegwaarak.

Nappiigak 15:20

We, wam kugi aanggo warak noorak mage o. Mbabi eeriyak mage o. Yi mendek ndi mendek amiya wungga'lek kagak warak kenok, noorak mage o. Amiya noorak mage o, yinuk, liiru mbanogo punuk wogoraawok o.

Nappiigak 20:33

Kit kinawu mbuti perak emas inom, kinambogoyum inom, an uugwe mbake logolik o.

Oroma 1:29

Pulunogo mbo piyareegerak me, yi maluk ndi maluk alitik-alitak lombok ambik aret eeko nogogwaarak. Eeko logonet, maluk mban eerit nugwi, uugwe-uugwe mbakwi, inogogumbuk logonet agan nugwi, neebi-keebi yogwe, aap wakwi, yawi pugwi, inambokan laganggwi, inanini agaket yogwe, togot-togot wone yogwe,

Oroma 16:2

At kwe ti nen aakumi ambik yeenggwaarage logonet, an togon yeenggwaanege nagaarak me, at nen, “Yogop eeppaniyak o,” ari kenok, yeenggwaagwi, ndi, it Ala apuri alik leenak nen inoreewi abet mbakwi nogo keyage warogo wogonako mengga kwak, “Kwe ti ninowe abet mbareegerak me, nit mendek aret o,” yinuk, waganggwi, eeko logonip o.

Oroma 6:13

Ndi, “Maluk eeriyak ee'ninake nogo, nineenggi-niniyok paga eeriyak op aret o,” yinuk, wondet agago mbo pugup o. Ata, aakumi kanggaatak ineenik agago mippiigo mengga kwak, kit togop aret ogogutak me, obeelom mban eerit nogo logobagip nduk, kineenggi-kiniyok abok aret Ala mban wogo'nuk logonip o.

1 Korindut 10:8

Ndi, it ando ndawi wappunuk, kumi ugun-ugun wurinabit nogo mbareegwa, ne ambit liingge ineebe ambik dua puluh tiga ribu aret kambit nogogwaarak nogo kwak, nit togop ee'ninabukwak, ugun aganabit nugu logorak mage o.

1 Korindut 5:1

Noreewi o. Kit kinenggela'me time kumi ugun eeginabit nogwe konenggirak me, ambi yokkira o. Aap ambi nen at ogoba akwe kagak, “Ndinggerak,” konengge nagarik, yokkiragi. Wologo wae. It aakumi Ala wone konenggulik mendek nen kit eekotak ti, it ndak-ndak abu eekulik kagak, eekotak o.

1 Korindut 6:13

Ninambi ti, ninaanogum ake, ndi, ninaanogum ti, ninambi ake aret kwe, peebi at Ala nen, ti imbirak lek eerogo pigin o. Nineebe nogo ti, kumi ugun eeginabit nugu logorak nduk ake ti lek o. Nineebe ti, ninowe ake aret, ndi, ninowe ti, nineebe ake aret wonage o.

1 Korindut 6:18

Ti kenok, kumi ugun eeginaburak eekkinake kenok, “Eeriyak nineebi o,” yinuk, mbo pogo logonip o. Yi maluk ndi maluk ando kiniki abe'nage kenok, kinagabolo paga nen ugun eeko monggotak kwe, kumi eeginabit nugu logonet, maluk eekwi ti perak, kinikime nen mondok aberogo punuk, eekwi me, kineebe mondok maluk eekkologo monggotak aret o.

2 Korindut 12:21

An kiya wage logominggirik, kit maluk abu alik negen eeko logonet, kumi ugun wurinabit nugwi, kiniki kumi paga mban lunik logonet, ugun-ugun eerit nogwe, kiniki nengge kenok, ugun eekwi, eekwi nogo paga kiniki wakkologo logomonggotik, kinomaluk mbo pega'lek kiinok, an kinabuwa nen le ari Ala aruk konembunuk, kit kinenggaanom paga nenggali wappanege kero, nagabiti o, noreewi.

Epetut 5:5

It kumi ugun wurinabit nogo menggaarak inom, iniki kumi paga mban lunik logonet, inabok agan nugu menggaarak inom, ndi, it uugwe-uugwe mbakwi nogo ti, aap kugiwak alut eekwi ndak-ndak aret me, it ti inom, it aap ti eeko menggaarak abok aret Ala Keritut imbirak inabu'me piigo menggam unggwi nagun mondok lek mbako logonip o.

Pilipi 1:27

An yime wonage neegak eekwi konenigin a, time kiya wage neenok eekwi kiyaagin a, kit obeelom wone abet mba'nuk waganeegutak nogo, mbo pega'lek kiniki ambit a'nuk, nu'lek logonet, eerit nogwe neenu arigin me, obeelom wone Keritut nen yo'niragagerak nogo, ndak-ndak liirogon aret eerit nogo logonip o.

Kolote 3:5

Togop me, noreewi o. Kumi ugun wurinabit nogwe, kiniki kumi paga mban lunik nugwi, kiniki nengge nogo mugurok nogwe, maluk eeriyak mban kinikilom mbakwi, yi mendek ndi mendek koloorak uugwe mba'nuk, tiyappugwi nogo ti, kugiwak alut eekwi ndak-ndak me, uugwe-uugwe mbakwi, eeriyak mage o. Ti eerit nogwe kiinok, Ala anini abet aret kinoba pinagarak me, ti eeriyak eekkinake nogo abok aret mondok warogo wuppogo logonip o.

1 Tetalonika 4:3

At Ala nen kit maluk eeka'lek at ake leenak logorak mbake nogo ti, kit kumi ugun wurinabit noorak mage nduk, yereegerak o.

1 Timotiyut 2:10

Ata, it kumi Ala wone liippunuk, mugurok nogo menggaarak mendek nen inayum-inagali liippunuk yikkologo mengga kwak, yi obeelom ndi obeelom eeriyak nogo ti, ndak-ndak aret liippunuk eerit nogo logowak o.

1 Timotiyut 3:3

amburu kumili aganake ndonggorogon nenggeelik kenok, anini mbet-mbet wunggeelik iniki yanggonak kenok, yawi pegeelik kenok, wu inikilom mbakeelik kenok, aap togop mendek ti, Ala apuri unde logorak mippiyoorak op aret o.

1 Timotiyut 6:10

Yiluk-maluk alom lombok ti, wu mban uugwe mbarit nugwi ti aret o. It aakumi ando nen uugwe nduk, kwaarit nugu logonet, wone abet mbareegwaarak nogo mbo punuk, tu alik nomoninuk nogwe me, aap togowa paga ndanunggologo nagaatik, andi kogo mengga kwak, it aap ti, togop aret wakkologo menggaarak.

2 Timotiyut 3:2

Ti eyom paga eeriyak nogo ti, aakumi nen, “An mban,” mbako logonet, iniki nggilimi wonogwe, wu mban uugwe mbarit nugwi, iniki tiyappatit nugwi, “Wi!” iraawak nduk wogoppatit nugwi, inoreewi miyuk-meya eerogo piinet nugwi, inagalo-inogoba inoone liirogon konengga'lek nugwi, lambek-nggoonak nugwi, Ala wone taganogo pit nugwi, eeko logogun aret o.

Titut 1:11

It aap ti, inenggali ariyak kagak, yi mendek ndi mendek kolaawok nduk, wone mamuniyak lek mendek mamunirogo logonet, aap ambi aaganapuri apit inom iniki abut lagak-mbagak aganabit nogo menggaarak me, inoone mondok lek eerogo piige logot o.

Titut 1:7

It aap aakumi inarum logorak nogo ti, Ala eyabu eeka me, maluk eeke kenok aakumi inoone inoba piyookwak, obeelom mban eerit nugu logowak o. It koonggwi mban eeriyak mbakwi, inanini mbet-mbet wungge, amburu kumili aganake mendek ndonggorogon nunggwi, ndugwi pugwi, aakumi inawu kolaawok nduk, wi-wi aganakwi, eeko menggaarak kenok, aap ti mendek mippiyoorak lek o.

Titut 2:3

It kumi inanggok ti, it eeko menggaarak liippunuk, Ala ayuk wuko logonet, eeko logowak nduk, aap inanggok yoroorak yokkigirak nogo ndak-ndak aret yorage logot o. Inambe irip paga wonok nugwi, amburu kumili aganake mendek ndonggorogon nunggwi, ti eeko logorak lek o. Ata, wone abe wone kenok mban mamunirogo logowak nduk, yorage logot o.

Iberani 12:16

Kit ambi kumi ugun-ugun eeginabit nugwi, ndi, aap Etawu nogo nen Ala wone taganogo punuk, maluk eereegi kwak eerit nugwi, eekwi kiyo, liippogo logonip o. At Etawu nogo nen manggu ndarak kenok ineebe obeelom logowak nduk, awoneninu kiligirogo menggaarak nogo, “Nawuluk kat kilikkiruwak nduk, onggo mbi larak ti, an wo'niru o,” yoge mbareegi, wogoreegerak nogo ne ambit aret nengge nagagerik,

Yotuwa 7:21

Kugun wogo yum nggorek kigirikwe o Mbaben mendek penggaarak abe mendek inom, wu mbuti perak aaninggin mbere wakkaanuk, ambi oolo negen ari nage inom, mbuti emas aaninggin ambi oolo negen ari nage nogo inom, an nen nenegen kage nagarik, uugwe nen wagangge nagarik, nawooliya wurik me nggween kabunogo mbuti perak nogo abena pege nagarik, ando ogombaga kumaappigirak wonage o, nogoba.”

1 Peterut 5:2

Kit Ala apuri inarum logobagip nduk, mippinagareegerak nogo, “Kineebi,” mbako logonet, inarum logorak ti mage o. Ata, Ala iniki mbake ndak-ndak, “Inarum logokit,” mbako logonet, ndomba ndegeninako mengga kwak, Ala apuri ti, togop aret ndegeninako logonip o. Ndi, onggo koloorak paga mban kiniki lunik logonet, ndegeninako logorak ti mage mban. Ata, we kiniki ale'nggen paga aret ndegeninako logonip o.

2 Peterut 2:10

It togop eeppiyoorak nogo ti, mbuuluk negen eeppiyoorak kwe, it aakumi nen, “Nit maluk eeko logowok o,” yinuk, iniki nen nengge kenok, ugun eerit nogwe, Ala nen wone lengganogo yorage nogo taganogo punuk, at eebe miyuk-meya eerogo pugwi, eekwi nogo perak, aaninggin mondok ndonggok togon inoba piige kaagun. It malayikat nogo ti, inomaawi ambik inayuk warak me, Ala yogo logonet, “It aap kat ari menggendak kagak pilit pugunogo yorogo menggaarak nogo ti, mondok maluk eekwi me, kat ninogoba nen mondok inooke logot o,” yinuk, inoone omaawi paga Ala yoriyak op kwe, inagabiti warak me, we yanggorogon yogo menggaarak. Yanggorogon togop aret yogo menggaarak kwe, it aap pilit wone yaga ti nen perak, “Ninagabiti o,” yinuk, inaganak waka'lek iniki wogoppako logonet, kugi inom, malayikat inom, abok aret ugun miyuk-meya eerogo piinet nogo menggaarak.

2 Peterut 2:14

Ti eeko logonet, it inigen alik ambi paga pugwi lek o. Ata, kumi we ugun ya wurinakak nogo mban inigen wogoren nogo logonet, ugun-ugun eeginabit nogo nagaatik, “A! Yi abu eekirak me, ndonggoppanigi,” yinuk, yogolik, nabenak mban eerit nogo logonet, it aap iniki awo kole aga'lek nogo, inenggaanok nggerok yuwak nduk, nomoniren keele pugume piya nogo menggaarak. It yi mendek ndi mendek koloorak uugwe mbako menggaarak me, ti kolaawok nduk, “Wone ngge yoraawok o,” yinuk, iniki koombunuk agan nugwi nogo paga, Ala nen mondok pulunogo piyareegerak wonogo agaarik o.

2 Peterut 2:3

It aap mamuniraga ti nen ambi kolaawok nduk, kinambokan laganggo logonet, inoone ugun pilit pugunogo yokkirogo logogun o. Togop yokkirogo logomenggaarak kwe, it eekwi paga at inowak loombunuk maluk inoba piyoorak maan koonogo pereegerak Ala nogo ti, we ugun maanggo yugu logonet nogo lumok ari wonage lek o. Ata, ineebe lek eerogo piyoorak nduk abu li'luk eerak aret wonage agaarik o.

Wayu 2:14

Togop aret yogwe iigirak kwe, mbuuluk ambi ninggin eekwi iigirak nogo perak, yoraawak nduk, yoriyak, yokkiri o. It aakumi Iterali mendek nen Ala wone mbo punuk kugi aanggo warak nunggwi, ndi, kumi we ugun-ugun wurinabit nogwe, eeko logowak nduk, at Mbileyam nen aap Mbalak mamunege mbareegi, aap Mbalak nen Iterali mendek mamuniragagerak wone nogo, it Ala apuri o Peragamut wonogwe ando nen wone ti, mugurok nogwe,

Wayu 2:21

At kwe ti, iniki koombunuk, omaluk mbo puwak nduk, tokkagarak kwe, An ee'nabuwak, mbarit nege nogo mbo puurak neebi o, yinuk, eerit nage me,

Wayu 21:8

it Ala wone mugurok noorak inagabiti mbaka inom, abet mbariyak ineebi mbaka inom, maluk peyak wurik kagak ugun eerit nega inom, aakumi inooka inom, kumi ugun wurinaka inom, magagirak iyagalo inom, kugiwak amili kungga inom, pilit pugungga inom, it abok aret it logowam pipuk eerogo pereegim kani omoonuk wunuk mban ari menggim nogome mbo nappiyaagin o. Aa'nduk ineenik logonuk, kambemenggaarak kwe, kani omoonu'me nappiyoorak nogo ti, peebi ne ambi kanggwi nogo kokwak aret o,” yinuk, yo'nege kagarak.

Wayu 22:15

it nggeewo pogom eeko menggaarak inom, magagirak iyagalo inom, yawukak mbabilu inom, aap inooka inom, kugi eeka inom, ndi, yi aap ndi aap pilit puguniyak inikilom mbako logonet, pilit-pilit pugungga inom, it perak, o kota time unggwi naga'lek yagat endekem logogun o.

Wayu 9:21

aakumi inookwi, magagirak inookwi, kumi ugun wurinakwi, yogoot waganggwi, eeko monggoorak abok aret mbo punuk, niniki koonuwi o,” yinuk, yuurak op aret kwe, mbo pega'lek iniki kundugu logonet, eerit nogwe iigirak.

1 Tamuwen 8:3

inogoba eeke nagagerak nogo liirogon woppunuk eeko logolik. Ata, wu kolaawok nduk, aakumi inambokan laganggwi, wu wogorogwe iinok, inoone yaga-kaga eerogo abe inowak looninaka'lek teppiigwi, eeko nogogwaarak.