Epetut 5:24 - Ala Wone Peenok Peebi Mbanak

²⁴ Ndi, Ala apuri yi awi ndi awi monggoorak nogo ti, Keritut abu'me logonet, oone konenggo monggoorak nogo pogom, kit kumi togop aret kinogonggelomini inabu'me tebe yinuk, logonet, it inoone mban konenggo logonip o.

Epetut 5:24 ပူးပေါင်းရင်းမြစ်များ

Wundeegwaarak 23:13

An nen yi wone ndi wone yorage minggirak nogo mbo puurak lek mondok liirogon aret woppunuk eeko logowak o. Ndi, aap alik inagugi nggino yogwi, inendage kunggwi, eeriyak mage o,” yinuk, yoraawak nduk, yoreegerak.

Wundeegwaarak 29:35

Karun apuri inom an neebe unde logowak nduk, mippiyoorak wone lengganogo yokkigirak yi, eeppiige keegak, ne 7 aret aruwak o.

Lukat 10:17

Ti'nuk, it aap 70 nappiyareegerak nogo inale'nggen mbakak iniyok paga wogo logonet, “Ninogoba o! Kugi kunduk kat kendage kunogo yorogwe niinok, konenggwi iigoorak o.”

Epetut 5:23

At Keritut alik nen nit Ala apuri yi awi ndi awi monggoorak nogo, ninagap ndarogo at eebe paga ambit aruwak nduk, kunogo pinaneegerak me, ninanobak kwak Keritut wonage nogo pogom, kit kumi kinanobak kwak ti, kinogonggelomini aret o.

Epetut 5:25

Ndi, kit aap yi wae. Kit kinakuwi warak kenok, Keritut nen nit Ala apuri yi awi ndi awi monggoorak nogo, ninabuwa mbake logonet, “Inake kambikit o,” yinuk, ninake kambeegerak nogo kwak, kit kinakuwi togop aret inabuwa inombako logonet, obeelom eeppiigo logonip o.

Epetut 5:33

Ata, kit aap kineebe kiniki kunik eekkologo monggotak kokwak, kinalitak lombok kinakuwi inabuwa mbakwi, ndi, kit kumi kunduk, kinogonggelomini inayuk wuko logonet, inabu'me tebe yinuk, inoone konenggwi, eeko logobagip nduk, inom aret yokkirage agarik o.

Kolote 3:20

Kit wologwe-komologwe yi wae. Kit kinowe inikilom kinombaruwak nduk, kinagalomini-kinogobamini inoone yokkirogwe abok aret liirogon konembunuk, eeko logonip o.

Kolote 3:22

Kit aakumi inayeloman monggotak yi wae. Kinogobamini inikilom kinombaruwak nduk, inigen wonogwe iinok mban eeko logorak ti mage o. Ata, ninowe ayuk wuko logonet, it yokkirogo menggaarak nogo abok aret, “E o,” yinuk, kiniki abe paga inake eerit nogo logonip o.

Titut 2:7

Aakumi kat paga in wakkagak eeko logowak nduk, kat yi eekak ndi eekak eeke logonet, obeelom mban eerit nage logot o. Eerit nage logonet, wone mamunirage menggendak nogo, kat koone inom nabenogo ugun-ugun mamunirage, kayuk lek we i'ndok-i'ndok yorage, eeke logogun o.

Titut 2:9

It aakumi inayeloman nogo ti, inogobamini lombok nen yorogwe nogo, inoone konembunuk, wone onggo yoraga'lek iinok, inogobamini inikilom logowak nduk, yorage logot o.