Epetut 5:18 - Ala Wone Peenok Peebi Mbanak

¹⁸ Ndi, anggur amburu nonggo logomonggotik, kumili kunit namonggotak paga maluk eekkinaburak me, mbo punuk, Aberiniki mban kiniki me liinik logowak nduk, eeko logonip o.

Epetut 5:18 ပူးပေါင်းရင်းမြစ်များ

Wakkagagerak 9:21

Yake nagagerik, ti'nuk, anggur amburu mburunogo nengge logonet, iniki abu lek a'nuk kumili kungge nagagerik, ayum yirik lek awooliyana wonagagerak.

Ndawi 69:12

It wone mbangga tu unggwogo menggam kwi'ndak logonet, An nabok nggarik-nggarek yogwe, Aap amburu kumili aganaka nunggo logonet, Ndawi paga an nanep tenok-mbenok yogwe, Eeko agaarik o.

Kini Wuppiige 20:1

Anggur amburu nunggwi paga aakumi miyuk-meya eerogo piyoorak aganake, Ndi, amburu kumili aganaka nenggaatak paga ndugwi puurak eeginake, Eeke menggerak me, Aap ambi nengge nagaatik, tu alik nomo agan nage kenok, iniki lek aret mbako menggaarak.

Ndawi Iya 1:4

Togop me, nit mbet-mbet nawok nduk, an kat kambokan woraakit nen, “Omok o,” yo'niru o. Nowe kendagembogut yi wae. An wo'neren kago ogoorak me pani wagandak wonage agarik o. Kat keenok, ninale'nggen nggwok lombok mbakwi, Kat eeke keenok, niniki ale'nggen alik negen kogwe, Anggur amburu noorak ninikilom mbuuluk mbakwi kwe, kat ninoreeluk abuwa nen kiniki kunik eekendak paga kat tiyappagagwi, Eeko ogoorik o. It komologwe kat tiyappagarak ti abu obeelom aret o.

Ndawi Iya 7:9

Ndi, kambe paga keyak mbannake nogo ti, anggur amburu abe kwak wonage, Eerak logowak o. Anggur amburu nogo ti, lek aga'lek at niniki kunik eeke yi, nogo yege kagak kwe, Ambe paga neyak toguk-toguk mban eeke logogin o.

Yetaya 25:6

“Puut yi paga Nomaawi Lombok Minggirak Naliku ALA nen yi aakumi ndi aakumi abok aret Inake yi mendek ndi mendek ombat abe lombok anggur kole agaarak amburu toolak inom, Amok enggaanggum ta'mbanak inom, Anggur amburu at mendek mban toolak inom, Pipuk eerogo pege,

Yetaya 5:22

It aap anggur amburu nengga iyagalo inom, Amburu kumili aganaka nenggelak-kenggelak eeka unde inom,

Yetaya 55:1

Aliku ALA nen ari logonet, “It abok aret niyo abu wonogwe ti, woraawak o! Wogo logomenggaarik, niyo yi nawak o. It inawu lek wonogwe ti, wogo logomenggaarik, inambi waganogo nunggwi, Inawu paga onggo pugwi, onggo kunogo nunggwi, eeka'lek we aret anggur amburu inom, tapi elak amburu inom, kologo logomenggaarik, nunggwi, Eeko logowak o.

Ala Unde 10:9

“Kat kapurilogwe kinom kinoorukwak, niyo anggur amburu ilik, amburu kumili aganake menggerak nogo mendek a, neenok, an ninom lambungge minggim nawooliya wurik me time unggwi noorak mondok mage o. Wone lengganogo yokkirage yi nogo ti, kapuri-kombowologwe nda'narit nogo logogun kinom mondok eeko logorak wone ti aret.

Matiyut 23:25

Kit Ala wone liiru mbanak unde aap Pariti kinom kiniki laakot logonet, eeko monggotak yi, aakumi inamendek yumbu-lambu agago kologo monggotak inom, An mban kola, mbako monggotak inom, nogo ti, kinagiiwa'na kunduk, kinarengga'na kunduk, tookkologo monggo'nom time eno korok aago kagak, agabolo endekem mban kooko monggotak me, kinabuwa o.

Matiyut 24:49

ogoba ayeloman mini at oreewi ando nogo yawi inooke, it amburu nenok, kumili aganaka mendek inom lambunik logonet, yi mendek ndi mendek ugun lagap mban nenet nege, amburu nengge, eeke kenok perak, nonggop o?

Lukat 1:15

At ninogoba Ala nen at aap nggwok aret kaagin o. Ndi, anggur amburu inom, amburu omaawi kumili aganake mendek inom, at nengge logogin mondok lek aret o. At awo agalo inikime nen Aberiniki inikime mondok liinik nda'narigin o.

Lukat 11:13

Lek me, kit aap maluk mendek kwe, kinapurilogwe nen yokkirogwe iinok, obeelom mendek wogorogo monggotak nogo ndak-ndak, kit kinogoba mbogut paga mendek, Aberiniki wo'niru o, yogwi kiinok, wokkiraagin lek mbakop? Wokkiraagin aret o,” yinuk, yoragagerak.

Lukat 12:45

Ndi, ayeloman nogo nen iniki mbake logonet, An nogoba elaambirik logonuk woraagin mbaki o, yinuk, at ogoba ayeloman mini at oreewi ando nogo kumi aap inom yawi inooke, yi mendek ndi mendek ugun lagap mban nenet nage, amburu kumili aganakwi mendek nengge logonet, kumili kunit nage, eerit nage kenok perak, nonggop o? Lek o.

Lukat 21:34

Wone ambinom yorage logonet, “Ta'na pugu ne ambit paga pagi aan mbelek togon wake menggi kwak, Ne ti paga ndogop eekkinabigin o, yinuk, wone yokkiragarak nogo, kit aakumi o nggween paga abok aret ne ambit perak togon eekkinabi woraagin me, yi mendek ndi mendek kinaanoguma'le ndenok yogoorak nenet nugwi, amburu kumili eeginake mendek nenet nugwi, Namendek nonggop kolaakit o, yinuk, kiniki koonit nugwi, eeko logonet, kiniki ugun kobak arumonggotak wonogwe kiyo, kiniki tum wakkologo logonip o.

Yaya 2:10

“Wulaga! Anggur amburu ombat abe mendek aa'nduk tumburirogo nagaatik, ndonggorogon nunggwi iinok, ti'nuk, peebi amburu ombat maluk negen tumburirogo menggaarak kwe, kat perak, anggur amburu ombat abe mendek peebi wo'niroorak nduk, porogo wonagandak keegi o,” yinuk, yoreegerak.

Oroma 13:13

Amburu nonggo nagaatik, kumili-kumili negen agan nugwi, ndem wappunuk, kwaanggen wako logonet, kumi ugun wuginakwi, iniki nen nengge kenok ugun eerit nugwi, ndugwi pit nugwi, “An ambi eerikit lak, at mban eeke yi, neebi a,” yinuk, agan nugwi, eerit nugu logorak mage o. Ata, o liingge paga logonet, eeko mengga kwak, nit togop aret eeko logowok o.

1 Korindut 5:11

An liiru mbanggiragagirak nogo ti, it nen, “Nit abok Ala apuri aret,” mba'nuk, “Ninoreewi o,” yokkirogo logonet kwe, kumi paga mban iniki lunik logonet, eeginabit nugwi, uugwe-uugwe mbakwi, kugiwak amili kunggwi, aakumi inabok mbanggwi, amburu nonggo nagaatik, kumili negen agan nugwi, yogoot waganggwi, eekwi iinok ti, “Kinom lambunik logorak lek o. Ndi, mbi makkirogwe iinok kunduk, noorak abu lek o,” yinuk, mbanggiragagirak.

Pelaareegerak 21:20

Pi nogo logomenggaarik, it aap inoweewi wone mbangga nogo yorogo logonet, Ninaagaluk-ninapuluk yi, ninoone yogwi nogo, liirogon konengga'lek taganogo punuk, anobak yugum negen kumbunuk iniki nen uugwe mba'nuk ugun-ugun eerit nage, amburu kumili aganaka nogo mendek nengge, eeke menggerak o.

1 Tetalonika 5:7

It aakumi nogo yugu menggaarak nogo ti, oonikiya aret nogo yugu menggaarak. Ndi, it amburu kumili aganabuwok nduk, nonggo menggaarak nogo ti, oonikiya aret nonggo menggaarak kwe,

Titut 1:6

Ala apuri unde logowak nduk mippiyoorak nogo ti, aakumi inoone inoba piigulik kenok, inakuwi ambit wogo kenok, “Inapurilogwe nen ugun-ugun eerit nugu logonet, inagalomini-inogobamini inoone taganogo piigwi kwe, inaruk waka'lek kiraap!” yogolik Ala wone abet mba'nuk eeko menggaarak inogobamini kenok, it ti mendek mban mippiyoorak op o.