Epetut 5:15 - Ala Wone Peenok Peebi Mbanak

^15-16 Togop me, kit eerit nogo monggotak nogo, mondok liippunuk eerit nogo logonip o. O yi eyom paga aakumi nen maluk mondok alik negen eerit nogo logorak koonggwi me, kiniki lek we ugun eerit nogo logorak ti mage o. Ata, kiniki mondok warak logonet, “O yogondak obeelom eeriyak ambi yi, nanonggwan agaarak me, eerikit o,” mba'nuk, eerit nogo logonip o.

Epetut 5:15 ပူးပေါင်းရင်းမြစ်များ

2 Tamuwen 24:10

It aap wim wakaa'ngget linggininabeegwaarak yoreegerak nogo, at Ndawut konengge nagagerik, iniki aaninggin ndugu agan nage logonet, at Aliku ALA yoge, “Kaliku nogoba ALA wae. An nen, Linggininabi nanip o, yoragarak nogo ti, maluk nggwok lombok aret eekirak o. An maluk lombok wi negen eekirak me, an kayeloman maluk eekirak yi, mbo nappu o, nogoba,” yoreegerak.

Ayup 2:10

Yoreegerak kwe, Ayup nen akwe nogo yoge logonet, “Kat kumi kumiligwe nen yogo mengga kwak ari agandik o. At Ala nen nit obeelom eeppinanege kenok waganggwi, ndi, maluk mendek eeppinangge kenok mbo pugwi, eeriyak nduk ari agandik ya?” yinuk, yoreegerak. Ti abok aret oba age kagak, Ayup nen wone ambi yereegerak paga maluk ambi eerulik aret o.

Ndawi 73:22

Aap wi iniki apit mengga kwak liippega'lek wonage, Kenggaanom paga wam inobaabut mengga kwak wonage, Eekirak o.

Wundeegwaarak 23:13

An nen yi wone ndi wone yorage minggirak nogo mbo puurak lek mondok liirogon aret woppunuk eeko logowak o. Ndi, aap alik inagugi nggino yogwi, inendage kunggwi, eeriyak mage o,” yinuk, yoraawak nduk, yoreegerak.

Kini Wuppiige 14:8

Aap iniki warak nen iniki penenak logonet eeke ti, at eerit nage nogo liippege menggerak aret kwe, Aap iniki lek wi negen eerit nage ti, aakumi inambokan laganikit nduk, pilit agan nege menggerak.

Kini Wuppiige 15:21

Aap iniki yuundurak nogo nen wone kobak eeriyak mendek mban koneniyak inikilom mbake menggerak kwe, Aap iniki warak nen perak, tu koonak paga nage menggerak.

Matiyut 10:16

Wone ambinom yorage logonet, “Kit ndomba kokwak yi, it aakumi nggeewo endekem mendek pogom wonogwe me, inowagam nappinagage agarik o. Nappinagaminggirak inenggela'me logonet, waalo yimela-nimela nege menggi kwak nugu logonet, towe puume enegen waanggo pogom nugu logomunggup o.

Matiyut 25:2

It komologwe ka wundi nogogwaarak nogo ti, ineebe 5 iniki lek, ndi, ineebe 5 iniki warak me,

Matiyut 27:24

Yogo mbareegwa, at Pilatut nen, “An noone we aanom warogo ari, ndi, nawone-kawone yogo logonet, maluk nggwok eeriyak age, eeke,” kage nagagerik, niyo toolak waganogo it aap kuwak aago inenggaanom paga eenggi kooke logonet, “Aap yi, amiya an noba arigin lek o. Kit kinoba aret logogin me, kinobaalombok aret koonggo logonip o,” yinuk, yoragagerak.

Matiyut 27:4

“Ai. At maluk eerulik kagak, an nen warubagip nduk, onggo mbanggirak me, maluk aret eekirak o.” Yorage mbareegi, it nen, “Wone ti, nit ninoba agaarak mbaken? Ti kat kobaalombok aret o.”

Matiyut 8:4

Lek aret age mbareegi, Yetut nen at yoge logonet, “Aakumi abu yoraagun o. At Ala unde nogo nen keebe pekkeyaawak nduk, owagam nak o. An obeelom eekkakirak me, Muta nen, Ala ake ndogop puurak o, yereegerak nogo ti, pege keyaawak nduk, pi nak o,” yinuk, yoreegerak.

Lukat 24:25

Yogo mbareegwa, at Yetut nen it yorage logonet, “Kit wi kiniki yunduurak aret kiigi o. It aap Ala nen yorage kagak yoraga nen wone yokkirogo nogogwaarak nogo abok aret mbet-mbet abet mbarulik nonggop nduk wonogotak?

1 Korindut 14:20

Noreewi o. Kit kiniki koonggwi nogo ti, it wologwe-mbuulogwe iniki koonggo mengga kwak, kiniki togop koonggo logogup o. Ata, it aap iniki warak koonggo menggaarak pogom koonggo logonip o. Maluk eeriyak eekkinake kero, elege awo ngget ndarak maluk ineenggo'lek menggaarak nogo pogom, kit togop aret logonip o.

Nggalatiya 3:1

Kit Nggalatiya mendek yi wae. Yetut Keritut eyo karo-karo paga kambeegerak wone nogo, kumaarak lek mondok kin paga aret paganogo yokkirage nagagirak konenggo nogogutak kwe, yogondak ta nen kugi pulunogo pinagagerak kenok, kiniki lek kumili negen agan nugu ogotik?

Nggalatiya 3:3

Kit kiniki ngget ndakkinabeegerak nogo ti, Aberiniki nen aret kwe, yogondak wone Muta yoreegerak nogo eerit nogwe paga, “Niniki kole eekkolaawok o,” yinuk, eeko ogotik ya? Kit kiniki lek wi negen aret eekwi kiigi o.

Epetut 5:2

Ala ake warogo kani kunggwi iinok, Ala nen obari obeelom kage menggi kwak, at Keritut ninabuwa nen, “Inake kambikit,” mba'nuk, ninake kambeegerak nogo ndak-ndak, nabuwa-kabuwa mbako logonet, at ambi obeelom eeppegak eeko logonip o.

Epetut 5:33

Ata, kit aap kineebe kiniki kunik eekkologo monggotak kokwak, kinalitak lombok kinakuwi inabuwa mbakwi, ndi, kit kumi kunduk, kinogonggelomini inayuk wuko logonet, inabu'me tebe yinuk, inoone konenggwi, eeko logobagip nduk, inom aret yokkirage agarik o.

Pilipi 1:27

An yime wonage neegak eekwi konenigin a, time kiya wage neenok eekwi kiyaagin a, kit obeelom wone abet mba'nuk waganeegutak nogo, mbo pega'lek kiniki ambit a'nuk, nu'lek logonet, eerit nogwe neenu arigin me, obeelom wone Keritut nen yo'niragagerak nogo, ndak-ndak liirogon aret eerit nogo logonip o.

Kolote 1:9

Kit togop eerit nogwe ninaruk koneneegurak kuli nen puk aga'lek kulinik-kalinik kinake tamban eeko logonet, Ala nen eeriyak mbake menggerak abok aret Aberiniki nen kineenu eeppinagage logonet, yi wone ndi wone alom abok aret yelok kogwe, ndi, kiniki warak eeppinagage, eeke logowak nduk, Ala yogo monggoorak.

Kolote 4:5

It aakumi abet mbaka'lek mendek kinom eerit nogo logonet, “Ala abet mbaruwak nduk, wone yoroorak nanonggwan aga o,” yinuk, kiniki mondok kwippunuk, eerit nogo logonip o.

1 Tetalonika 5:15

Maluk onggo-onggo eekwi iyo, liippiigo logonip o. Kit-kit inom, it aakumi abok inom, obeelom mban eekak yuwak nduk, liippogo logonip o.

1 Timotiyut 6:9

It aap, “Nineenggi warak eekkolaawok,” mbakwi iinok, Tile nen, “Nanonggwan aga o,” yinuk, iniki nggagangge kagak, pagi keele pugu paga enggaanok nggerok togon wake menggi kwak, it aap ti togop aret perak togon maluk eekwi, ndi, “Yi an neebe paga maluk eekkolage,” mbaka'lek iniki ugun nenet nugwi, eerit nugwi paga yobok togon yigeebu wanggo logonet, ineebe mondok wakkolaagun aret o.

Iberani 12:25

at nen wone yokkirage nogo konembunuk, mbo pugup o. Liirogon aret porogo logonip o. At nggween paga logonet, Ala nen eeriyak mbareegerak nogo yorage mbareegi, “Nineebi o,” yinuk, mbo pogo mbareegwa, Ala nen teppiyoolik mondok inooreegerak me, yogondak at mbogut paga wonage nogo nen wone yo'nirage nogo mbo pugwi niinok, nit teppinanigin mbakop? Lek o. Mondok ninoorigin aret o.

Yakobut 3:13

Kit aap ambi kinenggela'me iniki warak logonet, yi mendek ndi mendek mbet-mbet yelok kage menggerak kenok, aap ti, iniki tebenak logonet, iniki warak nen obeelom eerit nage kinigen kogo logobagip nduk, eerit nage logowak o.

1 Peterut 1:22

“Iri'ngga-kale'ngga ero kwit agan lagangge nagaatik, ti'nuk, mbuk age, Ndi, iri'ngga anggen laambu yege kenok, aakumi nen, Wi! egaatak kwe, ne ambit liingge mono-mono wangge, Eeke menggerak nogo ti, Nit aakumi nineebe ti kwak aret kwe, Ala wone ti perak, mondok itok aret menggerak o,” yinuk, yereegerak liiru mbanak ndak-ndak, Ala wone lek ageelik mondok itok menggerak nogo aakumi waganggwi iinok, ineenik eeginake menggerak obeelom wone nogo aret yokkirogogwaarak waganggo mbareegup, mondok kineenik logobagip nduk, kiniki ngget ndakkinabeegerak nogo ti, aakumi inapuri ndaganakaatak kambit nogwe nogo pogom lek o. Ata, at mondok eenik menggerak Ala nen aret ndakkinabeegerak me, kit Ala ari menggerak wone konembunuk, “Ndak-ndak eeko logowok o,” yinuk, eerit nogo logonet, maluk kinikime wonage nogo mbo pereegutak me, yogondak kiniki laakot paga kinoreewi Ala apuri kinom kunik aganako logogup o. Ata, kiniki abe paga aret kinoreewi kinom niniki-kiniki kunik eeko logonip o.

Wayu 19:10

Yo'nege mbaki, abu'me tebe yinuk, alut eerikit nduk eeke me, at nen yo'nege logonet, “Togop eeriyak mage o. At Yetut wage nagagerik, Ala ndogop menggerak o, yinuk, paganogo yoragagerak wone koreewi waganggo nogogwaarik, porogo wonogwe nogo inom, kat inom, an kit pogom Ala ayeloman aret me, Ala abu'me tebe yinuk, at mban alut eeke logot o. At Yetut nen paganogo yorage nagagerak wone nogo ti, nit abok Aberiniki nen yo'nirage kagak yorogo monggoorak me nduk, yokkigi o,” yinuk, yo'nege kagarak.