Epetut 5:11 - Ala Wone Peenok Peebi Mbanak

^11-12 It aap o apit paga logonet, obeelom ambi eekkoloorak lek kagak eerit nogo menggaarak nogo, kinom lambumbunuk eerit nagup o. Ata, it kote eeko menggaarak inabok mbininiyak kineebi mbakwi kwe kagak, nggwok paga aret inenggali wappiigo logonip.

Epetut 5:11 ပူးပေါင်းရင်းမြစ်များ

Wakkagagerak 20:16

Yoge nagagerik, kwe Tara nogo yoge logonet, “It koreewi kinom wonogwe nogo abok nen, At kwe Tara ti, abet aret maluk eeppuulik obeelom aret porogo wonagaarak kombaruwak nduk, an kat koweeluk wu mbuti perak seribu yi wogogi o. Yi eekirak paga, Kwe yi, maluk lek abu obeelom aret, yokkogo logowak nduk eeki o,” yoreegerak.

Ndawi 141:5

It aap iniki abe koonak nen nookwi iinok ti, Nabuwa nen ee'nakwi me, nookwi, It nen aret naruk wakwi iinok ti, Obeelom aruwak nduk amburu eeppiigo mengga kwak Eeppanugwi me, naruk wakwi, Eeruwak o. It eeppanugwi nogo ti, “Neebi,” yigin lek, “Op aret,” yigin kwe, It aap maluk eeka nen eeppaniyak mbakwi iinok perak, “Neebi,” lombok mbake minggirak me, Eeppanugwi iyo, tamban mban eeke minggirak o.

Kini Wuppiige 1:10

Naput yi wae. It aap maluk eeka nen kinikime manabi wogwe iinok, “E o,” yinuk, muguren noorak mage o.

Kini Wuppiige 1:31

It eekwi onggo ti, inambi negen ti aret nunggwi, It eeriyak koonggwi ti paga inikime yagabit eerogo pakwi, Eeko logogun o.

Kini Wuppiige 13:18

Aap ambi nen aruk wakwi nogo mbo pege paga eenggi lek age, enggali age, eeke menggerak kwe, Aap ambi nen aruk wakwi nogo liippege kenok perak, at ayuk wuko menggaarak.

Kini Wuppiige 15:12

Aap meek eerogo piiga ti, aap nen aruk wakwi koneniyak eebi mbake menggerak me, At nen aap iniki warak wonogwe me, inom wone mbani noorak eebi mbake menggerak.

Kini Wuppiige 19:25

It aap meek eerogo piiga yawi wakwi iinok, aap iniki yuundurak nogo kwe, iniki warak mamunggologwe, Ndi, it aap wone yelok kaga nogo inaruk wakwi iinok, yi wone ndi wone ambinom ineenu eekkologwe, Eeko menggaarak.

Kini Wuppiige 25:12

Aap iniki warak nen, “Naruk wakwi nogo liirogon konenikit,” mbake nogo ti, Mbuti emas paga inamberaarenggen yarak yiko mengga kwak, Emas at mendek paga inobaanggi-inobaangge eeko mengga kwak, Aret wonage menggerak.

Kini Wuppiige 28:4

It aap wone yugu mbo pugwi nogo nen it aap maluk mendek tiyappiigo menggaarak kwe, It aap wone yugu liirogon porogo wonogwe nogo nen aap maluk mendek inoone lek eerogo piigo menggaarak.

Kini Wuppiige 29:1

Aap ambi aruk waketak kwe, konengga'lek ogogumbuk mban wonage kenok, Yinip-panip at eebe aret lek eerogo patigin me, aap ambi nen at obeelom eeppuurak meek aret o.

Yeremiya 15:17

It aakumi kuwak a'nuk inagi'ndok kambuurak agan nogo logonet, ugun-ugun eekwi, Wone i'ndok kambuurak mban yogwe, Eekwi me time An ninom kwi'nageelik o. Ata, koone eeke logokit nduk, keenggi pi'nake, It eekwi ti mendek neebi lombok mbarikit nduk, eeppanege, Eekendak paga Nalik mbeyok togon aret kwi'narit nege minggirak kwe,

Ala Unde 19:17

Inore ambi maluk eeremenggerak paga, Peebi maluk eeppikit o, yinuk, inikime mban kumaapporogo wonogwe iinok, inom ndak-ndak maluk aret me, Aap yi neebi o, yinuk, ambi eeppikit nduk inikime kumaapporogo logorak mage o. Ata, maluk eeremenggerak nogo kin paga aret aruk wako logowak o.

Matiyut 18:15

Yorage nagagerik, ambinom yorage logonet, “Kinore ambi nen maluk eeppinagage kenok, owagam nogo logomonggotik, Togop eeppinanggendak o, yinuk, kinom kinalik aret wone mbanumunggup o. Ndi, wone mbanumonggotak nogo aruk liirogon konengge kenok, kinom ogoorak wonogotak kwe, lambunik aret logomunggup o.

Lukat 3:19

Inaruk warit nage logonet, aap endagembogut Keroret nogo nen at awot akweeluk Keroriyat ndingge, ndi, yi maluk ndi maluk apit eerit nage, eeke mbareegi, at Yaya nen at kunduk mberereegerak me,

Nappiigak 26:18

It o apit negen wonogwe nogo mbo punuk eya me unggwage, ndi, at Ibilit abu'me piyareegim nen wundi nanuk, Ala abu'me piige menggim unggwogwe, Eeruwok o, yinuk, yuwak nduk, nappagagin o. It nogo iniki noba panggombunuk abet nombakwi iinok, inomaluk Ala nen lek agago piinok, at apuri leenogo piyareegim nogome inom nabenogo piyaawak nduk, nappagagin o, yinuk, yo'nereegerak o,” yoragagerak.

Oroma 13:12

O apit lek age kagak, o kilim nagaburak abu panggo yi wagaarak me, o apit paga logonet eeko mengga kwak, eerit nugwi nogo mbo punuk, o weeremenggerak eya paga wim namburuwak nduk, ineegin-inarege li'luk aago mengga kwak, kit togop aret eeppunuk logonip o.

Oroma 16:17

Noreewi o. Kit wone waganeegutak nogo it aakumi nen woorak ineebi nen mbo punuk, aakumi iniki ogoorogo piinet nugwi, it aakumi abet mbareegwaarak nogo iniki abut laganogo piinet nugwi, eeginabit nugwi iyo, kinigen liippiigo logobagip nduk, an, “Ao,” mbake logonet, yokkirage agarik o. It aap ti, kinom lambungga'lek mondok ogoorak aret logonip o.

Oroma 6:21

“Nit maluk eeko nogogurak ti paga ninagabiti o,” yinuk, yogondak kit yogwe nogo ti, eerit nogo logonet, irip paga obeelom ambi ngge eekkologo nogogutak? Lek aret o. Ti abok aret eerit nogo nogogutak paga kanggo nogogutak.

Nggalatiya 6:8

kit kiniki maan mendek nen eeriyak eekkinake nogo, eerit nugwi kiinok, anggen yugu maluk mendek mbanggologwe nogo kokwak, kineebe aret kambumunggup o. Ndi, Aberiniki nen yokkirage nogo mban mugurok nogwe kiinok perak, anggen yugu abe mendek mbanggologwe ti pogom, mondok-mondok kineenik aret logomunggup o.

Epetut 4:22

“Niniki nengge kenok mugurok nogo nogoorak nogo ti, maluk ee'ninaburak kagak mugurok nogo nogoorak kogo,” yinuk, mamunggologogutak me, kinobaabut maan mendek nogo, nggonenogo mbo punuk,

Epetut 5:7

It aap togop yogo menggaarak nogo ti, kinom kunggoloorak mage o.

1 Tetalonika 5:7

It aakumi nogo yugu menggaarak nogo ti, oonikiya aret nogo yugu menggaarak. Ndi, it amburu kumili aganabuwok nduk, nonggo menggaarak nogo ti, oonikiya aret nonggo menggaarak kwe,

2 Tetalonika 3:14

Nit wone yokkirogwe liiru mbanak yi, at ambi nen, “Eeriyak, neebi o,” ari kenok, aap ti, eebe liippogo logomonggotik, enggali aruwak nduk, kinom nugu logorak mage o.

2 Tetalonika 3:6

Ndi, ninoreewi o. Wone, “Ndogop eeko logonip o,” yokkirogo nogogurak nogo, kinoreewi ando eeka'lek ineenggi tanep we nugwi iinok, kinom nugu logorak mage o.

1 Timotiyut 5:20

Aap ambi nen maluk mban eeke kenok, it aakumi abok inagabiti mbaruwak nduk, nggwok paga aruk wake logonu o.

1 Timotiyut 5:22

Ala apuri unde logowak nduk, inanobak mbet-mbet tebeniyak mage o. It ambi maluk eekwi iinok, kat kinom nabenggoloorak ti mage mban o. Kat kiniki kikak naka'lek mondok alik leenak logot o.

2 Timotiyut 3:5

Ndi, ti eerit nugu logonet, Ala wone abet mba'nuk mugurok nogwe inetenggen negen eekkolamenggaarak kwe, iniki perak, “Ala nen obeelom eeppinaniyak nineebi,” mba'nuk, eerit nogo logogun o. It aap ti eekwi iinok, inogole nen mbagangge logonu o.

2 Timotiyut 4:2

Ala wone yoranet nege logot o. Anggon kagak, anggon lek kagak, yiyom-ndiyom ugun yorage logonok nduk, pipuk aago logot o. “E o,” yuwak nduk yorage, maluk eekwi iinok mberirage, koone yanggorogon inaruk wake, eeke logonet, kaanaga-nggenggwi lek kiniki kwippunuk liirogon mamunirage logot o.

Titut 2:15

Wone yi yorage, “Yogop eeriyak ndogop eeriyak,” wone lengganinake, koone omaawi paga inaruk wake, eeke logot o. Ndi, aap ambi nen kat meek eerogo pagarak lek o.

Wayu 18:4

Konengge nagarik, wonage me, mbogut paga nen oone alik ambi ari logonet, “Kit an napuri yi wae. It o kota Mbaben maluk eekwi nogo obaga lu'luk arit mbogut ndak-ndak ari lagangge kenok, At Ala mondok aberak wonage me, kinom maluk eerit nogwe kiinok, It maluk onggo inoba piige logonet, kinom kinoba pinagage kero, o time mbo punuk, kole mbaganggo logonip o.