Epetut 4:9 - Ala Wone Peenok Peebi Mbanak

⁹ Ndi, “At lagi nagagerak,” yereegerak nogo ti, ngge nduk yereegerak mbakop? Lek o. At nggween abu'na wambi nage nagagerik, lagi wagagerak nogo kenok, yereegerak nogo lek a?

Epetut 4:9 ပူးပေါင်းရင်းမြစ်များ

Wakkagagerak 11:5

It aakumi o nggwok kirin nggorek wurit laganggwi nogo at Aliku ALA nen enegen iige nagagerik, “Nonggop eekwi iyaamun?” yinuk, pegiya wambi wagagerak.

Ndawi 139:15

O kumaarak me nen ogobakkigirogo panege, Nggween abu'na kiiniki paga lombok nen Neebe yeregerak-peregerak li'luk eerogo panege, Eeke kagak, Nenggaanggum nabennaga'lek nowak mban kagak kenegen neyoolik lek kenegen neege,

Ndawi 63:9

It an nooriyak koonggwi nogo inenggaawak lek ogwe, Nggween abu'na kiiniki paga wambi nogwe, Eerugun o.

Ndawi 8:5

Kat Ala ndak-ndak negen nit ogobakkigi'ninake, Ninendagembogut tiyanak ninayuk warak logowok nduk, koonogo pinanege, Eereegindak o.

Wundeegwaarak 19:20

Yoge nagagerik, Aliku ALA nogo puut Tinayi kirin ti paga wambi woraanuk, at Muta puut ti paga lagi nawak nduk wiireegerak lagi nage mbareegi,

Kini Wuppiige 30:4

Ta nen mbogut paga lagi nanuk, wambi wage, Ta nen o wiya eenggime kuwak eerogo porogo wonage, Ta nen ayum irip paga yi kole laut nogo nggeremborogo wonage, Ta nen o nggween yi irip-irip kuli mbanogo pege, Eeke menggerak mbakop? At ti endage ta o? Ndi, apuluk kunduk, endage ngge o? Kit kineenu me, yo'ninip nda!

Yetaya 44:23

At Aliku ALA nen eerogo piigerak ti paga Kat mbogut yi wae. Kiniki ale'nggen nen ndawi wake, Kat nggween kiiniki yi wae. Kale'nggen nen keekok ari, Eeko logonip o. Aliku ALA nen it Yakup mendek wondet eerogo piige nagaarik, it Iterali mendek inigen kaawak nduk, Inenggela'me eeke nogo ti, Aliku ALA nen aret eeke me, Kit puut-puut inom, yi eyoongga ndi eyoongga inom, yi eyo ndi eyo inom, kit abok aret yi wae. Kiniki ale'nggen nggelok ari logonet, keekok piyanggogo logonip o.

Yetikiyen 31:14

Togop aret me, yi eyo ndi eyo niyo aa'nggi paga wonage abok aret o yogondak nen eyo aro nggorek mbogut piga lagarak eeke, engga ki wandu aago kagak inirimbaga tiyanak wonage, eerak logonet, An abu tiyanak aret wonage, mbake nogo togop ambi wonage, ndi, yi eyo ndi eyo niyo nen miin eerogo pit nage kenok, eyo abu nggorek lagangge nogo togop ambi lagangge, eerigin lek aret o. Eerigin lek aret me, eyo ti abok aret mbuk arit nage, it aakumi kambunuk mbuun ambena wambeegwaarak nggween abu'me wonogwe nogome inom ari nage, eeruwak nduk, eerogo pereegirak wonage agaarik o,” yinuk, yegerak o.

Matiyut 12:40

At Yunut nogo, ikan nggwok inikime yonggolak kagak, nogo mbere yinuk, ko'lu kilirogo wumbereegerak nogo kokwak, an aap aret nda'nagagirak yi, nggween abu'na wonage logominggirik, nogo mbere yippunuk, ko'lu neenik a'nuk, mi'narigin o.

Yaya 20:17

Yoge mbareegi, at Yetut nen, “An nogoba wonage me awo ka lagangga'lek me, pi'nabugun o. Kit kinogoba ti, an nogoba. Ndi, kit kinogoba Ala ti, an nogoba Ala aret me, at wonage me ka lagi nage agaarik, yegerak o, yinuk, noreewi ineenu logowak nduk, yora nak o.”

Yaya 3:13

Aap alik ambi abu lek o. An aap aret nda'nagagirak nogo nalik mban mbogut paga nen wambi wagagirak me, ti'nuk, niyokan mbogut paga lagi nagin o.

Yaya 6:33

Mbi Ala nen wokkirage nogo ti, mbogut paga nen wambi wage nagagerik, aakumi nggween paga menggaarak ineenik eeginake menggerak nogo mendek aret o, yinuk, mondok abet aret yokkiragi o.”

Yaya 6:38

An niniki mba'nuk eeke logokit nduk, mbogut paga nen wambi woroolik. Ata, at nappani wagagerak eeriyak mbake nogo mban eerikit nduk wagagirak o.

Yaya 6:41

At Yetut nen, “Mbi mbogut paga mendek wambi wagagirak an aret o,” yoragagerak nogo paga it aap Yakuri nogo nen ineebi-ineeba ombako logonet,

Yaya 6:51

Mbi kineenik eekkinake minggirak mbogut paga nen wambi wagagirak an aret. Kit mbi yi nogo, nunggwi kiinok, mondok-mondok kineenik aret logomunggup o. Kit aakumi nggween paga monggotak kineenik eekkinabuwak nduk, mbi kinake pigin nogo ti, an neebe aret o,” yinuk, yoragagerak.

Yaya 6:58

Mbi mbogut paga nen wambi wagagirak yi, Ala nen kinombomini wogoragagerak nonggo nogogwaarik, kambit nogo nogogwaarak nogo pogom lek o. Ata, mbi yi, kit ambi nunggwi kiinok, mondok-mondok kineenik aret logomunggup o,” yinuk, yoragagerak.

Yaya 6:62

An aap aret nda'nagagirak wonagagim niyok paga lagangge kinigen neego logomonggotik, kit nonggop nombarumunggup.

Yaya 8:14

Yogo mbareegwa, at Yetut nen, “An nen aret nabok paganggo'net nage kwe, an ngga nen wagagirak, ndi, nggeeme nagin nogo an neenu aret me, noone yokkirage ti, abet aret o. An ngga nen wagagirak, ndi, nggeeme nagin nogo, kit kineenggo'lek aret o.

Iberani 2:7

We yogondak luululuk, it malayikat tiyanak wonogwe iigak, nit aakumi tebenak logowok nduk, ogobakkigirogo pinanege, Ninendagembogut abu tiyanak ninayuk warak logowok nduk, koonogo pinanege, Eeke nagagindik, Yi mendek ndi mendek abok aret nit mban ninabu'me logowak nduk pereegindak o,” yinuk, yereegerak nogo ti, yi mendek ndi mendek nit aakumi ninabu'me pege logonet, ambiriluk ambi ninabu'me logorak lek ti mbarulik. Ata, abok aret ninabu'me logowak nduk kooneegerak nogo, liiru mbaneegerak kwe, yogondak yi paga ninabu'me wonage kaga'lek ogoorik o.

Iberani 2:9

At Yetut perak, tiyanak mondok ayuk warak wonage kogo ogoorik o. At Ala iniki kunik en eeppinanege menggerak me, malayikat tiyanak iigak, aput ninalitak lombok ninake kambuwak nduk, ne ambit luulu at tebeppege mbareegi, nggween paga wambi wage nagagerik, ninake kangge logonet, andi-pandi kagak waganeegerak ti paga, aap ambi amindik-amendek li'luk eeppogo mengga kwak, Ala nen at aput togop aret ayuk wurogo tiyappereegerak wonage agaarik o.