Epetut 4:32 - Ala Wone Peenok Peebi Mbanak

³² Mbo punuk, kinom nabuwa-kabuwa eeko logonet, kiniki yanggonak paga at ambi obeelom eeppegak eeko logonip o. Keritut eereegerak nogo paga Ala nen kit kinomaluk lek eerogo pereegerak nogo ndak-ndak, kit-kit aret maluk eekkologomonggotak nogo, mari eerogo mbo pogo logonip o.

Epetut 4:32 ပူးပေါင်းရင်းမြစ်များ

2 Tamuwen 7:21

Kat mondok iya negen eeppaniyak an kayeloman eerogo nappani wagandak yi, kat wone yo'negendak a'me nggelok ari, ndi, kat eeriyak kiniki mbake nogo ndak-ndak age, eeruwak nduk, wone eerogo nappani wagandak o.

Ndawi 112:9

Ineenggi lek iinok amendek tumburiranet nage, Obeelom mban eeppiinet nage nogo kobak arigin lek mondok aberak wonage, At obaabut abe kenok endage tiyappugwi iigak, at engga teeluk nege, Eeke logogin o.

Ndawi 145:9

Aliku ALA ti, aakumi abok aret obeelom eeppiige, At nen ogobakkigirogo piyareegerak nogo Abok aret inabuwa mbake, Eeke menggerak o.

Kini Wuppiige 12:10

Aap iniki abe koonak nen aanggumi abe logowak nduk ndegeninake menggerak kwe, Aap maluk mendek nen inaanggumi inabuwa mbakwi ti, inanini eeppiigwi ti aret.

Kini Wuppiige 19:11

It aap iniki warak nogo paga nen inanini wungge nogo tebenogo wurakwi, Maluk eeppugwi iigak, “Op aret o,” yinuk, puk wonogwe paga, “Wi,” irogwe, Eeko menggaarak.

Kini Wuppiige 19:22

Aap iniki, “Ao,” mbakwi nogo ti, “It ninom monggoorak ninabuwa nen ninendage obeelom eerogo pinanit nogo logowak,” mbako menggaarak. Aap eenggi lek logorak ti op aret kwe, Aap pilit pugungga logorak ti perak, maluk aret o.

Yetaya 57:1

It aap iniki abe koonak kanggwi iinok, aap ando nen, “Aap ti kanggi o,” yinuk, iniki liippakwi, It aap obeelom mban eerit nugwi nogo iniki nggigik togon wungge kenok, it ando nen yelok kogwe, Eekulik aret menggaarak o. Ko'lu maluk mendek ambi inoba age kero, it aap iniki abe koonak nogo iniki nggigingge ineenu aruwak nduk, Eeke menggerak kagak liippega'lek aret menggaarak o.

Yeremiya 38:12

Wuppege logonet, aap Kuti mendek Ebet-Melek nogo oone nggwok paga Yeremiya yoge, “Keele kagabolo mbanukwak, yum maluk nibinik ti, kane'nggen me nabenogo pu o.” Yoge mbareegi, yoreegerak ndak-ndak eekkolage mbareegi,

Matiyut 6:12

Ndi, it aap nit maluk eerogo pinanugwi nogo, ninami eerogo piigo monggo kwak, Kat nen nit ninomaluk lek eerogo pinanu o.

Marakut 11:25

Ndi, kit mi'na'nuk, tamban eeko logonet, aap ambi kinom ogoorak wonage kenok, kinogoba mbogut paga wonage nogo nen kit kinomaluk lek eerogo pinagawak nduk, at omaluk nogo kinami eeppunuk logonip o,” yinuk, yoragagerak. (

Lukat 1:78

Ninogoba Ala nen mbo pinanegeelik liirogon aret ninabuwa nen obeelom eeppinanege me, o kilim nagake menggi kwak, eya agi nen niya wambi wage logonet,

Lukat 11:4

It aap nit maluk eerogo pinanugwi nogo mi eerogo pogo monggoorak me, Kat nen nit ninomaluk lek eerogo pinanege logot o. Ndi, ninabut mbangge kero, ninarum logot o, yinuk, togop aret yogo logonip o,” yoragagerak.

Lukat 17:4

Ndi, aap ambi nen ne ambi paga ne 7 maluk eeppinagage logomenggerik, iniki koombunuk, An maluk eeppinagagirak o, yinuk, eekerak ndak-ndak ne 7 paga yokkira wage kenok, kit nen ne 7 paga aret omaluk mi eerogo mbo pogo logonu o,” yinuk, yoragagerak.

Lukat 6:35

Kit perak, at Tiyanak Lombok Menggerak nen it aap maluk mendek iniki lambek-nggoonak menggaarak nogo iniki kunik aganake menggerak me, kit togon, it kinom ogoorak monggotak nogo kiniki kunik eeginako logonet, obeelom eeppiigwi, Peebi wo'niraagun, mbaka'lek logonet, ugun wogorogwe, eekwi kiinok, kit an napuri aret o, yinuk, onggo mondok iya tit wokkirage kaamunggup o.

Lukat 6:37

Yorage nagagerik, ambinom yorage logonet, “Kit kinoone omaawi paga perak togon aakumi yorogo logonet, Kit maluk o, yinuk, yoraagup o. Kinoone omaawi paga perak togon yorogwe lek kiinok, Ala nen perak togon, Kit maluk o, yinuk, yokkiraagin lek o. Kit nen aakumi inenggali wappiyaagup o. Inenggali wappiiga'lek kiinok, Ala nen kit kinenggali wappinagagin lek o. Kit nen it aakumi maluk eeppinagagwi nogo kinami eerogo pogo logonip o. Kinami eerogo pugwi kiinok, Ala nen kit kinomaluk lek eerogo pinagagin o.

Nappiigak 28:2

Nit wundi nogogurak wonogwe niigak, mayu wage logonet, tero ambik ninooreegerak me, it time mendek nen ninabuwa nggwok mbako nogogwaarik, kani kumbunuk, keyage warogo tero wora'ninabeegwaarak.

Oroma 12:10

Kinowe-kinawot kiniki kunik eeginako monggotak kwak, kinoreewi kinom niniki-kiniki kunik eeko logonip o. Nabu'me-kabu'me logonet, at ambi tiyappegak eeko logonip o.

1 Korindut 13:4

It aakumi inabuwa mbako logonet eekwi nogo ti, wone onggo mbet-mbet yoraga'lek puk wonogwe, inobaabut yanggonak wonogwe, eeko menggaarak. Ti eeko logonet neebi-keebi yogwe, iniki wogoppakwi, an iya mbakwi,

2 Korindut 2:10

It aakumi maluk eeppinagagwi nogo kit nen inomaluk mari eerogo mbo pugwi kiinok, an kunduk, inomaluk mari agago mbo pege logogin o. Ibilit nen eeriyak koongge menggerak nineenu me, nit nen aap ambi omaluk aberak wonogwe niinok, Ibilit nen, “Nanonggwan aga o,” yinuk, niniki nggagani wage menggerak me, maluk eeppaneegerak mari eerogo puurak, “Ambi wonage ilik, lek a,” ti, liirogon an neenggo'lek kwe, “Wonage negen aret,” mba'nuk, kinake aret Keritut enggaanom paga paganogo punuk mari eerogo mbo pereegirak.

2 Korindut 2:7

Yogondak perak, aap nogo iniki wakkolage logonet, mbo pinaganuk mbaganukwak, eereegerak nogo mari eerogo mbo pogo logomonggotik, iniki eyak wappogo logonip o.

2 Korindut 6:6

niniki mondok abe paga yokkirogwe, nit wone nineenu abok aret kineenu eeppinagagwi, ninaanaganggenggwi lek kwi'ndak logonet yokkirogwe, kinabuwa nen yanggorogon kinaruk wakwi, Aberiniki ninom kunik logonet mamunggirogwe, nineebi mbaka'lek ninom abu kunik logonet yokkirogwe,

Epetut 5:1

Noreewi o. Kit Ala apuri kinom kunik me, at eeke menggi kwak, kit ndak-ndak eerit nogo logonip o.

Yakobut 5:11

It aaninggin inoba age kagak inogogumbuk logonet waganggwi iinok, Ala ale'nggen inoba piige nagagerak nogo nineenu aret o. Aap Ayup kunduk aaninggin oba age kagak wagangge nagagerak nogo ti, muk koneneegutak o. Aakumi abok Ala inabuwa nen obeelom eeppiige menggerak me, aap Ayup aaninggin oba age kagak iniki kwippunuk abu wagangge mbareegi, ti'nuk, irip paga Ala nen eeppereegerak nogo ti, kineenu aret o.

2 Peterut 1:7

Ala ari menggerak ndak-ndak eerit nogwe paga kinoreewi inabuwa mbako logorak mamunggologwe, ndi, inabuwa mbakwi nogo paga irip paga aakumi abok aret kinom kiniki kunik eekkologo logorak mamunggologwe, eerit nogo logonip o.

1 Yaya 1:9

Ndi, ninomaluk abet aret paganggwi niinok perak, at Ala yegetak mbeyok ariilik, a'me liirogon mban eeke menggerak me, nit obeelom eeka'lek maluk eerit nugwi nogo lek eerogo pege, ndi, maluk ninikime wonage nogo koo'ninake, eeke logogin o.

1 Yaya 2:12

Napuri niniki kunik yi wae. At Keritut eereegerak nogo paga Ala nen kinomaluk lek eerogo pinagareegerak me, Kinake liiru yi, mbanggirage,

Urut 2:20

Yoge mbareegi, Nawomi nen eenggelo yoge logonet, “At Aliku ALA nen aakumi kanggwi inom, ineenik wonogwe inom, abok aret inabuwa mbake menggerak me, at ale'nggen aap ti, oba pege logowak o.” Ari nagagerik, wone ambi ari logonet, “Aap ti, nit ninayinggelo aret me, ninawone koonogo nineebe-ninanggween onggo mbanogo pinaniyak ambi at aret o.”