Epetut 4:30 - Ala Wone Peenok Peebi Mbanak

³⁰ Ala nen at apuri wogonabi wage logonet, nit ninom wo'ninabi woroorak nineenu logowok nduk, wam yelok kaawak nen aruk nggaganggo mengga kwak, Aberiniki wo'niragagerak me, Ala Aberiniki nogo, iniki maluk eerogo puurak mage o.

Epetut 4:30 ပူးပေါင်းရင်းမြစ်များ

Wakkagagerak 6:3

Ugun wogonabit nogwe iinok, at Aliku ALA nen, “It aakumi ti, kanggo menggaarak mendek me, iniki kooninakak yuwak nduk Aberiniki wogoragagirak nogo mondok-mondok inom logogin lek o. Ndi, ndarak iigak togon, ineenik logorak kuli tahun seratus dua puluh aret eerogo piyaagin o,” yinuk, yoragagerak.

Wakkagagerak 6:6

iniki mbake logonet, “It aakumi an nen ogobakkigirogo o nggween paga piigirak yi, eekwi paga an niniki puru eerogo panugwi me, ao,” yinuk, iniki wakkolage nagagerik,

Ndawi 78:40

O karume nen kulinik-kalinik Ala nen yorage nogo, “Eeriyak nineebi o,” yinuk, yogwi, O anggu paga nen Ala iniki wakkolaawak, mba'nuk eeppugwi,

Ndawi 95:10

It ti eyom ndarak nogo anini nen mberirage kagak Tahun 40 aret eereegwaarak. Mberirage logonet, “An yokkirage eeka'lek logonet, Kiniki mondok worokot-linik monggotak yi, Neebi a! yinuk, An yonggonggolage minggim Kit ninom yonggonggola ungguurak abu lek o, yinuk, Nanini nen nowak mbanogo wone ti abu aret yagi o,” Yinuk, yereegerak o.

Yetaya 43:24

It nen en weeri amburu nake inawu paga kunggwi, Niniki ndonggo yikit nduk, nake ndomba warogo kani kunggo logonet, amok ambik wo'nugwi, Eeka'lek aret kwe, It inomaluk paga niniki aaninggin lombok eerogo panugwi, Noone taganogo punuk, yi maluk ndi maluk eerit nugwi paga nomanggen tayenogo panugwi, Eeko agaarik o.

Yetaya 63:10

Aliku ALA nen eeriyak mbake nogo ineebi mbakwi, At Aberiniki nogo iniki warogo pugwi, Eeko mbareegwa, Ambo'me piige, inom ogookkolage, eeppiige nagagerik, At nen aret inom wim eeke nagagerak.

Yetaya 7:13

Yoge mbareegi, Yetaya nen at yoge logonet, “Kit Ndawut paga wiganak yi, kinaruk liirogon konenggo logonip o. Aakumi iniki yungguppunuk, wonogwe inabut mbanggwi nogo kiname'lek kundugu kenok, nogoba Ala iniki yungguppunuk menggerak kunduk, abut mbaniyak mbako ogotik ya?

Yetikiyen 16:43

At awo tawe kagak eeppege nagagirak nogo aberak lek aret wonage o. Maluk ogole warak lombok eerit nage logonet, Ugun ee'nabuwak, mban mbake nogo ti inom eerit nege nagagerak nogo lek a? Inom eerit nege nagagerak paga nanini nen naganak piyak-piyak abet aret ee'nake me eerit nage nagagerak onggo mondok at oba kwippigin o, yinuk, Naliku Nitok Minggirak an ALA nen aret yagi,” yegerak me, yokkigi o.

Oteya 13:14

Aakumi kambunuk nogo menggam omaawi pippiinok wonage me nen inagap ndarogo wumbiige, Ndi, it kanggwi iyo, an nen inili eerogo piige, Eeriyak ya? It aakumi ti, an nen inabuwa mba'nuk ambinom pegiyaagin me, Kanggo menggam ti nen kugilingga inoba nappi wage, Aakumi kambunuk nogo menggam ti nen aakumi ineebe inoorogo piyoorak omaawi nappi wage, Eeruwak o.

Marakut 3:5

“Inogogun laakot yi, ai!” yinuk, at enegen abi inoorit nage nagagerik, aap eenggi kambak nogo yoge logonet, “Keenggi nggingget o,” yoge mbareegi, ngginggage nagagerik, eenggi obeelom aret agagerak.

Lukat 21:28

Eeriyak ti nogo warengge kenok, Ninagap ndaka wok yi wage kogo o, yinuk, kinenggaanok tiya yinuk, kinigen nigagik logonu o,” yoragagerak.

Yaya 3:33

At paganogo yorage nogo, it aakumi nen waganggwi paga Ala abet aret ari menggerak tena'me pogo menggaarak.

Nappiigak 7:51

Kinogogumbuk kiniki omaawi logonet, Ala oone konengga'lek kit aret. Kinombomini Ala oone taganggo nogogwa kwak, Aberiniki oone taganggwi kit aret o.

Oroma 8:11

Ndi, kanggo menggam nen Yetut eenik agago mippereegerak at Ala Aberiniki nogo kinikime wonage kenok, at Keritut eenik agago mippereegerak nogo nen Aberiniki wokkiragagerak kinikime wonage nogo paga kit kanggo monggotak mendek aret kwe, kineenik agago mippinagagin o.

Oroma 8:23

Yi mendek ndi mendek at Ala nen wakkagagerak nogo ti, it inalik mban, “Ao,” mbakwi lek o. Ata, nit togon, Ala onggo lek we aret eeppinaniyak mbake menggerak nogo, “Eebe peebi nen eeppinaniyak,” mbaruwok nduk, Aberiniki aa'nduk aret wo'niragagerak porogo wonogwe me, peebi nineebe at apuri aret me nduk, wo'ninake logonet, ninagabolo nggonenogo mbo punuk, ngget mendek yippinanigin me, “Ao,” yinuk, tokkogo ogoorik o.

1 Korindut 1:30

Ti kenok, at Ala nen Keritut Yetut ninom kunogo pinaneegerak me, ninom kunik logonet, at Keritut eereegerak paga yi wone ndi wone nineenu eeppinanege agaarik o. Niniki obeelom eerogo pinanege, Ala apuri at ake logowok nduk, leenogo pinanege, ndi, nit keele maarak negen wonogogurak nogo, ninonggo mbanogo punuk, wondet agago pinanege, eereegerak nogo ti, Keritut aret o.

1 Korindut 15:54

Ndi, ninagabolo pili ariyak mendek yi, nggonenogo mbo punuk, mondok logorak mendek yirippinanege logonet, kambuurak mendek nogo mbo punuk, nineenik nabelan-kabelan agago pinanigin o. Ti eeppinanege kenok, “Aap ineegin tiyak ari menggi kwak, kanggwi alom nogo mondok lek eerogo pigin o,” yinuk, yereegerak liiru mbanak nogo a'me lik yigin o. Ndi, “Kanggwi alom unde yi, wae. Kat ngge eekendak paga keegin tiyak yuurak mbaken? Kanggwi alom unde yi, wae. Aakumi inooriyak kamburu andiigwi nogo ngge o?” yinuk, yogo logogun o.

1 Tetalonika 5:19

Kani noguk ari menggi kwak, Aberiniki nogonogo puurak ti mage o.

Iberani 10:29

Togop aret eeko menggaarak me, nit Ala wone koonogo yo'niragagerak nogo, abet mbako logonet, at apuri inomaluk lek eerogo punuk, ake leenak logowak nduk, amiya wundeegerak nogo, aap ambi nen, “Wone ti, abe lek o,” yinuk, Ala aput iyok kenden aambele eerogo negen pege, ndi, at iniki kunik en obeelom eeppinanege menggerak Aberiniki nogo inom miyuk-meya eerogo pege, eeke kenok, at teppigin mbakop? Mondok lek o. Ala nen maluk onggo mondok alik negen at oba kwippege kaamunggup o.

Iberani 3:10

anini nen mondok mberiragagirak. Mberirage logonet, An yokkirage eeka'lek logonet, kiniki mondok worokot-liinik monggotak yi, neebi a, yinuk,

Iberani 3:17

Ndi, Ala nen anini inoba piige kagak, tahun 40 eereegerak nogo, taani o? Lek o. It maluk eerit nogo mbareegwa, inooreegerak karume kambit nogogwaarak, inowak nggininit nagagerak nogo lek a?

Owak Loongga 10:16

Yogo nogogwaarik, aakumi alik mendek inagugi inenggela'me wonage nogo mbo pogo nogogwaarik, at Aliku ALA nogo mugurok nogogwaarak. Mugurok nogo mbareegwa, it aaninggin-paaninggin inoba wonogwe nogo Aliku ALA nen, “Kinobaalombok o,” yinuk, mbo piyoolik yeenggwaaragagerak.