Epetut 4:29 - Ala Wone Peenok Peebi Mbanak

²⁹ Wone maluk mendek kinambe paga nen wumbi woroorak ti mage o. Ata, it konenggwi nogo nen, “Ninabuwa nen yo'nirogwe iigo o,” yuwak nduk, aaninggin ambi inoba age kenok, iniki kole eeppiyoorak wone mban yogo logonip o.

Epetut 4:29 ပူးပေါင်းရင်းမြစ်များ

Ndawi 45:2

Aap ando obeelom negen iigak, Kalik perak, abu obeelom lombok wonage, Koone abu abe yanggorogon mban ari, Eeke menggendak me, Ala ale'nggen koba pagareegerak Mondok-mondok aret wonage agaarik o.

Ndawi 5:9

It inoone yogwe nogo abe ambi yogwe mbakulik o. Inikime obari maluk mendek mban yagabit aago wonage, Inale'lok ti, aakumi nggween taanak ambe paganak a aago menggi kwak wonogwe, Ndi, inoone pilit mban pugunit nugwi, Eeko menggaarak o.

Ndawi 52:2

Kat aap pilit pugungga yi wae! Kamili nogo ti, Aap inamboro mbangga engget ambik kwak logonet, Aakumi maluk eeppiyoorak wone mban mbanit nege,

Ndawi 71:24

Ndi, it an maluk eerogo paniyak mbakwi nogo, inenggali ogwe, Iniki kobak a'nuk nogwe, Eekaarak me, Kubondendok nen nok, oonikiya ari nage kagak, Kat abe koonak mban eeke menggendak nogo Paganogo yoranet nege logogin o.

Kini Wuppiige 12:13

It aap maluk eeka inoone maluk agan nugwi paga ineebe nggelenggologo menggaarak kwe, Aap iniki abe koonak nogo perak, aaninggin inoba arukwak nduk woppako menggaarak.

Kini Wuppiige 15:23

Aap ambi wone onggo lik togon yorage nagaatik, iniki ale'nggen mbake menggerak me, Wone yuurak age kenok, ndak-ndak yoroorak ti mondok obeelom aret o.

Kini Wuppiige 15:7

Aap iniki warak nen agan nugwi paga yi wone ndi wone ineenu eeppiinet nugu menggaarak kwe, Aap iniki lek wi kenok perak, togop eekulik o.

Kini Wuppiige 16:21

Aap iniki warak kenok, “Wone mbet-mbet yelok kaga o,” yinuk, yogwe, Ndi, aap wone kigirikwe ari paga nen, “Aap ti, abet aret ari,” mbakwi, Eeko menggaarak.

Wone Alom Kibingga 10:12

Aap iniki warak nen inoone yogwe ti, aakumi koneniyak inikilom mbako menggaarak kwe, Aap iniki lek wi nen agan nogwe paga perak, it ineebe aret lek eerogo pako menggaarak.

Yetaya 50:4

Aakumi inomaawi lek agaarak wonogwe nogo iniki eyak wappiyoorak wone neenu arikit nduk, Aliku Itok Menggerak ALA nen, “Ndogop yu o,” yinuk, mamunnake menggerak o. Ko'lu-kii'me kubondendok paga neenik eerogo panege, Aap ambi mamunirage kenok, apuri inaruk liirogon konenggo mengga kwak, naruk liirogon konengge logokit nduk, eeppanege, Eeke menggerak.

Matiyut 5:16

It aakumi nen kit obeelom eekwi inigen kiigo logomenggaarik, kinogoba mbogut paga mendek wogoppuwak nduk, kit nen togop aret aakumi inenggaanom paga ndi pogom eya aago logonip o,” yinuk, yoragagerak.

Lukat 4:22

Yorage mbareegi, it aakumi abok aret, “Wone ti abet aret yigi o,” yinuk, at wone abe kigirikwe ari me, “Wi!” yinuk, pi wako logonet, “Yi aap Yutup aput nogo lek a?” yinuk, yogogwaarak.

Yaya 1:37

Yoragagerak at oone waganggwi mbere nogo konenggo nogogwaarik, Yetut mugurok nogogwaarak.

Oroma 14:19

Ti kenok, aakumi iniki ambit lambunik logowak nduk, eerogo piinet nugwi, ndi, aakumi iniki eyak wat-wat yogo logowak nduk, koonogo piinet nugwi, eeriyak wone ti mendek kenok mban liirogon eerit nogo logowok o.

Oroma 15:2

“Kat meek eerogo pagagwi nogo an noba aret agagerak o,” yinuk, liiru mbanak nogo ndak-ndak, Keritut nen, “An mban niniki ale'nggen mbarikit nduk, eekkola o,” yinuk, eerit nage logolik me, nit kunduk, ninom monggoorak nogo iniki kole aruwak nduk, eeppiinet nogo logowok o.

1 Korindut 14:19

Ala apuri kuwak eerak inenggela'me logonet, an ambi inoone lalin negen woppunuk, ari neenok, koneniyak lek me, an ambi inoone lalin negen woppunuk, noone nggorek mban yoroorak neebi o. Ata, it liippuwak nduk, it inoone paga wone kuwagaluk yoroorak ti perak, op aret mbake minggirak o.

Epetut 4:12

Ti eereegerak nogo ti, nit Ala eyabu liirogon eerit nogo logonet, nit nineebe paga Keritut eebe mondok wigak yuwak nduk, nit Ala apuri abok aret mondok li'luk eerogo pinaneegerak.

Epetut 4:16

Nineenggi-niniyok yeregerak-peregerak abok aret eeriyak ake punik alitak lombok wonage kwe, nineebe ambit ninomanggen paga yinik-kunik eerak logonet, eerit nage kenok, nineebe mondok op aret menggerak nogo kokwak, nit Ala apuri ninanobak kwak Keritut ninom togop aret kunik me, niniki-kiniki kunik eeko logonet, ninalitak eeriyak unde eeppinaneegerak nogo ndak-ndak eerit nugwi niinok, Keritut eebe mondok obeelom aret logonet, nit nineebe paga wiganit nage logogin.

Kolote 4:6

Yi aakumi ndi aakumi inoone yokkira wogwe iinok, onggo yorogo logonet, mbiingga ombat abe kaawak nduk, mayu eeko mengga kwak, kit togop aret kinoone ale lek inabuwa mbako logonet, yanggorogon yorogo logonip o.

1 Tetalonika 5:11

Togop aret me, kit kiniki eyak wat-wat eekwi, ndi, at ambi nen at ambi iniki kole eekak eekwi, eerit nugwi nogo yogondak ndak-ndak aret eerit nogo logonip o.

1 Peterut 2:12

It aap endekem iniki abet mbaka'lek mendek nogo nen, “It maluk eerit nugwi o,” yinuk, kinabok mbaniyak nduk eeremenggaarak kwe, obeelom mban eerit nogwe liippinagago logomenggaarik, Yetut wage eyom paga Ala wogoppuwak nduk, inenggela'me logonet, kiniki mondok liippunuk eeko logonip o.

1 Peterut 3:1

“Kit aakumi inayeloman nen kinogobamini inoone liirogon konenggo logonip o,” yinuk, yokkiragarak nogo ndak-ndak, kit kumi kunduk kinogonggelomini inabu'me logonet, inoone liirogon konenggo logonip o. Kit Ala kinagabiti eeppunuk, kinobaabut obeelom logonet, kinogonggelomini inabuwa nen kinigen tebenak nugwi kiigo logomenggaarik, it kinogonggelomini ando iniki awo abet mbaka'lek nogo nen, “An ninom Yetut mugurok naakit,” mbaruwak nduk, inoone yokkirogwe iinok, kit nen wone onggo ambi yoraga'lek, we, “E o,” yinuk, liirogon eeko logonip o.