Epetut 4:26 - Ala Wone Peenok Peebi Mbanak

²⁶ Kinanini nen maluk eeriyak ti mage o. Ndi, kinanini wungge kagak oonegen kilu yi noorak ti mage mban.

Epetut 4:26 ပူးပေါင်းရင်းမြစ်များ

Ndawi 37:8

It aap maluk eeka inenggaawak lek ogwe, “Aliku ALA nen mban eeke kaawok o,” yinuk, at tokkogwe nogo o yi yate kwak unde ogwe, Eerugun me, Kit kinanini age nogo mbo pugwi, Kiniki aagi mi'nage nogo teppugwi, Eeko logonip o. Kinanini ti paga maluk aret eeriyak me, Kinanini mbako logorak ti mage o.

Ndawi 4:4

Kinanini nen maluk eeriyak mage o. Kit nogo yogo monggo'nom windak logonet, Kinoone lek kinikime mban kwaakkologo logonip o.

Wundeegwaarak 11:8

It kat kawuri kinom wone koongga nogo abok aret an nabu'me tebe yi woraanuk, inendobanggun yindumbunuk, an yo'nogo logonet, It aakumi mukkeren nugwi nogo kinom abok aret wogoren wundi nak o, yo'nugwi iinok, aret wundi nagin o,” yinuk, yoge nagagerik, Muta nogo etenggen aagi wu eerogo punuk, Pirawun teppunuk aret wundeegerak.

Kini Wuppiige 14:29

Aap ambi anini mbet-mbet wungga'lek tebenogo punuk wonage kenok, at iniki warak aret menggerak kwe, Aap ambi mbet-mbet anini wungge kenok perak, iniki lek wi negen aret kin eerogo patit nage menggerak.

Kini Wuppiige 19:11

It aap iniki warak nogo paga nen inanini wungge nogo tebenogo wurakwi, Maluk eeppugwi iigak, “Op aret o,” yinuk, puk wonogwe paga, “Wi,” irogwe, Eeko menggaarak.

Kini Wuppiige 25:23

Aakumi inamili irip paga agan nogwe iinok, aakumi inete aagi ogwe nogo ti, O omarip paga nen wiya warit wage logonet, mayu wonok wage menggi kwak aret wonage menggerak.

Wone Alom Kibingga 7:9

Anini wundiyak nogo ti, aap iniki lek wi negen inikime menggerak me, kinanini mbet-mbet wunggak yuurak ti mage o.

Linggineegwaarak 20:24

“Kit niyo Meriba eneerime logonet, an nen, Ndogop eeriyak, yokkiragarak nogo taganggotak me, at Karun yi, o aakumi Iterali wogoraawam nogome unggwi nagin lek o. Ata, ombomini nggwogoba nogogwaarak kuwak aago wonogwe me time iya nagin o.

Matiyut 5:22

yogondak an nen yokkirage logonet, Kit kinoreewi kinanini mban inoba piigwi kiinok perak, kinowak loonogo, Maluk eekotak onggo pinip o, yokkirogwe iyaamunggup o, yinuk, yokkiragi o. Kit ambi nen kinore ambi yogo logonet, Kat abu meek keegi o, yinuk, alom lek kagak yogwi kiinok ti, maluk aret yumunggup me, kinowak loonuwak nduk, it aap wone amburu mbanggo menggaarak wonogwe me, wokkiren nagun aret o. Kat abu wi yunduurak aret o, yogwi kiinok ti, kani omoonuk wunuk mban ari menggim time mambinagagun aret o.

Marakut 10:14

Mberirogwe nogo Yetut iige nagagerik, anini ambik age logonet, “Ala abu'me logorak ti, it elege-aabologwe yogop yi kwak aret me, an nowagam woraawam non mbambiigwi ti mage o. Op aret, yoraanip o.

Marakut 3:5

“Inogogun laakot yi, ai!” yinuk, at enegen abi inoorit nage nagagerik, aap eenggi kambak nogo yoge logonet, “Keenggi nggingget o,” yoge mbareegi, ngginggage nagagerik, eenggi obeelom aret agagerak.

Pelaareegerak 24:15

Ata, it ineenggi lek aret me, ndi, yabu eekwi ti eyom aret, Onggo wo'niraagin, mba'nuk, iniki lunik aret wonogwe me, kit nen ne ti eyom paga aret wogoraga'lek kiinok, inoone nggwok paga at Aliku ALA yogwi iinok, at Aliku ALA nen, It eekaarak ti maluk aret eekaarak, kinombarukwak, oonegen kilu yi naga'lek kagak yabu eeremenggaarak ti eyom paga aret onggo wogorogo logomunggup o.

Yakobut 1:19

Nowe-nawot o. Kit an niniki kunik me, wone yi, liirogon waganggo logonip o. Nit abe koonak mban eerit nogo logorak Ala nen ninombareegerak nogo ti, ninanini paga eerit nogo logorak lek me, kit abok aret wone mbet-mbet konenggo logorak op aret kwe, yuurak kenok perak, liippunuk yogwe, kinanini mbet-mbet wungga'lek logonet eekwi, eeko logonip o.

1 Tamuwen 20:34

At ogoba Tawun nogo nen enggali lek Ndawut meek eerogo pege paga, at Yonatan iniki wakkolage logonet, anini ka'luk aagi negen mi'nage nagagerik, tut ngget penenak ne ambi lakwi ti paga inom mbi noolik mbo punuk, wundeegerak.