Epetut 4:25 - Ala Wone Peenok Peebi Mbanak

²⁵ Togop me noreewi o. Keritut ninom kunik eenggi-iyok kokwak nit aret me, kit-kit aret pilit pugunggo monggotak nogo mbo punuk, kit abok aret wone abet kenok mban yogo logonip o.

Epetut 4:25 ပူးပေါင်းရင်းမြစ်များ

1 Endagembogut 13:18

Yoge mbareegi, aap anggok Ala nen yoge kagak yoraga nogo nen wone pilit aret yoge logonet, “An kunduk Ala nen yo'nege kagak yoraga kat pogom aret me, Aliku ALA ayonggo malayikat nappi wagaarak nogo nen an yo'nege logonet, Aap ti, oroti inom, niyo inom, nawak nduk wonok kame kimbirak nak, yo'negerak o.”

Ndawi 119:29

Abe eerikit nduk negen eerit nage neyo pi'nake, Koone yugu Muta nen liiru mbaneegerak nogo Ndak-ndak eeke logokit nduk yanggorogon mamunnake, Eeke logot o.

Ndawi 15:2

It maluk inoba lenggengga'lek kagak nugwi kenok, Wone yugu a'me liirogon eekwi kenok, Inikime nen wone abe wone mban yogwe kenok,

Ndawi 52:3

Obeelom eeriyak mendek mbo punuk, Maluk eeriyak mendek mban kiniki kunik eekko'net nege, Wone abet mban yukwak pilit wone mban yuurak kiniki kundugu logonet agan nege,

Wundeegwaarak 23:7

Aap ambi nen eerulik kagak, Eekerak aret o, yogwe iinok, inoone inom nabeniyak mage o. Aakumi maluk eekwi iinok, an teppiyaagin lek me, aap ambi maluk eerulik kagak warogo pugwi, ndi, An abet aret maluk ti eerulik o, ari kagak, Eekendak aret o, yinuk, warogo pugwi, eeriyak mage o.

Kini Wuppiige 12:17

Aap oone abet mban ari menggerak nogo nen at enegen kegetak ndak-ndak ari menggerak kwe, Aap oone pilit pugunit nege menggerak nogo nen perak, kegetak kagak alik pugunogo ari menggerak.

Kini Wuppiige 12:19

Inoone abet mban agan nugwi ti, mondok aret wonage menggerak kwe, Inoone pilit agan nugwi perak, ne ambiriluk wonagaatik, lek age menggerak.

Kini Wuppiige 12:22

Inoone pilit agan nugwi ti, Aliku ALA eebi lombok inombake menggerak kwe, Inoone abet mban agan nugwi iinok perak, inikilom inombake menggerak.

Kini Wuppiige 21:6

Aap ambi aakumi wi-wi eerogo piinet nage logonet, eenggi warak lombok eekkolamenggerak nogo ti, Aap kambuurak mugurok nega nen amendek kuwak eerogo pegetak kwe, laago aagi ne ambit lek age menggi kwak aret lek age menggerak o.

Kini Wuppiige 24:28

Alom lek kagak kore abet-abet paga wone oba pege, Kat koone paga pilit-pilit yoge, Eeriyak mage o.

Kini Wuppiige 6:17

Wogoppatit inigen mbogut paga nugwi, Pilit wone pugunit nugwi, Maluk eeka'lek iigak inooremenggaarak inamiya ineenggi paga wonogwe,

Kini Wuppiige 8:7

An noone paga nen maluk wone yuurak neebi mbake minggirak me, noone paga nen ari ti, abet mban aret yokkirage,

Yetaya 63:8

At Aliku ALA nen, “It ti, an napuri abet aret o. It an napuri aret me, nenggali aruwak nduk, eerugun lek o,” yinuk, ari nagagerik, Inagap Ndaka aret agagerak.

Yetaya 9:15

Inanobak kwak ti, aap inoweewi inom, aap inengga warak inom, ti aret. Ndi, inakom kwak ti, Ala yorage kagak yoraga kwe, pilit pugunogo mamuninaka ti aret.

Oteya 4:2

It nen pulunogo piinet nugwi, pilit-pilit agan nugwi, Aap inoorogo piinet nugwi, yogoot kumaakwi, Kumi ugun-ugun eeginabit nugwi, maluk mban eerit nogo logonet, ambi wappunuk, kinok togon ambi wakwi, Eekwi mban me,

Ala Unde 19:11

It Iterali nen yogoot ambi waganggwi, aakumi inambokan laganggwi, inoone pilit yogwe, eekak yuurak mage o.

Takariya 8:16

Togop aret me, it eeko logorak nogo yi aret. It-it wone pilit lek abet mendek mban yogwe, inowak loonggo menggam inowak loonggo logonet, eekaatak a'me nggelok mban eeppiigwi, Wone ti abu liirogon yaga o, yinuk, yuwak nduk, eeppiigwi, eeko logowak o.

Takariya 8:19

At Omaawi Lombok Menggerak Aliku ALA nen an yo'nege logonet, “Tut kenagan penembunuk, ambi penenak paga, tut 4 penembunuk ambi penenak paga, tut 6 penembunuk, ambi penenak paga, tut 9 penembunuk, ambi penenak paga, mbi nengga'lek inambe mage negen logonet, it Yekura mendek eekwi nogo ti, inale'nggen mbakwi, inale'nggen nen lubuk yogwe, inale'nggen nen laago nggwok lakwi, eeko logogun me, pilit yaga'lek abet mban yuurak iniki kunik eekkologwe, iniki ambit lambunik logorak inikilom mbakwi, eeko logowak,” yo'nege,

Yaya 8:44

Kit yi, kinogoba Ibilit aret me, at eeriyak mbake menggerak nogo mban, Eeruwok, mbako monggotak. At o aa'nduk nen nok, yogondak kuli aakumi inooka aret menggerak o. Ala ndogop menggerak wone nogo at inikime wonage lek me, Ala ari menggerak nogo at mondok eeka'lek aret agaarik o. At pilit pugungge menggerak itok aret me, pilit pugungga iyagalo at aret logonet, at iniki nen wone ugun-ugun koombunuk, pilit-pilit pugunit nege menggerak.

Oroma 12:5

nineenggi-niniyok yeregerak-peregerak abok aret nineebe ambit paga kunik menggi kwak, Keritut eebe paga kunogo pinaneegerak me, nineebe ambit aret wonogo ogoorik o.

1 Korindut 10:17

Roti ambit worarak wonage, ndi, nineebe apit aret kwe, roti ambit worarak ti aret karerogo mak-mak nunggwi me, nineebe ambit lambunik aret ogoorik o.

2 Korindut 7:14

Nit abet kenok mban yokkirogo nogogurak me, tiyappinagago logonet, kit eerit nugwi abok aret Titut mbininogo yogo mbareegu, kiya nage nagagerik, yoreegurak nogo ndak-ndak eekwi enegen kiyareegerak me, mbininogo yo'nira wage mbaki, ninenggali eerogo pinanulik abe eekotak paga niniki ale'nggen ambik aret mbako ogoorik.

Epetut 4:15

Ata, nit aakumi niniki kunik en Ala ari menggerak wone nogo mban yorogo logonet, ninanobak kwak Keritut iniki abu koleewak menggi kwak, nit togop aret niniki kole ee'ninabuwak nduk, eerit nogo logowok o.

Epetut 4:22

“Niniki nengge kenok mugurok nogo nogoorak nogo ti, maluk ee'ninaburak kagak mugurok nogo nogoorak kogo,” yinuk, mamunggologogutak me, kinobaabut maan mendek nogo, nggonenogo mbo punuk,

Epetut 4:31

Kinoreewi kinom ogoorak wonogwe, neebi-keebi yogwe, nanini-kanini yogwe, wone wakwi, miyuk-meya eerogo piigwi, kinoreewi maluk eeppiigo monggotak nogo mendek abok aret mbo pogo logonip o.

Kolote 3:8

yogondak, nanini-kanini yogwe, neebi-keebi yogwe, maluk eeppiyoorak koonggwi, miyuk-meya eerogo piigwi, wone yuurak lek mendek kagak yorogwe, eekwi ti mendek abok aret mbo pinip o.

Kolote 3:9

Nit niniki ngget ogobakkigika Ala nogo nen, at eeke menggerak kineenu arubagip nduk, at iniki pogom kit kiniki ngget ogobakkigirogo pinagage kagak, kit kinobaabut maan mendek paga maluk eeko nogogutak nogo, nggonenogo mbo punuk, kinobaabut ngget mendek eekkologogutak me, kit-kit aret pilit pugunggwi ti mage o.

1 Timotiyut 1:10

kumi ugun wurinaka inom, aap-aap wut-wut yaga inom, aakumi inapuri kumaarinaka inom, pilit pugungga inom, pilit wone inoba pega inom, ti eekwi abok aret Ala wone kole wone kagak alik eekwi iinok, inake aret yoragagerak nineenu aret o.

1 Timotiyut 4:2

It aap wone ti mendek agan nugwi nogo ti, aakumi inambokan laganuwok nduk, pilit pugunogo yorogo menggaarak aret. Ninagabolo togum agaatak me, kani nengge kagak andi lek menggi kwak, it aap ti, inikime togop aret me, wone yoragaatak kwe, konengga'lek inogogumbuk aret menggaarak o.

Titut 1:12

It aap wone ti mendek yorogo menggaarak ambi nen ari logonet, “It aap o Kereta mendek ti, mondok pilit pugungga aret menggaarak o. Nggwiya nen yiwi-yawi ari logonet nibingge menggerak pogom it togop aret logonet, Ineenggi lebenak inalom mban koleewak menggaarak o,” yinuk,

Iberani 12:1

It aap abet mba'nuk, eeko nogogwaarak yogoorak nogo nen, “Nit eeko nogogurak nogo ndak-ndak eekwi iyaamun ilik, lek a?” yinuk, ineebe apit aago wanggerak inigen wo'ninakwi negen wonogwe me, tu mbe agan nogo logonet, ninogowa lek age kero, yi mendek ndi mendek ninoba luurik wonage nogo inom, maluk mendek kagak, nit eeriyak ninikilom mbako logonet, yilinogo pinanege menggerak nogo mendek inom, abok aret nggonenogo mbo punuk, “Mbe agan ti kuli aret mi'nari nanip o,” yinuk, yo'niragagerak nogo, mondok ninogogumbuk a'nuk, mbe agan mi'nari nogo logowok o.

Yakobut 1:21

Eeriyak lek mendek peyak wurik pogom kagak ugun eekwi, ndi, yi maluk ndi maluk eekwi, eeko monggotak nogo abok aret mbo punuk, kiniki yanggonak logonet, wone ninagap ndariyak wone Ala nen ninikime awi yappinanege menggerak wone nogo mban liirogon waganggo logonip o.

1 Peterut 2:1

Ti kenok, kit pilit wone yogo monggotak inom, kinikime alik eeriyak mbako logonet, agan nugu monggotak inom, “An eerikit lak at mban eeke yi, neebi a,” yinuk, yogo monggotak inom, nabok-kabok yogo monggotak inom, yi maluk ndi maluk ti mendek abok aret mbo pogo logonip o.

Wayu 21:8

it Ala wone mugurok noorak inagabiti mbaka inom, abet mbariyak ineebi mbaka inom, maluk peyak wurik kagak ugun eerit nega inom, aakumi inooka inom, kumi ugun wurinaka inom, magagirak iyagalo inom, kugiwak amili kungga inom, pilit pugungga inom, it abok aret it logowam pipuk eerogo pereegim kani omoonuk wunuk mban ari menggim nogome mbo nappiyaagin o. Aa'nduk ineenik logonuk, kambemenggaarak kwe, kani omoonu'me nappiyoorak nogo ti, peebi ne ambi kanggwi nogo kokwak aret o,” yinuk, yo'nege kagarak.

Wayu 22:15

it nggeewo pogom eeko menggaarak inom, magagirak iyagalo inom, yawukak mbabilu inom, aap inooka inom, kugi eeka inom, ndi, yi aap ndi aap pilit puguniyak inikilom mbako logonet, pilit-pilit pugungga inom, it perak, o kota time unggwi naga'lek yagat endekem logogun o.

Owak Loongga 16:11

Yoge mbareegi, at Timoton nen at yoge logonet, “An neebe ndiimbat keele ngget laanak paga maa'nakwi kenok perak, it aakumi ineebe inomaawi lek mengga kwak an togop aret ee'nabigin o.”