Epetut 4:11 - Ala Wone Peenok Peebi Mbanak

¹¹ At nogo nen it ando nappiigak logowak nduk unde eeppiige, ando Ala wone yorogo logowak nduk unde eeppiige, ando obeelom wone yi awi ndi awi ambime yoragak nugu logowak nduk unde eeppiige, ando o ambit me Ala apuri liirogon inarum logowak nduk, eeppiige, ndi, ando Ala wone mamunirogo logowak nduk eeppiige, eereegerak.

Epetut 4:11 ပူးပေါင်းရင်းမြစ်များ

2 Mbinineegwaarak 15:3

It Iterali nogo Ala lek alik kagak mugurok nogwe, aap Ala unde nen mamuniroorak inenggela'me lek aret wonogwe, ndi, eeko logorak wone yugu liiru mbanak nogo pekkaga'lek wonogwe, eekwi iigak, yi tahun ndi tahun eereegerak kwe,

Yeremiya 3:15

Piya wage logominggirik, ndomba ndegeninaka kwak it aap abe an niniki mbake ndak-ndak ndegeninako logowak nduk, mippiyaminggirak ndegeninako logonet, yi wone ndi wone ineenu eeppiigwi, Wone alom yogop o, yinuk, liippuwak nduk mamunirogwe, eeko logogun,” yegerak o.

Matiyut 28:20

yi wone ndi wone yokkirage nagarak nogo ndak-ndak eeko logowak nduk, mamunirogwe, eerit nugu logomunggup o. Ndi, yogondak kuli nen nok, age yobok kuli paga an mbo pinagagin lek mondok-mondok ninom aret logogin o,” yinuk, yoragagerak.

Nappiigak 13:1

O Andiyokiya time it Ala apuri kuwak eekugak inenggela'me it ando nen Ala wone yorogwe, ando nen wone mamunirogwe, eeko nogogwaarak inendage ti, Mbaranabat inom, Timeyon endage ambi toonak Niget inom, aap awi Kirene mendek Lukiyut inom, inowe endagembogut Keroret ogoba nen at imbirak tawe eeginabeegerak endage Menakem inom, Tawulut inom, it nogo nen aret eeko nogogwaarak.

Nappiigak 20:28

At ninogoba Yetut amiya paga Ala apuri kuwak eeko menggaarak inonggo mbaninabeegerak nogo ti, at andomba kwak aret me, inarum logobagip nduk, Aberiniki nen mippinagagerak me, kit kiniki tum wakkologo logonet, it inom liirogon ndegeninako logonip o.

Nappiigak 21:8

Nogo yippunuk, ko'lu nen o Kayitareya unggwi nogo nogogurik, o Yerutalem nen it aap 7 leeninabeegwaarak mendek ambi obeelom wone yoranet nege menggerak Piliput nogo ame unggunuk, ninom wonogogurak.

Oroma 12:7

yeenggwaarogo logorak unde eeppinagareegerak kenok, yeenggwaarogwe, mamunirogo logorak unde eeppinagareegerak kenok, mamunirogwe,

1 Korindut 12:4

Aberiniki nen ninalitak lombok unde eeppinanege menggerak nogo ti, ambik wonage kwe, at eebe perak, ambit nen aret tumbu'nirage menggerak.

Epetut 2:20

O wuruwok nduk, o eyak aa'nduk wurabak kwak ti, Keritut Yetut aret o. Ndi, o eebe wurit laganggo logonet, abena pugu kwak ti, it nappiyareegerak mendek inom, it aap Ala wone yoraga mendek inom, nogo it aret. Ndi, ogumbaga pugwi kwak ti, nit abet mbareegurak Ala apuri nit nineebe aret o.

Epetut 3:5

Wone ti, it aakumi aa'nduk nda'narit wundi wogo nogogwaarak nogo, paganogo yoraga'lek aret wonagagerak kwe, yogondak perak, Ala nen at Aberiniki nappi wagagerak nogo paga nen it aap Ala ake leenak nappiigak inom, it aap Ala wone yoraga inom, abok aret ineenu eeppiyareegerak.

2 Timotiyut 4:5

Togop kwe, kat perak, kiniki tum wakkolage logot o. Maluk eeppagagwi iigak, kogogumbuk logonet wagangge, aap obeelom wone yoranet nugu mengga kwak, kat ndak-ndak yoranet nege, eeke logonok nduk, mippagareegwaarak nogo ndak-ndak aret eeke, eeke logot o.

Iberani 5:12

Kit o maan togon Ala wone konenggo nogogutak me, muk mamuniragak mendek logorak kwe, omaawi mendek noorak meek kenok, yilak amburu negen mban nonggo logorak kinobaabut kiigirak me, alom wone aa'nduk konenggo nogogutak nogo mendek mban ambinom mamunggiroorak ogotak kiigo o.

Yurat 1:17

Togop kwe, noreewi o. Kit an niniki kunik wonogwe me, wone ambi yokkira o. At ninowe Yetut Keritut nen nappiigak mendek agago mippiyareegerak nogo nen wone aa'nduk yokkirogo nogogwaarak nogo abeko logonip o.

Wayu 18:20

Eekwi iigak, at oone yo'nege nogo ambinom yo'nege logonet, “Kat mbogut yi, wae. Kale'nggen mbake, Kit Ala apuri ake leenak inom, obeelom wone yoranet nugu nogogutak nappiigak inom, Ala nen yokkirage kagak yoraga inom, Kit abok aret kwe yawukak nogo pogom o Mbaben yi nen eeppinagage nagagerak nogo onggo Ala nen aret eeppege me, kiniki ale'nggen mbakwi, Eeko logonip o,” yinuk, ari naruk konenggirak.

Wayu 21:14

O wa'nagat wurik ogowa pugu yugum 12 wonage nogo paga at Ndomba Aagaluk awuri nappiigak mendek ineebe 12 inendage mbanak wonage kagarak.