Epetut 4:1 - Ala Wone Peenok Peebi Mbanak1 Ti kenok, noreewi o. Kit eeko logorak yonggo pinagareegerak Ala nen kit ndak-ndak aret eerit nogwe kiyaawak nduk, an ninowe oone wonok yoranet nege paga keele maa'nabeegwaarak nogo nen, “Ao,” mbake logonet, yokkiragi o. အခန်းကိုကြည့်ပါ။ |
Epetut 4:1
36 ပူးပေါင်းရင်းမြစ်များ
Nappogo nogogwaarik, nogome logonet, it Ala apuri o Yureya kuwak eerit nogwe inom, o Nggalileya kuwak eerit nogwe inom, o Tamariya kuwak eerit nogwe inom, ale-pale eeginabit naga'lek iinok, inikiigun logonet, iniki kole ogwe, Aberiniki nen yeenggwaarage kagak inogoba Ala inagabiti mbako logonet, ineebe ambik wigannogwe, eereegwaarak.
Ti kenok, nowe-nawot o. At ninogoba Ala ninabuwa mba'nuk, nggwok togon eeppinanege menggerak me, Ala ake warogo pogo mengga kwak, kit nen, “Nineenik logonet, Ala ake mban eerit nugu logowok nduk, nineebe apit aret Ala ake leenogo pogo o,” yinuk, “Ineebe apit aret Ala wogo'nuk logowak lak, an ao,” mbake logonet, yokkirage agarik o. Ti eerumonggotak paga Ala nen, “It yi abet aret nalut ee'nakwi iigi,” yinuk, ale'nggen kinombake logogin o.
“At Pawulut nda wonage logonet, agabiti mbaka'lek mondok lok togon yo'nirage, ndi, nit ninenggaanom kenok perak, agabiti mbakak oone yanggorogon yo'nirage, eeke menggerak o,” yogo monggotak kwe, Keritut ninabuwa nen oone yanggorogon yo'nirage menggi kwak, an Pawulut togon ndak-ndak, niniki, “Ao,” mbake logonet, wone ambi yokkira.
At Ala nen ari logonet, “An nen kabuwa mbariyak eyom paga kat yo'nege nogo an naruk konengge. Kat kagap ndariyak eyom paga yeenggwa kege, Eereegirak o,” yinuk, yereegerak me, kit ninom Ala eyabu ambit eerit nogwe niigak, at iniki kunik nen obeelom eeppinagage nogo, “We aanom warogo eeppiige kagi,” kinombake kero, niniki, “Ao,” mbako logonet, yokkirogo ogoorik o. Kabuwa mbariyak eyom nogo ti, yogondak aret, ndi, kinagap ndariyak eyom nogo ti, yogondak mban aret me, yokkiragi o.
Kit nen an maluk eeppaneegutak kenok, yokkirage lek kwe, wone yugu liiru mbanak nogo, kineenggo'lek logonet, abet mba'nuk Ala apuri ogogutak nogo kwak, an togon, wone ti mbo punuk, abet mba'nuk Ala aput agagirak me, yogondak an eeke nogo kit ndak-ndak eeko logobagip nduk, noone nabek togon yokkiragi o.
Ndi, at kinoreeluk Epaparat inom keyage wappinagage o. At Keritut Yetut ayeloman aret me, kit abet mbareegutak nogo mondok nu'lek porogo logonet, kiniki kole ogwe, ndi, “Ala nen nit eeriyak ninombareegerak nogo yi aret o,” yinuk, abet mbako logonet, eerit nogwe, eekwi kiyaawak nduk, abuwa warak nggo-nggo logonet kinake tamban eeke menggerak o.
At ninogoba Ala nen obeelom eerit nogo logobagip nduk, kinayonggo pereegerak nogo ndak-ndak eerit nugwi kiinok, “Op eekotak o,” yinuk, yokkirage, kit obeelom eeriyak mbakwi nogo eerubagip nduk, omaawi eeppinagage, ndi, at abet mba'nuk eeriyak mbakotak nogo ndak-ndak eerubagip nduk, omaawi eerogo pinagage, eeke logowak nduk, kinake tamban mban eeko monggoorak.
At Ala nen ninagap ndake nagagerik, nit at apuri at ake leenak logowok nduk, ninayonggo pereegerak. Nit ambi eekkologogurak paga ti lek o. Ata, at ee'ninaburak kooneegerak nogo ndak-ndak, iniki kunik nen eeppinanege logonet, ninagap ndareegerak. At iniki kunik nen eeppinanege menggerak nogo ti, o yi awo wakkaga'lek kagak, “Keritut Yetut abet mbakwi paga woorak o,” yinuk, koonogo pinaneegerak nogo, pagak yaga'lek wonagagerak kwe,
It aakumi inayeloman nogo ti, inogobamini inamendek yogoot kumaako logorak lek o. It nogo ti, yi eekak ndi eekak eeko logonet obeelom eerit nugwi paga aakumi ugun nogo nen, “Ninagap ndaka Ala wone waawok,” mbaruwak nduk, “Kinogobamini inamendek wagangga'lek liirogon arum logonip o,” yinuk, yorage logot o.
at Ala eeriyak mbake menggerak nogo, kit mondok ndak-ndak eeko logobagip nduk, yi mendek ndi mendek abe mendek kenok mban li'luk eerogo wokkirage, ndi, Yetut Keritut eereegerak paga kit eeppinagarak inikilom mbake menggerak nogo eeppinagage, eeke logogin me, at endage mondok-mondok tiyappogo logowok o. Amin!
At iniki kunik nen wo'nirage menggerak alom unde ninogoba Ala nogo nen Keritut ninom kunik wonogwe paga at tiyanak menggim nogome ninom ndak-ndak mondok-mondok tiyanak logowok nduk ninayonggo pereegerak me, ne ambiriluk ambi andi-pandi eerogo pinagagwi iinok, ninogoba Ala nen kinobaabut koonogo pinagage, kiniki nu'lek eerogo pinagage, kinomaawi agago pinagage, kinogogumbuk nu'lek logobagip nduk eerogo pinagage, eeke logogin me, kiniki kwi'ndak logonet, waganggo logonip o.
ကြော်ငြာတွေ