Epetut 3:6 - Ala Wone Peenok Peebi Mbanak

⁶ Wone obeelom wone waganggwi paga it aakumi endekem mendek inom, aakumi Iterali mendek inom, Ala apuri mban aret me, Ala nen obeelom eeppinaniyak kooneegerak nogo ndak-ndak aret kologwe, nineebe ando mogonak kit aret wonogwe, ndi, Ala nen Keritut Yetut eeremenggerak paga nit eeppinaniyak wone abok yo'niragagerak nogo, kit kunduk, ndak-ndak aret waganggwi, eekwi nogo ti, wone kote kumaarak yogondak iluk kin agaarak nogo ti aret.

Epetut 3:6 ပူးပေါင်းရင်းမြစ်များ

Yetikiyen 47:22

Tumbukkologo logonet, it Iterali inom, it aakumi inambik inom wonogwe nogo inom, inom logonet ndaganabemenggaarak nogo inom, “It ti, nit Iterali ndarak ninom ndak-ndak aret o,” mba'nuk, Iterali inanebunu lenok ineyate kwak nggween tumbukkologo logonet, it inom unde eeppatinuk logowak nduk, tumburiraawak o.

1 Korindut 12:12

Nineenggi-niniyok yeregerak-peregerak ti, ambik aret wonage kwe, nineebe ambit aret wonage ti kokwak, Keritut eebe ambit aret kwe, at eenggi-iyok negen nit apit aret ogoorik o.

1 Korindut 12:27

Ti ndak-ndak, kit kineebe lambuk togon ti, Keritut eebe aret. Ndi, kit kinalitak lombok ti, Keritut eenggi-iyok aret ogotik o.

Nggalatiya 3:14

Ti eereegerak nogo ti, nit abok aret niniki abet mbakwi paga Ala nen “Aberiniki wokkiraagin o,” yinuk, abok yo'niragagerak nogo, waawok nduk, Ala nen, “Nale'nggen koba pagagin o,” yinuk, Abarakam yoreegerak nogo ti, Keritut Yetut eeremenggerak paga it aakumi endekem konenggulik mendek ninom niniki ale'nggen mbaruwok nduk, eereegerak kogo o.

Nggalatiya 5:24

Nit Keritut Yetut apuri kenok, niniki maan mendek paga nen maluk eeriyak niniki nengge nogo, mondok warogo tebenogo punuk wonogo ogoorik o.

Epetut 3:3

Wone kote kumaarak wonagagerak lalin negen aret kin eeppaneegerak liiru kuwagaluk aginggwe mbanggiragarak nogo,

Epetut 5:7

It aap togop yogo menggaarak nogo ti, kinom kunggoloorak mage o.

Kolote 2:19

Ninomanggen ambit paga nineenggi-niniyok yeregerak-peregerak abok aret ninanobak inom yinik-kunik aago logonet, nineebe tawe ogo monggo kwak, nit ninanobak Keritut ninom togop aret kunik me, at Ala nen, “Keritut eebe wigak yuwak,” mba'nuk, ee'ninake menggerak nogo kagak, it aakumi ti, iniki wogoppako logonet, inanobak Keritut nogo mbo punuk, inom kunik lek ugun nugwi me, inoone konenggo logogup o.

1 Yaya 1:3

Nit ninogoba Ala aput Yetut Keritut imbirak ninom kunik wonogwe me, kit kunduk, ninom niniki ambit kunik logowok nduk, ninigen kogwe, ninaruk konenggwi, eereegurak nogo aret yokkirogo ogoorik o.

1 Yaya 2:25

Nit ee'ninaburak Ala nen koonogo pereegerak nogo ti, “Kit mondok-mondok kineenik logobagip nduk, eekkinabigin o,” yinuk, yo'niragagerak ti aret o.