Epetut 3:18 - Ala Wone Peenok Peebi Mbanak

^18-19 O oolo iniki agi-ogu, o irip aru-ogwe, agi-ogu ti, wakkogo menggaarak kwe, Keritut ninabuwa mbake alom nogo ti, mondok nggwok lombok me, wakkoorak meek aret kwe, it Ala apuri ake leenak kinom abok aret we mbuuluk liippugwi kiinok, Ala iniki-obaabut aago menggerak abok aret kit ndak-ndak eekkinabuwak nduk, kinake Ala yoge minggirak.

Epetut 3:18 ပူးပေါင်းရင်းမြစ်များ

2 Mbinineegwaarak 6:41

Kaliku Ala wae. O yogondak yi paga aret mi'nage logomenggendik, O kat yonggonggolage logowam komaawi wonage kogo menggam kaloobut mbanak wonage me, Yime mondok-mondok logonok nduk, wambi mok o. Kaliku Ala wae. It aap kat keebe unde nogo inayum li'luk yikkologo mengga kwak, it aakumi inagap ndarak logowak nduk, li'luk eerogo piigwi, Kat nen kapuri kake leenak obeelom eeppiige paga inale'nggen nen keekok yogwe, Eeko logowak o,

Ndawi 103:17

Togop aret kwe, It aap Aliku ALA inagabiti mbakwi iniki kunik aganake nogo ti, Lek ageelik o aa'nduk nen nok peebi itok aret menggerak o. Ndi, it inombowologwe nen Inombomini Ala inom wone koonogo pereegerak nogo Liirogon porogo wonogwe, Eeko logorak wone mbo pega'lek ndak-ndak aret eekwi, Eekwi iinok, Aliku ALA nen obeelom eeppiinet wundi wage logogin.

Ndawi 116:15

At apuri alik leenak kanggwi enegen iinok, Iniki kundugu lombok me, “Ao,” inombake menggerak o.

Ndawi 132:9

It kat keebe unde nogo nen Inayum abe yirik kwak abe mendek mban eerit nogwe, It kapuri kake leenak inale'nggen nen keekok yogwe, Eeko logowak o,” Yinuk, yereegerak o.

Ndawi 139:6

An eeke abok kat keenu menggendak ti, Kiniki me menggendak abu iya lombok me, An nen alom kibinit ungguurak meek aret o.

Ndawi 145:10

Kaliku ALA wae. Yi mendek ndi mendek ogobakkigirogo piyareegindak nogo Abok aret kat mban, “Wa,” yokkugwi, Kapuri leenogo piyareegindak nogo nen kalut eekwi, Eeko logogun o.

Yetaya 55:9

“Nggween ogu kagak mbogut agi tiyarogon wonage menggi kwak, It eerit nugwi nogo tebenak kagak, an eerit nage perak, abu tiyanak lombok wonage, Ndi, it eeriyak koonggwi nogo meek negen kwe, an eeriyak koongge perak, mondok iya lombok wonage, Eeko monggoorak.

Takariya 14:5

Ti eeke kenok, o kobak nonggologo pemenggerak ti, kota Yerutalem nen nok, o Atat kuli ari nagin me, aap Yekura mendek inowe endagembogut Utiya wonage eyom paga, o mi nuk-nuk eeke kenok, mbaganeegutak togop nogo aret tu ti paga mbaganumunggup o. Mbaganggwi kiigak, Aliku an nogoba Ala nogo, it kikak naka'lek alik leenak menggaarak abok aret inom wambi woraagun o.

Yaya 15:13

Aakumi nen inoreewi we iniki kunik eeginakwi ti, meek negen kwe, aap ambi nen oreewi inagap ndarogo inake kangge kenok perak, oreewi mondok iniki kunik nggwok lombok mbake logonet, eeke me, iya tit mbariyak o.

Oroma 10:3

Ala nen aakumi obeelom agago piige menggerak wone liippega'lek logonet, “Nit ninalik nen obeelom eekkolaawok,” mba'nuk, Ala obeelom agago piyoorak wone nogo, “Waawi o,” yinuk, wagangga'lek aret wonogogwaarak.

2 Korindut 13:13

Ndi, it Ala apuri alik leenak o yime wonogwe abok aret nen keyage wappinagaga o.

Nggalatiya 2:20

An Keritut nimbirak eyo karo-karo paga nabenogo paneegwaarak me, kambeegirak. Ndi, yogondak eerit nage minggirak nogo ti, an nomaawi paga lek o. Ata, Keritut omaawi eeppanege kagak eerit nage minggirak me, an nggween paga yime neegak, at Ala aput nabuwa mba'nuk, nake kambeegerak me, at abet mbake logonet, niniki at oba panggombunuk, eerit nage agarik o.

Nggalatiya 3:13

Ndi, Ala wone mbanak paga nen ari logonet, “Aap ambi warogo eebe eyo karo-karo paga tugunogo pugwi kenok ti, Ala nen pulunogo pege menggerak o,” yinuk, yereegerak liiru mbanak ndak-ndak, wone Muta yoreegerak kagak alik eeko nogogurak ti paga, nit togon kambuwok nduk, pulunik aret wonogogurak kwe, lek aruwak nduk, Keritut ninobaane'me pulunogo pege mbareegi, eyo karo-karo paga tugunogo pereegwaarak ti paga, ninonggo mbambunuk, wondet eerogo pinaneegerak wonogo ogoorik o.

Epetut 1:10

At Ala nen, “An eeriyak mbareegirak nogo, ndiyom paga a'me lik yigin o,” yinuk, kooneegerak nogo ti, mbogut paga mendek inom, nggween paga mendek inom, yi mendek ndi mendek abok aret Keritut abu'me pege logomenggerik, at eebe mondok tiyanak logorak kooneegerak nogo ti aret o.

Epetut 1:15

Togop me, kit nen ninowe Yetut abet mba'nuk, kiniki at oba panggombugwi, ndi, Ala apuri ake leenak abok aret kinom kiniki kunik aganakwi, eerit nogwe nogo, an konengge nagagirik,

1 Timotiyut 3:16

Nit Ala wone abet mba'nuk waganggo monggoorak kote kumaarak lombok wonagagerak nogo yi o. “At aap aret kin ari wage mbareegi, Yi Ala aput, mbaruwak nduk, Aberiniki nen kin eeppereegerak. Kin eeppege mbareegi, it malayikat nen at eebe inigen kogwe, Ala wone ineenggo'lek mendek wonogome yoranet nogwe, it aap abok aret at abet mbakwi, eeko mbareegwa, Wi, ugwi iigak, wonok laganeegerak o,” yinuk, yogo menggaarak nogo mondok abet aret kogo o.

Wayu 3:21

Ndi, it an noone mbo pega'lek mondok nu'lek porogo logonet mugurok nogwe iinok, an nogoba yo'nereegerak nogo abu worok togon eeppunuk, at wone lengganogo yorage menggim nimbirak kwi'ndak wonage nogo ndak-ndak, it kunduk an noone lengganogo yorage minggim ninom kwi'ndak logowok nduk, Neya woraanip o, yinuk, yoraagin o.