Epetut 3:12 - Ala Wone Peenok Peebi Mbanak

¹² Nit niniki Keritut oba panggombunuk, abet mbako mbareegu, at ninom kumbinaneegerak me, ninagabiti lek niniki teeluk aret logonet, Ala owagam unggwi nogo logorak op aret o.

Epetut 3:12 ပူးပေါင်းရင်းမြစ်များ

Yaya 14:6

Yoge mbareegi, at Yetut nen, “Ala kineenu ariyak tu inom, Ala ndogop menggerak, paganogo yokkirage inom, ndi, kineenik eekkinake minggirak inom, ti an mban aret o. Ala kineenu ariyak nduk tu an paga wogwe lek kenok, an nogoba owagam namunggup lek aret o.

Oroma 3:22

Ata, Yakuri mendek inom, endekem konenggulik mendek inom, ambi iya, ambi meek lek, ndak-ndak aret me, it abok aret iniki Yetut Keritut oba panggombunuk, abet mbakwi paga mban obeelom agago piige menggerak.

Oroma 5:2

Ala iniki kunik nen onggo lek we aret obeelom eeppinaneegerak niniki abet mbakwi paga kologogurak wonogwe nogo ti, nit kolaawok nduk koonogo pinaneegerak ninowe Yetut Keritut nogo aret o. Ala tiyanak menggi kwak, nit togop ndak-ndak tiyappinaniyak niniki lunik logonet, ale'nggen mbako ogoorik o.

2 Korindut 3:4

“Nit ninomaawi paga panggo-mbunuk ambi eeppinagawok,” mba'nuk, yokkirogwe lek o. Ata, “Ala nen aret eeppiyaawak o,” yinuk, niniki at oba panggombunuk, yokkirogwe niigak, Keritut nen eeppinagage menggerak me nduk, yokkirogo o.

Epetut 2:18

Ndi, yogondak Keritut eereegerak ti paga, nit Yakuri mendek inom, kit endekem mendek inom, Aberiniki ambit nogo paga nen nit wo'niren ninogoba Ala owagam noorak op aret o.

Iberani 10:35

yogondak kit kinookwi iigak, kinogogumbuk logonet wone abet mba'nuk waganeegutak nogo, mugurok nogwe kiinok, onggo nggwok wokkiraagin me, mbo puurak mage o.

Iberani 3:6

Keritut perak, ogoba Ala awi wurik unde aput at aret me, togop aret ko'lu-kii'me eeke menggerak. Ndi, nit perak, nit niniki lunik ale'nggen mbakwi nogo, “Abet aret ee'ninabi woraagin o,” yinuk, at woroorak tokkogo logonet, mbo pega'lek mondok nu'lek porogo wonogwe niinok, Ala awi wurik ti, nit nineebe aret mbaruwok o.

1 Peterut 3:18

Nit maluk eekwi nogo abok aret lek eerogo pikit nduk, at Keritut ne ambit paga aret kambeegerak. At maluk eekeelik obeelom mban eeke menggerak nogo nen, nit obeelom eekwi lek maluk mban eekwi nogo, Ala abu'me pinanikit nduk at eebe aap aret age mbareegi, warogo pereegwaarak nit ninake aret kambeegerak kwe, Aberiniki nen eenik agago mippereegerak.

1 Yaya 2:28

Ndi, napuri niniki kunik yi wae. Peebi at woroorak nogo eyom paga nit ninenggali lek niniki teeluk logowok nduk, yogondak nen niniki ambit a'nuk Yetut ninom kunik aret logowok o.

1 Yaya 3:21

Noreewi niniki kunik yi wae. Nit ambi eekoorak paga ninikime nen ninenggali wappinanega'lek kenok, Ala enggaanom paga ninagabiti mbariyak lek o.