Epetut 2:20 - Ala Wone Peenok Peebi Mbanak

²⁰ O wuruwok nduk, o eyak aa'nduk wurabak kwak ti, Keritut Yetut aret o. Ndi, o eebe wurit laganggo logonet, abena pugu kwak ti, it nappiyareegerak mendek inom, it aap Ala wone yoraga mendek inom, nogo it aret. Ndi, ogumbaga pugwi kwak ti, nit abet mbareegurak Ala apuri nit nineebe aret o.

Epetut 2:20 ပူးပေါင်းရင်းမြစ်များ

1 Endagembogut 7:11

Ndi, ogowa pugu irimbaga ti, yugum abu omaawi mendek abo mbaniyak yugu ndak-ndak mbanak inom, eyo nggabina poorak inom, nogo paga wureegerak.

Ndawi 118:22

It yugum paga o wuka nen O wuko logonet yugum ambi mbo pereegwaarak nogo Yugum ogowa ndoonnaga o.

Kini Wuppiige 9:1

Iniki warak nen awi wukkolage logonet, eyo 7 loonak paga o eyak mippunuk wureegerak.

Yetaya 28:16

At Aliku Itok Menggerak ALA nen yegerak yi aret. “An nen ogowa pugu mondok nu'lek logowak nduk, Yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, iniki yungguppegak eeke logogin lek o.

Takariya 10:4

Eerogo piige neenok, it Yekura paga yugum ogowa pugu kwak ari wogwe, Ooliya eyak wurabak kwak wogwe, Wim nambuka yigin kwak wogwe, Wone lengganogo yoraga nogo abok aret kin ari wagak yogwe, Eerugun o.

Matiyut 16:18

Kat Peterut aret me, yugum ti paga an napuri kuwak eeppiinok, o pogom wukkolaminggirak me, kanggwi alom nen an napuri nogo tebenogo piyaagin mondok lek o.

Matiyut 21:42

Yogo mbareegwa, Yetut nen, “It yugum paga o wuka nen O wuko logonet, yugum ambi mbo pereegwaarak nogo, Yugum ogowa ndoonnaga o. At ninogoba nen aret eereegerak me, Mondok iya lombok eereegerak kogo nogoorik, Pi wako ogoorik o, yinuk, yereegerak liiru mbanak nogo kit pekkaga'lek ogotik ya?

1 Korindut 12:28

Ndi, Ala nen at apuri kuwak eeko menggaarak inenggela'me nen aa'nduk nappiigak mendek leenogo piige, ti'nuk, it inabu'me Ala wone yorogo menggaarak mendek mippiige, ndi, it inabu'me Ala wone mamunirogo menggaarak mendek mippiige, ndi, it inabu'me eerubok mendek eekwi, aakumi andi obeelom eeginakwi, yeenggwaarogwe, wone koonogo piigwi, inoone lombok lalin yogwe, inalitak lombok eerit nogo logowak nduk, unde agago piinok mippiyareegerak me,

Nggalatiya 2:9

it Ala apuri kuwak eerit nogwe pippiirogo menggaarak o Yerutalem wonogwe nogo, Yakobut kunduk, Peterut kunduk, Yaya kunduk, nogo nen Mbaranabat nimbirak yo'nirogo logonet, “Ala iniki kunik nen unde eeppinagareegerak me, op aret o. Kit aakumi endekem mendek yora nogwe, ndi, nit inagabolo mbanak mendek yorogwe, eeko logowok o,” yinuk, keyage warogo nappinaneegwaarak.

Epetut 3:5

Wone ti, it aakumi aa'nduk nda'narit wundi wogo nogogwaarak nogo, paganogo yoraga'lek aret wonagagerak kwe, yogondak perak, Ala nen at Aberiniki nappi wagagerak nogo paga nen it aap Ala ake leenak nappiigak inom, it aap Ala wone yoraga inom, abok aret ineenu eeppiyareegerak.

Kolote 2:7

Eyo omanggen nggween me yarak nu'lek logonet, mondok mili kwit agan lagangge menggi kwak, kit togop aret Keritut paga kinomanggen yarak logonet, kiniki kole ogwe, ndi, abet mbareegutak nogo nu'lek porogo logobagip nduk mamunggirogogwaarak nogo, ndak-ndak porogo wonogwe, eekkologo logonet, kiniki mondok aganggen kekererak lagi wage logonet, Ala, “Wa!” yogo logonip o.

Wayu 21:14

O wa'nagat wurik ogowa pugu yugum 12 wonage nogo paga at Ndomba Aagaluk awuri nappiigak mendek ineebe 12 inendage mbanak wonage kagarak.