Epetut 2:19 - Ala Wone Peenok Peebi Mbanak19 Ti kenok noreewi o. Yogondak kit aap nggiru alik mendek wonogwe lek o. Kit ninom ndak-ndak Ala apuri aret me, mbogut paga ninaworak aret ogoorik o. အခန်းကိုကြည့်ပါ။ |
Wone obeelom wone waganggwi paga it aakumi endekem mendek inom, aakumi Iterali mendek inom, Ala apuri mban aret me, Ala nen obeelom eeppinaniyak kooneegerak nogo ndak-ndak aret kologwe, nineebe ando mogonak kit aret wonogwe, ndi, Ala nen Keritut Yetut eeremenggerak paga nit eeppinaniyak wone abok yo'niragagerak nogo, kit kunduk, ndak-ndak aret waganggwi, eekwi nogo ti, wone kote kumaarak yogondak iluk kin agaarak nogo ti aret.
It aap ti abok aret, “Wokkiraagin o,” yoragagerak wone nogo, agalu'mok negen o nda taati wage inigen nakkogo nogogwaarik, “Nogo yi aret ee'ninabi wage kogo o,” yinuk, iniki ale'nggen mbako logonet, “Nit aap o nggween paga yime ninaworak wonogwe lek o. Aap nggiru negen aret ogoorik o,” yinuk, wone yugu eebe liirogon woolik kwe, “Abet aret wo'niraagin o,” yinuk, iniki abet mbareegwaarak ti paga, eebe waganeegwaarak negen aret logonet, kambit nogo nogogwaarak.
Nit at apuri abet aret wonogwe me, at Ala nen, “Kit an napuri aret o,” yo'nirage ti paga at ninogoba ninabuwa nggwok mondok alik negen mbake menggerak ti, kaanip o. It aakumi nggween paga mendek mban mugurok nogwe nogo nen aa'nduk Ala yelok kaga'lek wonogogwaarak kwak, yogondak at apuri nit kunduk yelok niiga'lek aret agaarik o.