Epetut 2:10 - Ala Wone Peenok Peebi Mbanak

¹⁰ Ala nen aret ogobakkigi'ninabeegerak me, nit at amendek aret ogoorik o. Nit nda'naga'lek niigak obeelom eerit nogo logorak Ala nen maan kooneegerak nogo, Keritut Yetut ninom kunik logonet eerit nogo logowok nduk, ogobakkigi'ninabeegerak.

Epetut 2:10 ပူးပေါင်းရင်းမြစ်များ

Ndawi 100:3

At Aliku ti, Ala aret me, kineenu a'nip o. At nen aret nineebe ogobakkigirogo pinaneegerak me, Nit at mendek aret ogoorik o. Ndomba ndegeninako mengga kwak, Ndegenninake menggerak at apuri nit aret o.

Ndawi 119:3

It nogo ti, maluk eekulik At eeriyak mbake nogo mban eerit nogo menggaarak o.

Ndawi 138:8

Kaliku ALA wae. Aakumi inabuwa mbake ti, itok kunik menggerak me, Keenggi paga ogobakkigi'nabeegindak an nogo Mbo paniyak mage o. Ata, Kaliku ALA nen an eeppaniyak koonogo paneegindak nogo Li'luk eerogo panege logomunggun o.

Ndawi 51:10

Ala wae. Niniki kikak naka'lek eerogo panege, Niniki nu'lek logokit nduk, Niniki ngget mendek eerogo panege, Eeru o.

Ndawi 81:13

Kit an napuri noone liirogon konenggwi, Kit Iterali an nen yokkirage ndak-ndak eerit nogwe, Eeko logonetak en,

Yetaya 19:25

At Omaawi Lombok Menggerak Aliku ALA nen ale'nggen inoba piige logonet, “Kit an napuri o Metit mendek inom, kit an neenggi pugu Atiyut mendek inom, kit neyate kwak niniki kundugu napuri Iterali inom, nale'nggen kinoba pinagagi o,” yinuk, yorage logogin o.

Yetaya 29:23

Ata, neenggi paga obeelom eeppiinet naminggirak paga inapuri ambik aremenggaarak Inenggela'me wonogwe iigo logonet, nendage obeelom mban logowak nduk eerit nugwi, Nit Yakup mendek ninogoba Kikak Nakeelik Alik Leenak ti, kikak nakeelik alik leenak menggerak o, yinuk, yogwe, Ndi, Iterali inogoba Ala paga, Iya! yinuk, inomanggen tayok ari, Eeko logogun o.

Yetaya 43:7

It an nendage tiyappogo logowak nduk ogobakkigirogo piige, Ineebe longgo warogo piige, ina koonogo piige, Eereegirak nendage kunogo agan nogo menggaarak abok aret wogoren piya wogo logowak o,” yinuk, yegerak me, yokkiragi o.

Yetaya 44:21

Ala nen ari logonet, “It Yakup mendek ti, an wone yorage yi, abekwi, It Iterali mendek ti, an nayeloman mini aret me, liippugwi, Eeko logowak o. An nen aret ogobakkigirogo piyareegirak me, it an nayeloman mini aret agaarik o. It Iterali mendek ti, an nami eerogo piyaagin lek o.

Yetaya 60:21

Ti ari nage kenok, aagalogwe abok aret iniki abe koonak ogwe, Ndi, nggween ti nogo, unde eeppatinuk mondok-mondok wonogwe, Eeko logogun o. An abu tiyanak, Wi! nugwi nogo aakumi inigen neego logowak nduk, neenggi lombok paga nen agarip ambi luurogo yareegirak it aret me,

Yeremiya 31:33

“Ti eyom abu aret age kenok, it Iterali paga wiganak wone ngget mendek ninom koonogo puurak nogo yi aret. Eeko logorak yoragagirak nogo inikime nabenogo piige, Inikime liiru negen mbanogo piige, Eerigin me, An nen it inogoba age, ndi, it nen an napuri ogwe, Eerugun o.

Matiyut 5:16

It aakumi nen kit obeelom eekwi inigen kiigo logomenggaarik, kinogoba mbogut paga mendek wogoppuwak nduk, kit nen togop aret aakumi inenggaanom paga ndi pogom eya aago logonip o,” yinuk, yoragagerak.

Yaya 3:21

it aap Ala ndogop menggerak wone nogo, eeko menggaarak kenok perak, Ala inom kunik logonet, eeko menggaarak pagak yuwak nduk, at eya nogo owagam wogo menggaarak o,” yinuk, yoragagerak.

Nappiigak 9:31

Nappogo nogogwaarik, nogome logonet, it Ala apuri o Yureya kuwak eerit nogwe inom, o Nggalileya kuwak eerit nogwe inom, o Tamariya kuwak eerit nogwe inom, ale-pale eeginabit naga'lek iinok, inikiigun logonet, iniki kole ogwe, Aberiniki nen yeenggwaarage kagak inogoba Ala inagabiti mbako logonet, ineebe ambik wigannogwe, eereegwaarak.

Nappiigak 9:36

Ndi, kwe Yetut oone waganeegerak ambi endage Tabita o Yope wonagagerak. (Kwe endage ti, Yunani inoone paga, Ndorakat.) At kwe nogo aakumi obeelom eeppiinet nage, ineenggilek iinok yeenggwaarage, eeke nagagerak.

Oroma 8:1

Togop kenok, nit Keritut Yetut ninom kunik monggoorak me, “Kit maluk eekotak me, onggo eeppinagagin o,” yinuk, yo'nirage mondok lek o.

Oroma 8:29

At Ala nogo nen nit at awuri apit ninowe manggu pogom logowok nduk, nineebe nda'naga'lek niigak, at aput obaabut pogom aruwok nduk, mii'ninake nagagerik, leenogo pinaneegerak.

1 Korindut 3:9

Nit Ala ninom kunik logonet, eeko monggoorak me, Ala eyabu aago inom, at awi wurik inom, ti kit kineebe aret ogotik o.

2 Korindut 5:17

Aap ambi Keritut imbirak kunik wonage kenok, at iniki ngget ogobakkigirogo pemenggerak me, obaabut maan mendek lek age logonet, obaane'me ngget mendek aret arigin o.

2 Korindut 5:5

Nabelan-kabelan wo'niroorak nduk, niniki pipuk eerogo pinanege menggerak nogo ti, Ala aret o. Nit nabelan-kabelan ti, “Abet aret eeppinanigin,” mbaruwok nduk, Aberiniki aa'nduk aret wo'niragagerak me, niniki tayenak ale'nggen aret ogoorik o.

2 Korindut 9:8

“Ineenggilek iinok, amendek tumburiranet nage, Obeelom mban eeppiinet nage nogo kobak arigin lek, mondok aberak wonage, Eeke logogin o,” yinuk, liiru mbanak nogo ndak-ndak, kit kiniki ale'nggen paga kuwak eekwi kiinok, Ala iniki kunik en kit, “Ndi mendek uugwe,” mbarumonggotak kagak, mbaka'lek mendek ambinom kalo logonogo wokkirage logogin me, kit ambi mendek lek kenok uugwe mbarumunggup lek o. Ndi, aakumi inabuwa nen yeenggwaaroorak kunduk, wonage mban aret kogo logomunggup o.

Nggalatiya 6:15

Inagabolo mbanak kenok, mbanak lek kenok, ti imbirak iya lek o. Ata, niniki ngget ogobakkigirogo pinanege logonet, ninobaabut koonogo pinanege ti perak, iya o.

Epetut 1:1

Ala mbareegerak paga Keritut Yetut ayonggo nappiigak mendek agago paneegerak an Pawulut nogo nen kit Ala apuri at ake leenak Keritut Yetut kinom kunik logonet, obeelom wone liirogon mugurok nogo monggotak o Epetut wonogwe nogo, wone ambi yokkira o.

Epetut 1:4

At Ala nen, “Peebi Keritut nen eeppiyamenggerak paga an napuri maluk inoba lenggenna'lek nenggaanom paga mondok alik leenak logowak o,” yinuk, o nggween yi, awo wakkaga'lek kagak mii'ninabeegerak.

Epetut 2:13

o nda negen aret wonogogutak kwe, Keritut amiya paga Ala kinom lambunogo pinagi wagagerak me, yogondak Keritut Yetut kinom kunik aret wonogo ogotik o.

Epetut 2:15

ndi, nit aap ninanebunu mbere wonogogurak nogo, at eebe paga at apuri ninanebunu ambit a'nuk, ninom niniki lambunik logowok nduk, Ala nen, “Yogop ee'nu, ndogop ee'nu,” yinuk, wone Muta yoreegerak nogo paga ninom ogoorak wonogogurak nogo kunduk, lek eerogo pege, eereegerak.

Epetut 2:6

Ndi, at Keritut ninom kunik wonogwe niinok, Ala nen at ninom nineenik agago mippinanege nagagerik, Keritut Yetut tiyanak mbogut paga wonage nogo ninom ndak-ndak logowok nduk, tiyappinaneegerak.

Epetut 4:1

Ti kenok, noreewi o. Kit eeko logorak yonggo pinagareegerak Ala nen kit ndak-ndak aret eerit nogwe kiyaawak nduk, an ninowe oone wonok yoranet nege paga keele maa'nabeegwaarak nogo nen, “Ao,” mbake logonet, yokkiragi o.

Epetut 4:24

Ala maluk eekeelik obaabut abu abe koonak menggerak nogo kokwak, kit ndak-ndak kinobaabut mondok ngget mendek eerogo pinagawak nduk, yokkiragi o.

Pelaareegerak 32:6

Kit aakumi kiniki lek wi-wa yi wae. Ala nen obeelom eeppinagit wage onggo nogo togop eeriyak op mbakop? At Ala ti, kinogoba a'nuk, kinonggo mbanogo pinagage, Kinanebunu ambit mendek agago pinagage, Eereegerak ti lek mbakop?

Pelaareegerak 5:33

O kit unde a'nuk logowam time logonet, yi wone ndi wone ambi kinoba aga'lek kineebe kineenik ambinom logomonggotik, li a'nuk kanggo logomunggup nduk, at Aliku kinogoba Ala nen wone lengganogo yokkiragagerak ti, abok aret mugurok nogo logomunggup o,” yinuk, yoragagerak.

Pilipi 1:6

“At Ala nen obeelom eekkinaburak nduk, aa'nduk eereegerak kuli nogo nen, kinikime eekkinake tit kagak, o age yobok Keritut Yetut woraagin,” an abet aret mbake logonet, yokkiragi o.

Pilipi 2:13

At Ala nen eeriyak inikilom mbake menggerak nogo, kit nen, “Eerikit,” mbakwi, ti'nuk, eebe aret eekwi, eekwi nogo ti, Ala nen mban aret koonggirage menggerak.

Kolote 1:10

Kinake tamban eekwi ti, ninowe inikilom kinombaruwak nduk, ndak-ndak eerit nogo logonet, eyoonggen abe yi'nage menggi kwak, obeelom eerit nogwe, ndi, Ala eeke menggerak kineenu ogo logonet, kiniki kole ogwe, eerubagip nduk, kinake tamban eeko monggoorak.

1 Timotiyut 2:10

Ata, it kumi Ala wone liippunuk, mugurok nogo menggaarak mendek nen inayum-inagali liippunuk yikkologo mengga kwak, yi obeelom ndi obeelom eeriyak nogo ti, ndak-ndak aret liippunuk eerit nogo logowak o.

1 Timotiyut 5:10

“Yi obeelom ndi obeelom eeke menggerak,” yogwe iinok, aagalogwe liirogon tawe eeginaka kenok, aap nggiru inanoniya laka kenok, it Ala apuri ake leenak iniyok koorinaka kenok, it aakumi aaninggin inoba agaatak iniki eyak wappiiga kenok, ndi, yi obeelom ndi obeelom eekwi abok aret, “An unde o,” yinuk, eeke menggerak kenok, endage mbaniyak op kwe,

1 Timotiyut 5:25

It obeelom eekwi ti, togop aret iigo monggoorak. Ndi, it ando obeelom eekwi ambi nobarak wonage kenok, kumaarak togop mban logogin lek o. Kin arigin aret o.

1 Timotiyut 6:18

Obeelom eeppiinet nugu logonet, yi obeelom ndi obeelom eekwi paga ineenggi warak eekkologwe, iniki lek ndoobu aakumi wogoroorak mban inikilom mbakwi, eeko logowak nduk, mamunirage logot o.

2 Timotiyut 2:21

Togop aret menggerak me, aap ambit-ambi togolowak koorak mondok obeelom wonage kokwak, at omaluk mbo pege kenok, at ogoba nen yi mendek ndi mendek obeelom iya lombok eeke logowak nduk, ogoba ake mondok leenak aret menggerak.

2 Timotiyut 3:17

At Ala yereegerak liiru mbanak wo'niragagerak nogo ti, nit Ala apuri logonet, yi obeelom ndi obeelom eeko logowok nduk, ninake li'luk agago pereegerak wonage agaarik o.

Titut 2:14

Nit yi maluk ndi maluk eeko monggoorak nogo eeko logokwak ninonggo mbanogo piinogo pinanege, ndi, “An napuri nake leenak logonet, obeelom eeriyak iniki aganggen paga eerit nugu logowak,” mba'nuk, ninomaluk koorogo pinanege, eerikit nduk, nit ninake niya wagagerak.

Titut 2:7

Aakumi kat paga in wakkagak eeko logowak nduk, kat yi eekak ndi eekak eeke logonet, obeelom mban eerit nage logot o. Eerit nage logonet, wone mamunirage menggendak nogo, kat koone inom nabenogo ugun-ugun mamunirage, kayuk lek we i'ndok-i'ndok yorage, eeke logogun o.

Titut 3:1

Aakumi nen it o arum waka pemerintah inom, it aap inayuk warak menggaarak inom, inabu'me logonet, inoone konenggwi, ndi, eeriyak obeelom ambi kin age kenok, “Eeko logowok o,” yinuk, mbako logowak nduk yorage, eeke logot o.

Titut 3:14

It ninapuri ti, eyo anggen yegeelik pogom logokwak, it aakumi aaninggin inoba age kenok yeenggwaarogo logowak nduk, yabu liirogon eeriyak mamunggologo logowak o.

Titut 3:8

An wone yokkigi ti, abet aret o. It aakumi iniki Ala oba panggombunuk, abet mbakwi nogo iniki liippunuk, obeelom mban eeko logowak nduk, an yokkigirak ti, kulinik-kalinik koone omaawi paga yorage logot o. “Wone yi, obeelom aret o,” yinuk, waganggwi paga obeelom ambi eekkoloorak aret me, yorage logot o.

Iberani 10:24

Ndi, niniki-kiniki kunik eekwi, at ambi nen at ambi obeelom eeppegak eekwi, eeko logonet, at ambi nen at ambi kini wuppegak eeko logowok nduk, liippogo logowok o.

Iberani 13:21

at Ala eeriyak mbake menggerak nogo, kit mondok ndak-ndak eeko logobagip nduk, yi mendek ndi mendek abe mendek kenok mban li'luk eerogo wokkirage, ndi, Yetut Keritut eereegerak paga kit eeppinagarak inikilom mbake menggerak nogo eeppinagage, eeke logogin me, at endage mondok-mondok tiyappogo logowok o. Amin!

1 Peterut 2:12

It aap endekem iniki abet mbaka'lek mendek nogo nen, “It maluk eerit nugwi o,” yinuk, kinabok mbaniyak nduk eeremenggaarak kwe, obeelom mban eerit nogwe liippinagago logomenggaarik, Yetut wage eyom paga Ala wogoppuwak nduk, inenggela'me logonet, kiniki mondok liippunuk eeko logonip o.

1 Yaya 1:7

Togop kwe, at Ala o eya paga wonage menggi kwak, nit o eya paga nogwe niinok perak, ninoreewi ninom kunik aret logogun me, at aput Yetut amiya paga ninomaluk abok aret lek eerogo pinanegak mban eeke logogin o.