Epetut 1:16 - Ala Wone Peenok Peebi Mbanak

¹⁶ tamban eeke logonet, kit eerit nogwe paga an puk aga'lek Ala mondok, “Wa,” yoge minggirak.

Epetut 1:16 ပူးပေါင်းရင်းမြစ်များ

Wakkagagerak 40:14

Eeke logonet, noba abe'nage kenok, it aap inanebunu Iberani mendek iname nen keele maarogo kumaa'neren yime pani wogogwaarak o Metit yime logonet, an maluk ambi eeka'lek neegak, keele maarogo o apit me yime mambani wagaarak wonage me, keele piinogo wumbanuwak nduk, kat endekem wungge logomenggendik, op aret logonet kenok, nabuwa mba'nuk, eekirak wone nogo mbininogo aap endagembogut Pirawun nogo yo'nu o,” yinuk, yoreegerak.

Yetaya 62:6

Kat Yerutalem yi wae. Kobak wurik paga aap tum logowak nduk piigirak me, It nen liingge inom, oonikiya inom, tum wako logonet, inoone lek puk logogun lek o. Aliku ALA o Tiyon eeppuurak yegerak aberogo yoga kit yi wae. Kurumbi yoraga'lek ugun puk logorak mage o.

Kolote 1:3

Kit Keritut Yetut abet mba'nuk, kiniki at oba panggombugwi, ndi, it Ala apuri ake leenak abok aret kiniki kunik aganakwi, eekwi nogo, kinabok ninaruk konenggo nogootik, kinake tamban eeko logonet, kulinik-kalinik ninowe Yetut Keritut ogoba Ala mondok, “Wa,” yogo monggoorak.

Kolote 1:9

Kit togop eerit nogwe ninaruk koneneegurak kuli nen puk aga'lek kulinik-kalinik kinake tamban eeko logonet, Ala nen eeriyak mbake menggerak abok aret Aberiniki nen kineenu eeppinagage logonet, yi wone ndi wone alom abok aret yelok kogwe, ndi, kiniki warak eeppinagage, eeke logowak nduk, Ala yogo monggoorak.

1 Tetalonika 1:2

Nit tamban eeko monggoorak me, eeko logonet, kit abok kiinok kulinik-kalinik Ala, “Wa,” yogo monggoorak.

1 Tetalonika 5:17

Puk aga'lek tamban mban eeko logonip.

2 Tetalonika 1:3

Noreewi o. Kit eekwi paga nit puk logorak meek ee'ninake kenok, Ala mondok, “Wa,” yogo monggoorak. Kit abet mbakwi nogo piyok ari lek omaawi arit unggwage, ndi, niniki-kiniki kunik aganakwi ti, nggwok arit nage, eeke me, “Ala wa,” yogo monggoorak nogo ti, op aret eeko monggoorak o.

1 Tamuwen 12:23

Ndi, an nen perak, kit kinake Aliku ALA yoge lek neenok ti, Aliku ALA maluk eeppuurak aret me, kinake tamban eeke, ndi, obeelom eekkoloorak wone inom, tu koonak paga nogo logorak wone inom, mamungginake, eeke logogin aret kwe,

1 Tamuwen 7:8

Tamuwen yogo logonet, “At Aliku ninogoba Ala nen it Pilitin ineenggime nen ninagap ndaruwak nduk, kat puk aga'lek koone nggwok paga ninake tamban mban eeke logot o.”