Epetut 1:13 - Ala Wone Peenok Peebi Mbanak

¹³ Kit kinagap ndariyak Ala ari menggerak obeelom wone nogo, konembunuk, abet mba'nuk kiniki Keritut oba panggombogo mbareegup, wam yelok kaawak nduk, aruk nggaganggo mengga kwak, kit Ala apuri alik leenak yelok logobagip nduk, Aberiniki wo'niroorak koonogo pereegerak nogo, kit kunduk wokkiragagerak.

Epetut 1:13 ပူးပေါင်းရင်းမြစ်များ

Ndawi 119:43

Eekaatak ndak-ndak eeppiigo logorak Koone yugu ti paga niniki lunik wonage me, Kat abet mban ari menggendak wone nogo An yuurak kobak eerogo paniyak mage o.

Yowen 2:28

Ti eeppege logominggirik, yi aakumi ndi aakumi abok aret Naberiniki inoba wuppi woraagin o. Wuppi wage logominggirik, inapuri wologwe-komologwe yorage neegak, an ari nogo yoranet nugwi, Inogobamini inanggwok nen inabi kogwe, Inapuri wologwe tawe nen inabinggaanggo kogwe, Eeko logogun o.

Lukat 11:13

Lek me, kit aap maluk mendek kwe, kinapurilogwe nen yokkirogwe iinok, obeelom mendek wogorogo monggotak nogo ndak-ndak, kit kinogoba mbogut paga mendek, Aberiniki wo'niru o, yogwi kiinok, wokkiraagin lek mbakop? Wokkiraagin aret o,” yinuk, yoragagerak.

Lukat 24:49

nogoba nen wokkiroorak abok yokkiragagerak nogo, an nen aret kinoba wuppinagi woraagin me, Ala omaawi agi nen kinoba mondok li'luk eeppi waga'lek kagak, o kota yime aret logonu o,” yinuk, yoragagerak.

Yaya 1:17

Ala nen wone lengganogo yoge kenok, Muta nen yo'niragagerak kwe, Ala iniki kunik nen eeppinanege, “Ala ndogop menggerak o,” yinuk, liirogon paganogo yo'nirage, eereegerak nogo ti, Yetut Keritut aret o.

Yaya 14:26

Aberiniki kit kiniki eyak wappinagage logowak nduk, nogoba nen an nobaane'me nappi woraagin nogo nen yi wone ndi wone apit aret mamunggirage, ndi, yi wone ndi wone yokkirage nagagirak nogo abok aret abekkirage, eeke logogin o.

Yaya 15:26

Ala ndogop menggerak o, yinuk paganogo yokkirage logonet, kiniki eyak wappinagage logowak nduk, Aberiniki an nogoba wonage me nen nappi woraminggirak wage logomenggerik, an nabok paganogo yokkirage logogin o.

Yaya 3:33

At paganogo yorage nogo, it aakumi nen waganggwi paga Ala abet aret ari menggerak tena'me pogo menggaarak.

Yaya 6:27

Mbi lek ariyak mendek nogo mban yabu eeko logogup o. Ata, aap aret nda'nagagirak an nogo nen mbi mondok-mondok logorak mendek wokkirage nogo koloorak yabu mban eeko logonip o. An ti mendek aret wokkirage logokit nduk, nogoba Ala nen ineenu agak eerogo paneegerak nogo o.”

Nappiigak 1:4

Ne ambi paga at awuri inom mbi nonggo logonet, it yorage, “At Yaya nen yiime wuppiige nagagerak kwe, ne mande negen logonuk Aberiniki kinoba wuppinagi woraagin me, kit o Yerutalem teppunuk nagup o. Nogoba nen, Wokkiraagin o, yinuk, abok yereegerak an yokkirage nagarak nogo, wokkiraawak nduk, tokkogo logonip o,” yinuk, wone lengganogo yoragagerak.

Nappiigak 13:26

Yorage nagagerik, “Noreewi o. Kit Abarakam ombowologwe kunduk, kit Yakuri lek kwe Ala kinagabiti mbako monggotak kunduk, kit ninom ninagap ndaruwak nduk, ninake wone yi aret nappi wagagerak o!

Nappiigak 2:33

Ala nen eenik agago mippege nagaarik, eenggi abe'nggan logowak nduk, tiyappegerak me, ogoba nen, Aberiniki wokkiraagin o, yinuk, yereegerak nogo wagangge nagaarik, wu'nira wagaarak paga nit eekwi kinigen niigwi, yogwe kinaruk konenggwi, eeko ogotik o.

Oroma 1:16

Obeelom wone ti, aa'nduk it Yakuri mendek inom, ti'nuk, peebi Yunani mendek inom, aakumi abok aret abet mbakwi iinok, inagap ndake logorak Ala omaawi ti aret me, wone obeelom wone ti, an nagabiti lek logonet yokkirage agarik o.

Oroma 4:11

Ndi, at abet mbareegerak paga Ala nen abet aret, “Kat obeelom aret keegi o,” yinuk, yoreegerak nogo aakumi ineenu aruwak nduk, inagabolo mbaniyak wone yoreegerak ti, agabolo awo mbangga'lek kagak aret yoreegerak. Togop aret me, inagabolo mbangga'lek kagak, Ala abet mbakwi paga, at Ala nen, “Kit obeelom aret kiigi o,” yinuk, yorage nogo ti, it inombo Abarakam aret o.

Oroma 6:17

Kit aa'nduk maluk ayeloman aret wogogutak kwe, yogondak perak, wone mamunggirogogwaarak nogo kiniki mbere lek ambit paga mondok li'luk eerogo woppunuk, eerit nogwe me, Ala mondok, “Wa,” yinuk, keyage wake agarik o.

2 Korindut 1:22

Wam kugi aanggo yelok kogo logowak nduk, aruk nggaganogo pogo mengga kwak, nit Ala apuri leenak yelok niigo logowak nduk, eerogo pinanege, ndi, “Eeppinagagin,” yereegerak nogo, “Peebi abet aret eeppinanigin,” mbaruwok nduk, Aberiniki ninikime yilinogo mambinanege, eereegerak.

2 Korindut 6:7

Ala ari menggerak wone yokkirogwe, Ala omaawi paga eeppinanege kagak eerit nugwi, obeelom mban eerit nogo logonet, wone ti, nineegin-ninomaale kwak li'luk eerak wonok nugwi,

Nggalatiya 3:14

Ti eereegerak nogo ti, nit abok aret niniki abet mbakwi paga Ala nen “Aberiniki wokkiraagin o,” yinuk, abok yo'niragagerak nogo, waawok nduk, Ala nen, “Nale'nggen koba pagagin o,” yinuk, Abarakam yoreegerak nogo ti, Keritut Yetut eeremenggerak paga it aakumi endekem konenggulik mendek ninom niniki ale'nggen mbaruwok nduk, eereegerak kogo o.

Epetut 4:21

At eeke nagagerak nogo mamunggirogwe niigak, Ala ari menggerak wone at Yetut ndak-ndak ari nagagerak nogo, kit liirogon konenggo logonet,

Epetut 4:30

Ala nen at apuri wogonabi wage logonet, nit ninom wo'ninabi woroorak nineenu logowok nduk, wam yelok kaawak nen aruk nggaganggo mengga kwak, Aberiniki wo'niragagerak me, Ala Aberiniki nogo, iniki maluk eerogo puurak mage o.

1 Tetalonika 2:13

Togop me, Ala wone yokkirogogurak konenggo logonet, “Yi we aakumi inoone lek o. Yi Ala wone nit abet mbakwi ninikime koonninake menggerak wone abet aret o,” yinuk, waganeegutak me, nit puk aga'lek kulinik-kalinik, “Ala wa,” yogo monggoorak.

2 Timotiyut 2:15

Aap ambi yabu abe eeke logonet, agabiti mbakeelik nogo pogom, kat Ala ari menggerak wone mamunirage logonet, kiniki nen koonogo alik inom nabenogo yoraga'lek at oone mban liirogon yorage keenok, Ala nen inikilom kombaruwak nduk, liippunuk, eeke logot o.

2 Timotiyut 2:19

o wurik ili agago liiru mbanogo pogo mengga kwak, Ala eeriyak kooneegerak nogo, “Mondok logogin,” mbaruwak nduk, ari logonet, “An napuri kenok ti, neenu aret minggirak o.” Ndi, ambi, “Yi aap ndi aap abok aret, An Ala aput aret o, yogwe iinok, It maluk eekwi nogo mbo pogo logowak o,” yinuk, yereegerak me, it aap ti togop aret eeko menggaarak kwe, Ala nen, “Eeriyak,” kooneegerak ti, o eyak wurabak nu'lek menggi kwak, mondok nu'lek aret logogin o.

2 Timotiyut 3:15

Ala yereegerak wone liiru mbanak paga Keritut Yetut abet mbakwi niinok, ninagap ndariyak nineenu ee'ninaburak wone wulaga mbuuluk paga kat keenu agagindak nogo, abeke logonet, nggirik-nggerok porogo logot o.

Titut 2:11

Ala iniki kunik nen wo'niragagerak wone nogo, it aakumi abok inagap ndaruwak nduk, kin agagerak.

Iberani 2:3

nit ninagap ndariyak wone mondok iya kooneegerak nogo, kobak eerogo punuk wonogwe niinok, nit teppinanigin mbakop? Mondok lek o. Wone ti, aa'nduk ninowe nen aret paganogo yorage mbareegi, it koneneegwaarak nogo nen iniki yungguppegak yo'niroolik inoone mondok abet aret yo'nirogwe iigak,

Yakobut 1:18

At nen yi mendek ndi mendek wakkaakit mbareegerak nogo tebenak kagak, it aakumi mban tiyanak logowak nduk, “Aap aa'nduk obeelom eerogo piyaakit o,” yinuk, oone yereegerak nogo paga iniki mbareegerak ndak-ndak eeke logonet, aa'nduk nit aakumi aret obeelom eerogo pinaneegerak.

Yakobut 1:21

Eeriyak lek mendek peyak wurik pogom kagak ugun eekwi, ndi, yi maluk ndi maluk eekwi, eeko monggotak nogo abok aret mbo punuk, kiniki yanggonak logonet, wone ninagap ndariyak wone Ala nen ninikime awi yappinanege menggerak wone nogo mban liirogon waganggo logonip o.

1 Peterut 2:10

Kit maan aa'nduk nen Ala apuri lek aret wonogogutak kwe, yogondak perak, at apuri eekkinabeegerak wonogwe, ndi, kit aa'nduk Ala nen kinabuwa mbake nagagerak nogo kineenggo'lek wonogogutak kwe, yogondak perak, at Ala kinabuwa nen obeelom eeppinagage nogo liippugwi, eeko ogotik o.

Wayu 7:2

Iige nagarik, wonage me, malayikat alik ambi oonegen wundi wage menggim nen wundi wage logonet, Ala eenik menggerak apuri leenogo piinok, ineraambe yelok iigo logowak nduk, amburu eeppiigak wonok wage nagaarik, nggween inom, niyo nggwok yenggenak laut inom, maluk eerogo puwak nduk, it malayikat ineebe 4 unde eeppiyareegerak nogo, oone nggwok paga yorage logonet,