Ayup 9:5 - Ala Wone Peenok Peebi Mbanak

⁵ Puut ugun wonage kagak tayorogon nappege, Anini paga nippegak-wuppegak eeke,

Ayup 9:5 ပူးပေါင်းရင်းမြစ်များ

Ayup 26:6

It kambunuk nogo menggam wonogwe nogo, At Ala nen abok aret iige menggerak o. Kambeegwaarak wonogo menggam nogo, Tu narak lek paarak aret wonage agaarik o.

Ayup 28:9

Aakumi nen perak, Yugum tumbu kagak yanggunit unggwogwe, Puut-puut miyanogo alom kin eeppugwi,

Ayup 34:25

It eerit nugwi nogo at eenu menggerak me, Oonikiya paga inendage warak inom, inomaawi inom, Lek eeppiinok, ineebe yigirogo piige menggerak o.

Ayup 40:11

Kiniki mi'na'nuk kanini aakumi inoba kwippiinet nege, Iniki wogoppakwi nogo tebeppatuwak nduk, kenegen abi warogo piige,

Ndawi 114:6

Puut-puut yi wae. Ndomba ngguunok ku'mbo-wanggak nugwi kwak eeke, Puut-puut mbuulogwe yi wae. Ndomba aagalogwe ku'mbo-ka'mbo yogwe kwak eeke, Eereegutak nogo ti, Nonggop nduk eereegutak?

Ndawi 46:2

Togop aret me, Nggween alom na'ndo-wa'ndo eeke, Puut-puut langgu-langgu yi nggwok yenggenak laut inikime wangge, Yi nggwok laut kilaarak-mogonik eeke logonet, Aa'nggolagak eerogo nippit wage, oone pu ari, Eeke paga Puut-puut abok aret ndipuk agan nage, Eeremenggerak kwe, Nit perak, ninagabiti mbarugun lek o.

Ndawi 68:8

Puut Tinayi paga eeke kat Ala nogo kenggaanom paga, Aakumi Iterali inogoba kat Ala kenggaanom paga, O nggween ndipuk eeke, Mbogut paga nen mayu lubu-lubu wurabit wage, Eereegerak o.

Yetaya 40:12

Ta nen, “Ne mande paga niyo laut neenggi paga tomaarogo wumbege neenok, lek arigin o?” yinuk, wunake, Ta nen, “Mbogut ngge kuli kaamun?” yinuk, eenggi paga wakkanet nage, Ta nen, “Ne mande paga o nggween yi, tenggap paga ndoonogo wumbege neenok, lek arigin o?” yinuk, ndoonogo wumbege, Ta nen puut nggorek inom, puut mbuulogwe inom, “Aaninggin ngge kuli age kaamun?” yinuk, aaninggin wakkagak paga wakkage,

Nakum 1:5

At wage kagak puut-puut na'ndo-wa'ndo eeke, Puut-puut teberogon amburu tigi-tigi wundit nage logonet lek age, At wage kagak o nggween inom, yi mendek ndi mendek nggween paga wonage nogo abok aret inom, inaganak wake, Eeke kagak,

Nakum 1:6

Aliku ALA anini nen eeppiige nogo, aap ta nen ko wappunuk, logogin mbakop? At anini kani kunik negen eeke kagak, aap ta nen ogogumbuk puk arigin mbakop? Lek aret o. At anini kani kunik negen yumbunogo wuppi wage nagaarik, Enegen kagak, puut-puut yanggu-yanggu wambit wage kagagirak o.

Abakuk 3:10

Puut-puut nen inigen keenok, inaganak warit nage, Kat keegak niyo wu'nuk nage, Niyo kole yenggenak laut kiiniki lombok paga anggut-nggut oone ari logonet, Kilaarak-mogonik eerogo nippit wage, Eereegerak o.

Abakuk 3:6

At mi'nage kagak, nggween na'ndo-wa'ndo eeke, At enegen enaagan-ambokan pi'nage kagak, yi aakumi ndi aakumi inaganak warit nage, Puut-puut aa'nduk lombok nen itok negen wonage nogo, yigirogo wurabit wage, Puut-puut teberogon o maan nen wonage nogo, aambira-mbira wangge, Eeke kagarak o. Ti eeke kagarak ti, o aa'nduk lombok eeke nagagerak nogo aret eeke kagarak.

Takariya 4:7

Togop me, puut nggorek kat yi wae. An nomaawi ambik, mbake keegak, at Terubaben wage logonet, kat yanggunogo paganuk, kobappaga eerogo pagagin o. Kobappaga eerogo paganuk, yugum aa'nduk lombok ogowa kwippege kagak, aakumi keekok yogo logonet, Ala ale'nggen koba wonage o. Ala ale'nggen koba wonage o, yinuk, at yorugun o,” yinuk, puut nogo yoge kagarak o.

Matiyut 21:21

Yogo mbareegwa, at Yetut nen, “Kit kiniki mbere lek ambit aret logonet, Ala abet mbakwi kiinok, an eyo wuli yi eekirak yogobi mban eeko logomunggup lek o. Ata, kit nen puurom yi kunduk, yogo logonet, Aan wogonogo yi yenggenak me lebennari nage keyaagin o, yogwi kiinok, ndak-ndak aret eeke kaamunggup o.

Matiyut 27:51

Iniki woronggo'nok abu kangge mbareegi, yum Ala awi wurik me akenggwe tugunik wonagagerak nogo, agi nen oolo muundak nggoguk yi wambi wage, nggween nuk ari, yugum puut-puut abok langgu-langgu wambi wage, eeke logonet,

Lukat 21:11

o mi mondok iya tit nuk ari, yi awi ndi awi mbi noogelo age, o yime-ndime kugilengga iyak wu'nage, ndi, kit kiniki ma'naruwak nduk, mbogut paga ineenu ariyak inagabiti warak mendek mondok alik negen eeke, eeke kamonggotak kwe,

1 Korindut 13:2

An Ala wone yorage logokit nduk, unde eeppanege, yi wone ndi wone alom neenu a'nuk, liirogon yorage, wone kote kumaarak mendek abok yelok kage, niniki abet mbake logonet, “Puut yi keebe tayo yu o,” yinuk, yoge neenok, tayo yi nage kage, eeke minggirak kwe, aakumi inabuwa mbaka'lek logonet eeke neenok perak, we aanom warogo aret eeke minggirak kagi o.

Wayu 11:13

Awo pi wogonakwi iigak, mi nggwok nuk-nuk eeke kagak, o kota time aakumi inawi ambik wurik nogo ando teppege, ando sepersepuluh langgu-langgu nage, eeke logonet, aakumi apit ineebe tujuh ribu aret aambeleninake mbaki, it ando teppiigerak nogo inagabiti nen at mbogut paga menggerak Ala nogo mondok tiyappugwi iigirak.

Wayu 6:14

mbuku pirik-perek eeko mengga kwak mbogut nggoguk ari logonet, pirik-perek arit nage, ndi, puut inom, niyo inikime nggween kup mbanak inom, abok aret wo'narok ambi me ari nagak eeke, eeke kagarak.