Ayup 9:20 - Ala Wone Peenok Peebi Mbanak

²⁰ An aap obeelom aret kwe, Noone yikkolage ti paga nen kat aap abe lek maluk aret, yo'nege, Ndi, an maluk eeka'lek aret kwe, Wone yiminggirak ti paga nen, Kat maluk aret, yo'nege, Ee'netak o.

Ayup 9:20 ပူးပေါင်းရင်းမြစ်များ

Ayup 1:1

Aap ambi endage Ayup o Ut wonagagerak. Aap ti, iniki abu koonak me, aakumi inoone at oba pega'lek aret wonagagerak. At Ala ayuk wuke, maluk kenok, “Neebi o,” yinuk, mbo pege, eeke nagagerak.

Ayup 10:15

An maluk eerigin kenok, nabuwa o! Ndi, eeka'lek obeelom aret wonage neenok perak, Nenggaawak pilarogon nege logorak op kwe, Neebe maluk agaarak paga nenggali mbakak nagin me, Nenggaawak pila yuurak meek ee'nabigin o.

Ayup 14:17

Ata, nomaluk yumonggok awina yonggoppunuk, Keenggi amburu penetak o.

Ayup 34:35

Ayup ti, wone eenggo'lek logonet ari, Iniki liippega'lek wone ugun agan nage, Eeke agaarik o, Yinuk, yogwe me,

Ayup 4:17

At Ala nen, Aap nggween paga mendek ambi iniki abu koonak wonage kage, At yi mendek ndi mendek ogobakkigika nen Aap ambi maluk oba lenggenak lek abu obeelom aret wonage kage, Eeke menggerak mbaken? Lek aret o!

Ayup 9:15

An maluk eeka'lek aap abe aret wonage logonet kwe, An nen at wone onggo yoriyak meek a'netak o. At nowak loongga aret me, We nabuwa nombaruwak nduk mban yo'netak o.

Ayup 9:2

“Wone yagandak ti neenu me, abet aret yagandak kwe, Ala nen, Kat obeelom aret o, yuwak nduk, Aap kanggo menggaarak mendek ambi nen Oone omaawi paga Ala nonggop togon yoriyak?

Ayup 9:28

At Ala nen, Aap yi maluk eeka'lek aap abe aret o, Nomba'nuk, yo'nirigin lek an neenu me, Aaninggin abok aret noba panege kero, Nagabiti mban mbarit unggwage minggirak o.

Ayup 9:29

At Ala nen, Aap yi maluk aret eekerak, nombake kagak, Nano eekkoloorak nduk, Aaninggin eerogo patit nage logorak mbaken? Ti we aanom warogo aret o.

Ndawi 130:3

Kaliku ALA wae. Ninomaluk nogo kat liiru mbanogo pege logonetak en, Aap ta nen oone ambi yenetak mbakop? Lek aret kwe,

Ndawi 143:2

It aakumi o nggween paga wonogwe inenggela'me Aap ambiriluk ambi iniki abe koonak kat kageelik me, Kayeloman an yi, nowak looniyak mage o.

Kini Wuppiige 10:19

Wone ambik agan nugu logonet enggela'me wone maluk inom wundi wage menggerak kwe, It wone yuurak aganake tebenogo wuppugwi nogo ti, iniki warak aret wonogo menggaarak o.

Kini Wuppiige 17:20

Aap ambi iniki nggolawe kenok, at obeelom eekkolaga'lek aret wonage, Ndi, aap ambi oone mbere ari kenok, at nen aret maluk oba kwippake, eeko menggaarak.

Yetaya 6:5

Kage nagarik, an nen ari logonet, “Nambe paga maluk mban ari, ndi, an aakumi inambe paga maluk mban yogwe nogo inenggela'me wonage, eeke logonet, at Omaawi Lombok Menggerak endagembogut Aliku ALA nenegen abe nen kagarak paga kambigin aret me, nabuwa o!”

Lukat 10:29

Yoge mbareegi, aap nogo, “An op aret,” nombaruwak nduk, Yetut yoge logonet, “Ndi, niniki kunik eeginabikit nen it ninom wonogwe ta o?”

Lukat 16:15

Meek agago pogo mbareegwa, at Yetut nen it yorage logonet, “Kit nen aakumi obeelom kinombaruwak nduk, kinaana'le mbanggo'net nugwi kwe, Ala nen perak, kiniki mbakwi nogo eenu menggerak. It aakumi nen, Wi! yinuk, iya mbakwi nogo at Ala eebi lombok mbake menggerak.

Yakobut 3:2

Nit abok aret niniyogobit lik togon yigeebu wanggo monggoorak o. Nit ninoone yogootak paga irip paga maluk age lek kenok, nit mondok obeelom logonet, nineenggi-niniyok paga maluk eeriyak ee'ninake nogo, abok aret tebenogo pogo logorak op aret o.