Ayup 9:17 - Ala Wone Peenok Peebi Mbanak

¹⁷ O wiya omaawi warit wage paga aan lebenogo panege, Ndi, alom lek kagak, nawin nagabolo paga ambik kunogo panege, Eeppanit wage ti paga

Ayup 9:17 ပူးပေါင်းရင်းမြစ်များ

Ayup 10:8

Kat keenggi lombok paga nena koonogo neebe ogobakkigirogo paneegindak kwe, Ti'nuk, kena logok togon lek eerogo paniyak nduk eeke agandik ya?

Ayup 16:12

Neebe-niniki ugun tayenak wonage neegak kwe, At nen nagabolo nibik-nobak eerogo panege, Nenggaanok nggerok togon eeppaninuk, yombak togon eerogo nappanege, Omaale paga nabut mbangge,

Ayup 16:14

Aap wim kalu-kalu menggi kwak, Ko'lu-kii'me noori wagak mban eeke menggerak o.

Ayup 16:17

Maluk eekirak ambi kumaapporogo lek aret me, Niniki abe paga tamban eeke agarik o.

Ayup 2:13

Le yogo nogogwaarik, at inom ndak-ndak nggween paga kwi'ndak liingge-oonikiya wonogwe tit iigak, nogo 7 aret yereegwaarak. Yogo logonet, at andi-pandi lombok oba agagerak nogo kogo nogogwaarik, it ambi nen inoone ambiriluk ambi at yoga'lek aret wonogogwaarak.

Ayup 2:3

Yoge mbareegi, Aliku ALA nen Tile yoge, “An nayeloman Ayup aakumi o nggween paga menggaarak ndak-ndak lek alik mban iniki abu koonak me, aakumi inoone oba pega'lek wonogwe iigak, an Ala nayuk wuke, Maluk neebi o, yinuk, mbo pege, eeke menggerak nogo kat liippege agandik ilik, lek a? Alom lek kagak an nen Ayup maluk eerogo pikit nduk, nabenak mban yo'nirit unggwage mbaken, E, yokkigirak wakkagandak kwe, at iniki abe koonak nogo lek aga'lek mondok nu'lek aret wonage o.”

Ayup 2:7

Yoge mbareegi, Tile nogo Aliku ALA owagam nen wundi nanuk, Ayup wonage me nage nagagerik, Ayup nogo iyok me nen nugwa anobak kuli aret piirik-kunik obari maluk lombok eeppereegerak.

Ayup 27:2

“At naana'le liirogon mbanggeelik eenik menggerak Ala endage paga, At niniki andi lombok eerogo panggerak Omaawi Lombok Menggerak endage paga, Wone ambi yokkira o.

Ayup 30:22

O wiya nen wo'neren nawak nduk, mbo tek eerogo nappanege, O wiya oone pu wage logonet, nippanggak-wuppanggak ee'nabuwak nduk, eeppangge, Eeke me,

Ayup 33:10

Ala nogo nen, Maluk eekendak o, ari, Kat nawim o, yinuk, yo'nege,

Ayup 34:6

An abet aret ari neegak kwe, Yi pilit ari agaarik o, yinuk, nombake, An maluk eerulik aret neegak kwe, Omaale nookerak nawin agaarak nogo, Lek aga'lek kunik aret wonage, Eeke agaarik o. Yinuk, ari menggerak o.

Ayup 9:16

Noone nggwok paga yoge neenok, Yu o, yo'neremenggerak kwe, Noone liirogon konenuwak mba'nuk yo'nirigin, an mba'netak lek o.

Ndawi 25:3

“At nen aret yeenggwa niraagin o,” yinuk, Iniki kat paga lunik wonogwe iinok, inenggali arugun lek kwe, Alom lek kagak aap maluk eeppiyoorak kote negen koonggwi iinok perak, Inenggali arugun o.

Ndawi 29:5

Aliku ALA oone paga eyo nggabina yigirogo wurake, Eyo nggabina Libanon mendek kalenogo nappit nage, Eeke menggerak o.

Ndawi 42:7

Yi taakut wurabit wagagindak oone wo-wo ari ti, Niyo kole yenggenak ambi inikime nen Niyo kole yenggenak ambi inikime yoge, Yi nggwok kilaarak-mogonik eerogo wunabit nage menggendak nogo, An aret tebenogo panit wage, Eeke agaarik o.

Ndawi 83:15

Kat kawiya oonebu agan it aap ti muguren nage, Kawiya paga inambuluk yunik-punik eerogo piinet nage, Eeke logot o.

Yetaya 28:17

Yugum ogowa ti paga wurit laganggo logowak nduk, wone a'me nggelok eeka nogo keele wakkagak pogom agago mippege, Abe liirogon eeka nogo keele agi nen ogu wakkagak pogom eerogo pege, Eerigin me, Mayu kumulinggen wambit wage logonet, iri'ngga-kale'ngga yigirogo pit nage menggi kwak, Pilit wone yogwe paga, Nineebe op logorak ninarum wonage, mbakwi nogo lek eerogo pege, Yi wurik nen yi mendek ndi mendek wonok nage menggi kwak, Aap inambokan laganggwi paga nit kumaappinanogo wonage, yogwe nogo lek eerogo pege, Eerigin o.

Yeremiya 23:19

O wiya anini ambik nombok-kombok eerit wage menggi kwak, Naliku ALA nanini togop aret kilak togon it aap maluk eeka inoba kwippiige neyaagun o.

Yetikiyen 13:13

Togop aret me, Naliku Nitok Minggirak an ALA nen eeriyak nogo yi aret o. An nanini nen o wiya omaawi warit woraawak nduk eeppege, nanini nen mayu kumulinggen wuppit wage, mayu lubu-lubu wuppi wage, eeke logonet, yugum yagat wurik ti, yigirik-noonom eerogo pigin o.

Matiyut 12:20

Op eekwi, maluk eekwi, onggo a'me nggelok eeppiinet nage nogo, Nggwok aruwak nduk, awo eeka'lek logonet, Nggawi owak taganak nogo at nen kalenogo pege, Ndi, keele kani kuru aago kagak wunuk ari nogo, At nen nogonogo mbo pege, Eerigin lek mban.

Matiyut 7:27

Wuppunuk wonage me, o mayu wage, niyo nggwok wu'nuk wage, o wiya wake, eeke logonet, o wurik nogo panggonggagak eeke logonet, langgonogo yigirik-noonom mondok iya tit eerit nagagerak o,” yinuk, yoragagerak.

Yaya 15:25

Ineebi ninombakwi nogo ti, Ala nen ari logonet, Alom lek kagak ineebi nombakwi o, yinuk, yereegerak liiru mbanak nogo, a'me lik yuwak nduk, ineebi ninombako agaarik o.

Yaya 9:3

Yogo mbareegwa, at Yetut nen, “Lek o. At maluk eereegerak paga inom, ndi, agalo-ogoba maluk eereegwaarak paga inom, enegen mbuk nda'nagagerak ti lek o. Ata, at Ala eeke menggerak at paga pagak yuwak nduk, enegen mbuk aret nda'nagagerak o.