Ayup 9:15 - Ala Wone Peenok Peebi Mbanak

¹⁵ An maluk eeka'lek aap abe aret wonage logonet kwe, An nen at wone onggo yoriyak meek a'netak o. At nowak loongga aret me, We nabuwa nombaruwak nduk mban yo'netak o.

Ayup 9:15 ပူးပေါင်းရင်းမြစ်များ

2 Mbinineegwaarak 33:13

tamban eeke logonet, Aliku ALA yoge mbareegi, Aliku Ala nen at abuwa warak nggo-nggo logonet yoge, nggino yoge, eeke nogo aruk konembunuk, “Abet aret yo'nege, kagi,” yinuk, iyokan o Yerutalem pi woraanuk, abu'me piinok wonagagim obaane'me unde logowak nduk, eeppereegerak. Ti eereegerak paga aap Manate nogo nen, “Aliku ti, Ala aret kagi o,” yinuk, yereegerak.

Ayup 10:15

An maluk eerigin kenok, nabuwa o! Ndi, eeka'lek obeelom aret wonage neenok perak, Nenggaawak pilarogon nege logorak op kwe, Neebe maluk agaarak paga nenggali mbakak nagin me, Nenggaawak pila yuurak meek ee'nabigin o.

Ayup 10:2

An nen Ala yoriyak nogo yi o. Kat nen, Maluk eekendak o, yinuk, An yo'niriyak mage o. Ata, Kat ndi eekendak kenok, eeppagage agarik o, Yinuk, an yo'niriyak op aret o.

Ayup 22:27

Tamban eeke keenok, Ala aruk konengge, Yogop eerigin o, yinuk, wone kumbuk mbanemenggendak nogo, A'me aret eeke logonok nduk eeppagage,

Ayup 23:7

At enggaanom paga time aap iniki abe koonak nogo nen An ndogop o, yinuk, yoge kenok, at nowak loongga nen, Kat maluk eeka'lek aap obeelom aret o, Yinuk, yo'nenetak kwe,

Ayup 40:5

Ne ambi paga noone ari, ne mbere paga wone mbangge, Eekirak nogo ti, Mbuuluk yuurak kagak ambik yagarak me, ambinom yigin lek o,”

Ayup 5:8

An aaninggin noba a'netak nen Ala nggino yoge, Ndi, an ee'nabenetak nen, Yogop ee'nakerak o, yinuk, paganogo yoge, Ee'netak o.

Ayup 8:5

Kat perak, kiniki kikak naka'lek abu koonak logonet, Yeenggwa kiruwak nduk Ala yoge, At Omaawi Lombok Menggerak nen Kabuwa mbaruwak nduk nggino yoge, Eeke keenok, At kake eerikit nduk, mi'nage logomenggerik, Aa'nduk wonagagerak obaane'me li'luk eerogo pagagin o.

Ayup 9:16

Noone nggwok paga yoge neenok, Yu o, yo'neremenggerak kwe, Noone liirogon konenuwak mba'nuk yo'nirigin, an mba'netak lek o.

Ayup 9:20

An aap obeelom aret kwe, Noone yikkolage ti paga nen kat aap abe lek maluk aret, yo'nege, Ndi, an maluk eeka'lek aret kwe, Wone yiminggirak ti paga nen, Kat maluk aret, yo'nege, Ee'netak o.

Ayup 9:21

Ndi, an maluk lek aret kwe, Neenik nili yikkoloorak neebi mbake me, Eeppaniyak mbake kenok, eeppanuwak aret o

Yeremiya 31:9

At Iterali ogoba ti an aret age, ndi, at Eparayim nogo ti, an naput manggu ndarak aret age, Eerak aret wonage me, Tu paga wage logonet, inale ambik yogwe iinok, an nen iniki eyak wappiige, Yi niyo ndi niyo nage menggim aa'nggi paga time wogoren wage, It iniyogobit mbanirage kero, tu kobappaga wogoren wage, Eerigin o.

Ndaniyen 9:18

Ninogoba Ala wae. It yo'nugwi ti, konenikit o, yinuk, karuk konengge, ndi, kat kendage kumbunuk kota endage yogo menggam maluk agaarak yi, Pekka o, yinuk, kenegen pekkage, eeru o. Nit nggino yokkugwi yi nogo ti, nit aap abe me nduk yokkugwi lek o. Ata, kat ninabuwa lombok mbake logonet eeppinanit wundi wage menggendak me nduk, yokkogo o.

Ndaniyen 9:3

Kage nagagirik, mbi nengga'lek nambe mage negen logonet, nayum maluk mendek yikkolage, nenggaawak paga purok yikut eekkolage, eeppunuk, nena koonogo nogoba Ala pekkage logonet, tamban eeke, nggino yoge, eereegirak.

1 Korindut 4:4

An eerit mban nage logonet, maluk eekirak ambi niniki aberak wonage lek kwe, ambi wonage kagak, “Obeelom mban eeke minggirak,” yukwak, noone yaga'lek puk wonage me, at nowe nen mban liippaninuk, yo'nirigin o.