Ayup 9:12 - Ala Wone Peenok Peebi Mbanak

¹² Aakumi inamendek ndinggolage kenok, ta nen non mbanogo pege, Kat nonggop eeke agandik o? yinuk, ta nen yoge, Eerigin mbaken?

Ayup 9:12 ပူးပေါင်းရင်းမြစ်များ

2 Tamuwen 16:10

Yoreegerak kwe, aap endagembogut nogo nen at Abitayi yoge logonet, “Kwe Teruya aagalogwe yi wae. An eeppanugwi nogo ti, kit kinobaalombok nen kooniyak lek o. At Aliku ALA nen, Ndawut pulunogo pu o, yoge paga pulunogo panugwi kenok, Nonggop nduk eeko ogotik o, yinuk, aap ta nen yoroorak mbakop?”

Ayup 1:21

Alut eeke logonet, “Nagalo inikime nen we nagap mbelanak nda'nagagirak me, Kambunuk, we nagap mbelanak aret nagin o. Kaliku ALA nen wo'nege, Kaliku ALA nen mban wogonake, Eekendak me, Kaliku ALA kendage mban tiyappege logokit o,” yinuk, yoreegerak.

Ayup 11:10

At wage logomenggerik, Aap keele maarogo mambiigo menggam mambege, Inowak loonggo menggam owak loonogo awone mbangge, Eeke kenok, Ta nen mage yoriyak mbakop?

Ayup 23:13

Ala ti, iniki alik agak eekeelik aret me, Aap ta nen at eeriyak mbake nogo, non mbanogo pigin mbakop? At iniki mbake nogo mban aret eeke,

Ayup 33:13

Ala yogitak kwe, onggo yo'nega'lek agaarik o, Yinuk, nonggop nduk keebi mbake agandik?

Ayup 34:29

At oone lek puk mban wonage kenok, Aap ta nen maluk at oba pege, At etenggen kumaappatinuk wonage kenok, Aap ta nen enegen kage, Eeriyak mbakop? Lek me, It Ala mugurok noorak ineebi mbakwi nen Keele pugu kwak aakumi yilunogo piinok, inoone omaawi yorogo logogun me, It aakumi inanebunu ambi nen ilik, aakumi abok nen a? It tebenogo piyoorak meek aret arigin o.

Wone Alom Kibingga 8:4

Aap endagembogut wone lengganogo yorage kenok, “E o,” yinuk, eeko menggaarak me, “Kat nonggop nduk, yagandak o?” yinuk, aap ta nen at yoriyak mbakop?

Yetaya 43:13

Aa'nduk togon wonagagirak nok-nok yogondak wonage nogo an Ala aret o. An neenggime wonage nogo aap ambi nen ndiniyak meek o. Ndi, an eeriyak koonogo pege nogo aap ta nen tu non mbanogo pigin mbakop? Mondok lek aret o,” yinuk, yegerak me yokkiragi o.

Yetaya 45:9

“Yi yiiwak ndi yiiwak nggween nggabok paga ogobakkigirik ambik lombok inenggela'me ambi nen, At eebe ogobakkigirogo pereegerak imbirak wone wake kenok, abuwa o. Kat nano ogobakkigirogo pege agandik o? yinuk, At nggween nggabok nen aap yiiwak ogobakkigika nogo yoge, At yiiwak abu ogobakkigirogo pegerak nogo nen, Kat keenggi amburu lek o, yinuk, at ogobakkigika nogo yoge, Eeriyak op mbakop?

Yeremiya 18:6

“It Iterali paga wiganak ti, aap nggween nggabok paga niyoowak ogobakkigikerak yi kokwak, an nen togop aganaburak lek mbaken? It Iterali paga wiganak ti, aap niyoowak ogobakkigika nggabok eenggime wonage menggi kwak it togop aret an neenggime wonogo agaarik o,” yinuk, Aliku ALA nen aret yegerak o.

Ndaniyen 4:32

Kat aakumi inenggela'me nen wumbagamenggaarak ndiimbu-nggwiya kinom penaame nege logonet, tapi-ndomba iri'ngga nenet nugu mengga kwak nenet nege logomunggun o. Ti eerit nage keegak, tahun 7 aret koba nage keenok, aakumi inabu'me piinok menggam abok aret at Tiyanak Lombok Menggerak alik en unde logonet, wone lengganogo yorage logorak aap mippiyoorak mbake kenok, aret mippiige menggerak abet aret kagi o, yinuk, mbarumunggun,” yoreegerak.

Ndaniyen 4:35

Aakumi inanebunu lombok nggween paga wonogwe abok aret, It iya lek o, inombake, Ndi, it mbogut paga inomaawi menggaarak inom, it yi aakumi ndi aakumi o nggween paga menggaarak inom, eeppiyoorak mbake kenok mban eeppiige, Eeke menggerak me, It aakumi nen at eenggi awiirogo pugwi, Ndi, Ti nonggop nduk eekendak o? yinuk, at yogwi, Eeriyak meek o, yinuk, yereegirak.

Matiyut 11:26

Yi eereegindak nogo ti, kinikilom mba'nuk eereegindak me, kat nogoba wa, yokkigi o.”

Matiyut 20:15

An namendek paga niniki mba'nuk eeriyak mage nduk yagan ya? Ndi, an inabuwa nen wogorage neenok, kat kanini nen yo'negen ya? yinuk, yoreegerak.

Oroma 11:34

“Ta nen ninogoba Ala iniki mbake nogo, Neenu, mbake, Ta nen ninogoba owa'na nigaka a'nuk, yoge,

Epetut 1:11

At eeriyak koonggetak ndak-ndak aret eeke menggerak nogo nen, “An napuri ndogop obeelom eeppiyaakit o,” yinuk, o maan togon nit nda'naga'lek niigak, koonogo pereegerak nogo ndak-ndak, Keritut eeremenggerak paga nit at apuri aret miirogo pinaneegerak wonogo ogoorik o.