Ayup 8:3 - Ala Wone Peenok Peebi Mbanak

³ Ala nen nomo-komo eerogo aakumi maluk eeka'lek iigak, Maluk onggo eeppiige, Obeelom eekwi iigak, at Omaawi Lombok Menggerak nen, Ti maluk aret o, yinuk, maluk eeppiige, Eeke menggerak mbaken? Lek me,

Ayup 8:3 ပူးပေါင်းရင်းမြစ်များ

Wakkagagerak 18:25

Kat nen it aakumi obeelom eeko menggaarak inom, maluk eeko menggaarak inom, Ndak-ndak aret o, yinuk, abok lambuk togon inooriyak ti mage o, nogoba. Yi aakumi ndi aakumi inomaluk inom, abe inom, inowak loongga kat aret me, yiluk-yiluk inowak loongge menggerak kombarukwak me, togop eerugun o, nogoba.”

2 Mbinineegwaarak 19:7

At Aliku ninogoba Ala nen aakumi inowak loongge logonet ugun-ugun eeke, inetenggen maloppiinok eeke, Wu kolaakit mbakak eeke, eekeelik me, Aliku ALA kinagabiti mbako logonet, mondok liirogon inowak looninako logonip o,” yinuk, yoragagerak.

Ayup 10:3

Aap maluk mendek iniki koonggo menggaarak nogo Kinikilom mbake logonet, Kat nen ogobakkigi'nabeegindak nogo, Aap maluk aret o, yinuk, mbo panege, Keebi lombok nombake logonet Aan lebe eerogo panege, Eeke ti, Op eeke, mba'nuk eeppanege agandik?

Ayup 19:6

Ala nen aret maluk eerogo panege, Towe yiluk yaga nen yarogo pereegerak nogo paga yilunogo panege, Eekerak kineenu a'nip o.

Ayup 19:7

Le ari logonet noone nggwok paga, Yeenggwa nirinip o, ari neegak kwe, It ambi nen yeenggwa nega'lek aret wonogwe, Ndi, an noone nggwok paga, Nawone mbaninip o, ari kwe, Nawone mbangga'lek aret wonogwe, Eeko agaarik o.

Ayup 21:15

At Omaawi Lombok Menggerak ti, Ta me nduk, at ake eekwi, At nano wo'nirage menggerak me, at nggino yogwi, Eeko logorak mbakop? Lek o! yinuk, yogo menggaarak.

Ayup 21:20

Tut it logorak punik nogo abok aret Lek age kenok kanggo logomenggaarik, Inaaganapuri nonggop logorak nogo, It koonogo piyaagun lek me, Inomaluk onggo ineebe lek eerogo piige nogo It lombok inigen abe paga nen kogwe, At Omaawi Lombok Menggerak anini nogo it aret inoba pakwi, Eeruwak o.

Ayup 34:5

At Ayup nen ari logonet, An maluk eerulik abe mban wonage neegak kwe, Ala nen nawone liirogon koonogo panega'lek wonage,

Ayup 35:13

At aret konenuwak o, yinuk, yogwe lek inoone we ugun, Ai ao, yogwe me, Ala aruk konengge, At Omaawi Lombok Menggerak nen liippiige, Eerigin lek abet aret mbake logot o.

Ayup 36:23

Ala eerit nage logowak nduk, aru ta nen koonogo pege, Kat maluk eekendak o, yinuk, ta nen at yoge, Eeriyak mbaken?

Ayup 36:3

An wone irip-unggut abok wa nagak yokkege, At ogobakkigi'nabeegerak nogo nen abe koonak mban eeke kaanok nduk, aana'le mbangge, Eerigin me,

Ayup 37:23

At Omaawi Lombok Menggerak me, Nit at owagam noorak meek age, At omaawi lombok tiyanak wonage, Aakumi eekwi onggo a'me nggelok eeppiige logonet, mondok obeelom lombok eeppiige, Eeke menggerak me, At nen aakumi maluk eeppiyoorak meek aret o.

Ayup 4:17

At Ala nen, Aap nggween paga mendek ambi iniki abu koonak wonage kage, At yi mendek ndi mendek ogobakkigika nen Aap ambi maluk oba lenggenak lek abu obeelom aret wonage kage, Eeke menggerak mbaken? Lek aret o!

Ayup 40:2

“Ayup wae. At Omaawi Lombok Menggerak nen niniki koonogo paniyak, mbakendak nogo, Abu yogirak mbake agandik ilik, ambinom yorikit mbake agandik a? Ala nen maluk eeppanegerak o, At ari nogo nen aret an Ala eekirak ti, Ndogop eeppanggendak, yo'niruwak o,” yinuk, yoreegerak.

Ayup 40:8

Aakumi eekwi an nen a'me nggelok eeppiige nogo, Kat nen meek eerogo pege, Kaana'le mbanggolage logonet, Kat maluk eeppanggendak o, yinuk, an yo'nege, Eeke nogo ti, Op aret mbaken?

Ayup 9:2

“Wone yagandak ti neenu me, abet aret yagandak kwe, Ala nen, Kat obeelom aret o, yuwak nduk, Aap kanggo menggaarak mendek ambi nen Oone omaawi paga Ala nonggop togon yoriyak?

Ndawi 89:14

Obeelom eeppiinet nage, a'me nggelok eeke, Eeke menggendak nogo Kat wone lengganogo yorage menggenom ti paga panggonak kagak, Aakumi inabuwa nen iniki kunik aganake, Yoraga'ndak li'luk eeppiinet nage, Eeke menggendak kabok nogo Aa'nduk wiganinuk nage kagak ambo'me wage menggendak o.

Ndawi 99:4

At endagembogut mondok tiyanak wonage, Eekaatak a'me nggelok eeppiigo logorak inikilom mbake, Ndak-ndak eeppiinet nogo logorak wone lengganogo pege, Obeelom mban eerit nugwi wone inom, Eekwi a'me nggelok eeppiigwi wone inom, It Yakup paga wiganak eeko logowak nduk, Lengganogo yorage, Eereegerak o.

Yetikiyen 18:25

Togop kwe, it nen yogo logonet, Ninogoba nen eeriyak koongge ti, ndak-ndak lek kagak koongge agaarik o, yogwe iigirak kwe, it Iterali mendek ti, an ari yi, inaruk konenggo logowak o. An eeriyak koongge ti, ndak-ndak lek ilik? It eeriyak koonggwi ti, ndak-ndak lek a? It mban iniki kwaakkolaawak o!

Yetikiyen 33:17

Togop aret kwe, it aakumi kat mendek nen yogo logonet, Nit eekwi paga ninogoba Ala nen eeppinaniyak yo'nirage nogo ti, ndak-ndak lek o, yogwe kwe, Nit eeko monggoorak op aret, mbakwi nogo kunduk, ndak-ndak lek kagak yogo agaarik.

Yetikiyen 33:20

Togop aret kwe, it Iterali mendek ti nen yogo logonet, Nit eekwi paga ninogoba Ala nen eeppinaniyak yo'nirage ti, ndak-ndak lek kagak yo'nirage o, yinuk, yogwe me, an nen it eekwi mugurok inalitik-inalitak inowak loonogo inomaluk onggo eeppiyaagin,” yo'negerak me, yokkiragi o, yinuk, yoragagirak.

Ndaniyen 9:14

Togop aret me, Kaliku ninogoba Ala eerit nage nogo, a'me nggelok mban eeppiige menggendak me, aaninggin ninoba kwippinaniyak koonak wonage nogo ti, ninoba kwippinanegendak kwe, kat yo'nirage nogo ninaruk liirogon konembunuk eeka'lek aret ogoorik o.

Oroma 2:5

Ala iniki togop mbake kwe, kiniki omaawi kinogogumbuk wonogwe kiinok, Ala anini nen onggo maluk liirogombo eeppiige ti eyom paga abunuk nggwok togon eekkinaburak nduk eekkolagak mban eekwi kiigi o.

Wayu 15:3

ndi, Ala ayeloman Muta endawi inom, Ndomba Aagaluk nogo endawi inom, wakwi, eeko logonet, “Komaawi lombok menggendak ninogoba Ala kat aret o. Kat eeke menggendak nogo ti, eerubok mendek mondok iya lombok eeke menggendak o. Yi aakumi ndi aakumi aa'nduk wonogogwaarak, yogondak wonogwe, peebi logogun abok inowe kendagembogut kat aret o. Kat eeke menggendak nogo ti, mondok a'me nggelok abe mban eeke menggendak o.

Wayu 16:7

Yoge mbaki, Ala ake warogo kani kunggo menggam nogome nen oone ari logonet, “Wone ti, abet aret yigi o. Komaawi lombok menggendak ninogoba Ala kat aret o. Aakumi eekwi onggo mondok ndak-ndak a'me nggelok mban eeppiige menggendak me, abet aret yigi o,” yinuk, ari naruk konenggirak.