Ayup 8:13 - Ala Wone Peenok Peebi Mbanak

¹³ Nogo ti ndak-ndak aakumi abok aret Ala mari eerogo pugwi ti, Togop aret ogwe, It Ala ineebi mbaka iniki lunik nogo ti, Togop aret lek age kogwe, Eeko menggaarak o.

Ayup 8:13 ပူးပေါင်းရင်းမြစ်များ

Ayup 11:20

Togop aret kwe, It aap maluk mendek nogo aaninggin inoba age kenok perak, Inigen ogut aremenggaarak kwak logonet, Nggeeme mbaganubok, aganake kenok, Niniki worok togon kambuwok lak, Ao, yinuk, Iniki lunik ti mban aret agaarik o,” yinuk, yoreegerak.

Ayup 13:16

Aap Ala abet mbaka'lek maluk mendek nen Ala owagam noorak inagabiti mbakwi me iigak, An nen at owagam nage neenok, Aap yi abe o, yinuk, nili yigin kwa?

Ayup 15:34

It aap maluk eeka mendek nen inapuri ndaganaka'lek kagak kanggwi, It aap inawone op mbanuwak nduk wu wogorogwe nogo, inawi wurik kani nengge, Eerigin o.

Ayup 18:14

Awi ugun obeelom aret wonage me, obaak yabok togon eerogo wumbege, Inamineeri naga unde wonage me, pi nage,

Ayup 20:5

Aap maluk eeka iniki ale'nggen mbakwi nogo we luulu aret mbakwi, Ala mugurok noorak ineebi mbaka inale'nggen kogwe nogo, we ne ambiriluk mban kogwe, Eeko menggaarak o.

Ayup 36:13

It aap Ala ineebi mbaka nogo nen inanini mban mbarit nugwi, Mbuti keele paga maarogo mambiigetak kwe, It nen, Yeenggwa niraanip o, yinuk, yoraga'lek aret wonogwe,

Ayup 8:12

Niyo lek kenok, iri'ngga mbet-mbet mbuk age menggi kwak, Longgop mbereewak imbirak anggen yege, eebe kole age, Eeka'lek kagak Mbet-mbet mbuk age menggerak o.

Ndawi 1:4

It aap maluk eeka ti togop lek o. O wiya nen wiiri anggen wonok nage menggi kwak It aap ti togop aret wonogwe o.

Ndawi 10:4

“An iya,” mbarit nogo logonet, Ala mugurok nogwe lek mbo pugwi, “Ala lek,” mba'nuk, ugun koonit nugwi, Eeko menggaarak kwe,

Ndawi 112:10

It aap maluk mendek nen at eeke nogo, inigen kogo logomenggaarik, inanini mbakwi, Ineebi nen ineyak nggilik maakwi, Iniki andi eekko'net unggwogwe, Eeko logogun o. “Nit ambi eekkolaawok lak,” mbaremenggaarak kwe, Lek aret age logogin o.

Ndawi 50:22

Togop aret me, Kit noba mari eerogo panugo monggotak yi, It ambi nen kinagap ndaka'lek kagak, An nen nibinik-ndelenak eerogo pinagage neyo, Wone kiniki liippogo logorak nogo yi o.

Ndawi 9:17

It aakumi maluk eeko menggaarak nogo ti, Kambunuk nogo menggam unggwi nogwe, Ndi, yi aakumi ndi aakumi Ala mari eerogo pugwi nogo kunduk, Tu time aret nogwe, Eeko menggaarak kwe,

Kini Wuppiige 10:28

Aap iniki abe koonak iniki lunik wonogwe paga iniki ale'nggen aret mbako menggaarak kwe, Aap maluk mendek iniki lunik wonogwe ti perak, we aanom warogo aret iniki lunik menggaarak.

Kini Wuppiige 11:7

It aap maluk mendek kanggo logonet, iniki lunik wonogwe nogo lek aret age, Ndi, “Nomaawi paga ndogop eerigin o,” yinuk, iniki koonggwi nogo lek aret age, Eeke menggerak o.

Kini Wuppiige 12:7

Aap maluk mendek tebenogo piigwi iinok, ineebe abu lek aret ogo menggaarak kwe, It aap iniki abe koonak awi wiganak perak, mondok nu'lek aret wonogo menggaarak.

Yetaya 33:14

It aakumi maluk eeka o Tiyon wonogwe nogo iniki ma'nage, It aap Ala mugurok noorak ineebi mbaka nogo nen inaganak ngginuk ari, Eeko logonet, “Wologwe wae. Kani nen ineebe lek eerogo nengge me aap ta nen unggwage mbakop? Ndi, aap ta nen kani mondok wunuk mban ari menggim op logorak mbakop? Lek aret o,” yinuk, yugun o.

Yetaya 51:13

O nggween yi alom kwippege, mbogut mbiganogo pege, Eeke nagagirik, Kineebe ogobakkigirogo pinagareegirak Naliku ALA kobak eerogo panugwi, It aakumi maluk eerogo piyoorak mbako menggaarak nogo inanini nen maluk eeppinanugwi iyo, yinuk, O kuubondendok nen nok oonikiya ari nage paga kinaganak warit nugwi, Eekwi yi, taani o? It inanini nen maluk eeppinagarak nogo ineebe nggeeme wonogo agaarik? Lek aret o.

Leendawi 3:18

Nendage tiyanak, “Wi!” nugwi nogo lek age, Aliku ALA eeppaniyak niniki lunik nogo lek aret age, Eereegerak.

Matiyut 24:51

ayeloman nogo eebe nibik-nobak eerogo it aakumi iniki laakot logonet, eeko menggaarak piige menggim nogome mambemenggerak logonet, leenggu maake, eyak nggilik maake, eeke logogin mbaki o,” yinuk, yoragagerak.

Pelaareegerak 6:12

kit o Metit paga inayeloman eeppinagago wonogwe me at Aliku ALA nen wokkiren wundi wagagerak nogo oba mari eerogo pukwak liippogo logomunggup o.

Pelaareegerak 8:11

Yorage nagagerik, ambi yorage logonet, “Ala nen, Yogop ee'nu ndogop ee'nu, yereegerak wone inom, eeko logorak wone yugu inom, wone lengganak inom, an yogondak yokkirage yi, ambi taganogo punuk, at Aliku kinogoba Ala oba mari eerogo mbo pugwi kiyo, liippogo logonu o.

Pelaareegerak 8:14

kit o Metit inayeloman eeppinaganuk wonogwe me, wokkiren wundi wagagerak at Aliku kinogoba Ala nogo oba mari eerogo mbo punuk, kiniki tiyappatinuk logokwak, kiniki liippogo logonu o.

Pelaareegerak 8:19

Togop aret me, at Aliku kinogoba Ala oba mari eerogo mbo pogo logomonggotik, at obaane'me kugi inalut eekwi, inayuk wukwi, eerit nogwe kiinok, kineebe abu lek aret arumunggup o, yinuk, yogondak yi paga an nen abet aret yokkiragi o.