Ayup 7:9 - Ala Wone Peenok Peebi Mbanak

⁹ Ndugwi wonagaatik, lek arit nage menggi kwak Aap ambi aakumi kambunuk nogo menggam wambi nanuk iyokan lagi wage,

Ayup 7:9 ပူးပေါင်းရင်းမြစ်များ

2 Tamuwen 12:23

Togop eekirak kwe, yogondak napuluk ti, muk aret kanggerak me, an mbi niyo nengga'lek logorak ti paga at eenik arigin mbakop? Lek aret o. At nen iyokan an neya woraagin lek o. An perak, at wonage me aret ka nagin o,” yinuk, yoragagerak.

2 Tamuwen 14:14

Niyo toolak kilirogo punuk, waganogo tookulik nogo kokwak, nit abok aret kambugun kwe, at Ala nen aakumi inooriyak nduk, koonggeelik o. Aakumi mbo piigaatak nogo kobak aago logokwak, wogoren piya wage menggerak o.

Ayup 11:8

Ala iniki warak nen koongge menggerak nogo ti, Mondok iya mbogut irimbaga lombok kwak me, Nonggoti eerogo liippege, Ogu aap kambunuk nogo menggam wonogwe abu'na kwak me, Nonggop togon keenu age, Eerumunggun o.

Ayup 16:22

Nanuk iniyokan wogolik me nogome Tahun mande negen eeppunuk, an nagin aret o.

Ayup 17:13

Aakumi kambunuk nogo menggam ti, Name aret o, yinuk, niniki lunik wonage, O apit me an nogo yegak ogobakkigirogo pake,

Ayup 17:16

An kambunuk nogo menggam nage logonet, Niniki lunik wonok lek ari noorak ilik lek a? Nggween ogo menggam time nagabolo inom, niniki lunik inom, time lek arigin lek mbakop? Ari nagin aret o!” yinuk, yoreegerak.

Ayup 3:13

Togop ee'nabenetak lek nen, An ugun niniki tayenak windak wonage, It o nggween paga yime inendagembogut inom, Aap wone koongga inom, nen inawi nggwok abe wurogo pugwi, Aap yo'nggok nen inamendek mbuti emas ambik wonage, Iname mbuti perak yagabit eerogo pugwi, Eeppunuk, Kanggo nogogwaarik, Yonggonggologwe wonogwe me, Ninom yonggonggolage logonet, nogo yege negen wonage, Eeke logonetak o.

Ayup 30:15

Namineeri ne eerogo panege, O wiya nen iri'ngga wonok nage menggi kwak, Nayuk warak nege minggirak nogo wonok lek age, Ndugwi wonagaatik, lek age menggi kwak, Neebe obeelom me, nale'nggen mbake nogo lek age, Eeke agarik o.

Ayup 37:11

Ndugwi paga mayu narogo pege, Ndugwi nen o kimbik nggaganogo nappuwak nduk eeppege, Eeke menggerak.

Ndawi 39:13

Nenggaawak ambi neyoorak lek Awo mbuuluk naakit nduk aret wonage me, Niniki ale'nggen ne ambiriluk kaakit nen Kena mbuuluk logu yu o,” yinuk, yoreegirak o.

Yetaya 26:14

It aap ti, eeko nogogwaarak nogo onggo eeppiige logonet, inenggaawak lek eerogo piige, Inoba aberak logokwak inendage lek eerogo piige, Eekendak me, It muk kambeegwaarak nogo ti'nuk, ineenik ogwe, Ndi, inogoma nen ineenik a'nuk wogwe, eerugun lek o.

Yetaya 38:11

An nen, Aliku ALA nenegen ambinom kage, Aakumi wonogo menggam o nggween paga yime nen Aliku ALA nenegen ambinom kage, Aakumi kunduk nenegen iige, Aakumi ineenik nggween paga awo wonogwe ambiret iluk ambi nenegen iige, Eerigin lek o.