Ayup 7:21 - Ala Wone Peenok Peebi Mbanak

²¹ An nen kat koone taganogo pigirak kenok, mari eerogo panege, Ndi, maluk eekirak kenok, lek eerogo panege, Eeka'lek Nonggop nduk eeke agandik? An o yogondak liirubu enggela'me winnarigin me, Kat nen kwaa'nabit namenggendak kwe, Neebe lek aret neyaamunggun o,” yinuk, yoreegerak.

Ayup 7:21 ပူးပေါင်းရင်းမြစ်များ

2 Tamuwen 24:10

It aap wim wakaa'ngget linggininabeegwaarak yoreegerak nogo, at Ndawut konengge nagagerik, iniki aaninggin ndugu agan nage logonet, at Aliku ALA yoge, “Kaliku nogoba ALA wae. An nen, Linggininabi nanip o, yoragarak nogo ti, maluk nggwok lombok aret eekirak o. An maluk lombok wi negen eekirak me, an kayeloman maluk eekirak yi, mbo nappu o, nogoba,” yoreegerak.

Ayup 10:14

An maluk eeke neyo kenegen wo'neren nege, Ndi, eeke neenok teppanege lek eekirak onggo ndak-ndak eeppanege, Eeke menggendak me,

Ayup 10:9

Nggween nggabok paga neebe longgo warogo ogobakkigi'nabeegindak nogo aberu o. Ogobakkigirogo paneegindak aret kwe, ti'nuk, Kena logurogon liirubu kwak eerogo paniyak nduk, Eeke agandik ya?

Ayup 13:19

Aap ta nen, Ndogop eekendak o, yinuk, wone an noba paniyak mbakop? Maluk eekirak ambi abet aret wonage kenok, Noone lek logonet kambuurak op aret o.

Ayup 14:10

Aakumi inomaawi lek a'nuk kanggwi, Iniki worok togon kanggwi, Eekwi iinok perak, Inenggaawak lek aret ogo menggaarak o.

Ayup 17:14

Nagabolo pili aruwam nggween kabunik nogo yoge logonet, Kat an nogoba aret o, yinuk, yoge, Nagabolo nunggwi puron nogo yorage logonet, Nagalo inom, niriwi inom, kit aret ogotik o, yinuk, yorage, Eeriyak kenok,

Ayup 20:8

Inabi kagaatak lek age menggi kwak, Ineebe togop aret ineenggi-iniyok lek, lek ogwe, Oonikiya inabinggaanggo kagaatak lek age kwak, It togop aret lek ogwe, Eekwi iinok,

Ayup 27:19

Ineenggi warak logonet, nogo yi unggumenggaarak kwe, Ineenggi warak logonet, mi'narugun lek o. Ata, ineenik a'nuk mi'nogo logomenggaarik, ineenggi lek aret kaagun o.

Ayup 3:13

Togop ee'nabenetak lek nen, An ugun niniki tayenak windak wonage, It o nggween paga yime inendagembogut inom, Aap wone koongga inom, nen inawi nggwok abe wurogo pugwi, Aap yo'nggok nen inamendek mbuti emas ambik wonage, Iname mbuti perak yagabit eerogo pugwi, Eeppunuk, Kanggo nogogwaarik, Yonggonggologwe wonogwe me, Ninom yonggonggolage logonet, nogo yege negen wonage, Eeke logonetak o.

Ayup 33:9

Kat nen ari logonet, An wone ambi tagangga'lek obeelom aret wonage, An maluk eeka'lek abu kikak naka'lek wonage, Eekirak kwe,

Ayup 7:8

Kat o yogondak kenegen neege kwe, Kenegen ambinom neyaamunggun lek o. Kwaa'nabit namenggendak kwe, neebe lek me, Neyaamunggun lek o.

Ayup 8:1

Yoge mbareegi, aap o Tuwa mendek endage Mbilirat nen Ayup yoge logonet,

Ayup 9:28

At Ala nen, Aap yi maluk eeka'lek aap abe aret o, Nomba'nuk, yo'nirigin lek an neenu me, Aaninggin abok aret noba panege kero, Nagabiti mban mbarit unggwage minggirak o.

Ndawi 103:15

Nit aakumi nineenik wonogwe nogo ti, Iri'ngga kwak wonogo monggoorak o. Iri'ngga yabume anggen laambu aberogon yegetak me,

Ndawi 37:36

Enggaawak lek agaarak kage nagarik, Kwaarit eekirak kwe, eebe kwaakkoolik o.

Wone Alom Kibingga 12:7

Ndi, kat keebe liirubu paga eerak me, kiyokan nggween ari nage, Kiniki at nen wokkereegerak iyokan Ala wonageme ari nage, Eeka'lek kagak, At ogobakkigirogo pagareegerak Ala nogo abeke logot o

Yetaya 26:19

It kat kapuri kambeegwaarak nogo perak, ineenik ogwe, Inowak nggininik abok aret mi'nogwe, Eerugun me, Kit aap nggween taambinagareegwaarak wonogwe yi wae. Kineenik a'nuk, kinale'nggen nen keekok yogo logonip o. O weege kagak konaananggen nen iri'ngga-kale'ngga ki eerogo pege menggi kwak, It kambeegwaarak nggween taanak wonogwe nogo ngget nda'nogwe kwak ineenik agago mippiyaamunggun o.

Yetaya 64:9

Togop me, Kaliku ALA o. Kat kanini aakumi inoba piige menggendak kuli wonage kagak nit mondok nggwok lombok ninoba kwippinanege, Nit maluk eekwi nogo mondok-mondok aberak mban wonage, Eeriyak ti mage o. Nit abok kat kapuri aret me, liippinanege logonok nduk yokkogo o, ninogoba.

Ndaniyen 12:2

It aakumi apit aago kambemenggaarak nggween me nogo yugwi nogo, ineenik a'nuk mi'narugun o. It ando mondok-mondok ineenik logowak nduk mi'nogwe, ndi, ando perak, inenggali mbakak mondok-mondok yagan wako logowak nduk mi'nogwe, eerugun o.

Oteya 14:2

Kit Iterali mendek yi wae. Kit maluk lombok eeko monggotak ti paga nggelenogo pateegutak me, Kinomaluk mbo punuk kiniyokan yungguninuk kinogoba Aliku Ala owagam wa'nip o.

Yaya 1:29

Nogo yinuk, ko'lu Yetut nogo, at Yaya owagam wage enegen kage nagagerik, it aakumi yorage logonet, “Aakumi nggween paga yime menggaarak inomaluk lek agago piige menggerak Ala andomba nogo wage yi kaanip o.

Titut 2:14

Nit yi maluk ndi maluk eeko monggoorak nogo eeko logokwak ninonggo mbanogo piinogo pinanege, ndi, “An napuri nake leenak logonet, obeelom eeriyak iniki aganggen paga eerit nugu logowak,” mba'nuk, ninomaluk koorogo pinanege, eerikit nduk, nit ninake niya wagagerak.

1 Yaya 1:9

Ndi, ninomaluk abet aret paganggwi niinok perak, at Ala yegetak mbeyok ariilik, a'me liirogon mban eeke menggerak me, nit obeelom eeka'lek maluk eerit nugwi nogo lek eerogo pege, ndi, maluk ninikime wonage nogo koo'ninake, eeke logogin o.

1 Yaya 3:5

At Keritut maluk abu eekeelik aret me, nit ninomaluk lek eerogo pinanikit nduk, wambi wagagerak nogo kineenu aret mbako o.