Ayup 7:2 - Ala Wone Peenok Peebi Mbanak

² It nogo ti, Aap ambi ayeloman mini nen, O nggun lamunninabi woraawak lak, Ao, mbakwi, Aap yabu eekaatak onggo kolaga nen, Onggo koloorak, iniki lunik wonogwe, Eeko mengga kwak Aret wonogwe nogo lek a?

Ayup 7:2 ပူးပေါင်းရင်းမြစ်များ

Wakkagagerak 34:8

Inanini mbakwi iigak, at Kemot nen it yorage logonet, “An naput Tikem nen kinawuluk kolaga nogo koloorak uugwe lombok mbakerak me, Koloorak op aret, yo'ninip o.

Ayup 7:1

Aakumi o nggween paga wonogwe nogo ti, Aap wim eerit nogwe, Aap wu kolaawak nduk, Ko'lu-kii'me yabu nggwiirit-nggwaarit eekwi iigak, kambit nogwe, Eeko mengga kwak Aret wonogwe nogo lek a?

Ayup 7:3

Togop aret me, An nen yi tut ndi tut penengge kagak, aanom warogo wonage, Ko'lu-kii'me oonikiya paga andi yagan wake, Eeke logorak punik wonage kagi o.

Ndawi 119:131

Koone, “Yogop ee'nu ndogop ee'nu,” Yugu nogo “Konenikit lak, ao,” mbake minggirak me, Niyo abu nen wen-wen aganake menggi kwak, An togop aret ee'nake menggerak o.

Ndawi 143:6

Nggween mbuk agaatak kwak An niniki togop aret woongge kenok, Kat koba abeke logonet, Neenggi nippunuk tamban eeke agarik o.

Yeremiya 6:4

It ti nen yogo logonet, “At ninom wim eeruwok nduk li'luk eekwi, O liingge paga aret oba kwi'nari ungguwok nduk nogwe, Eeruwok o, Mbakoorak me, wologwe! Oonegen abu kilu yi nage logonet, ninagalu'mak abu aret ninambo'me ari nage me,

Ala Unde 19:13

It inom menggaarak nogo wi-wi aganakwi, inamendek yogoot waganggwi, eeriyak mage o. Ndi, onggo wogoroorak nduk, ineyabu eeppiyamenggaarak nogo, wogoraga'lek iigak nogo ambi yuurak mage o.

Yunut 4:6

Ooliyana nogome wonage kagak, Aliku Ala nen nggiyo ambi wunduwak nduk kooneegerak me, at Yunut mo andi anobak tele-tele eeke kenok, ngguna'me logowak nduk, anggup-engga paga nobarogo pege mbareegi, Yunut nogo nggiyo wundeegerak paga ale'nggen ambik mbareegerak.

Maleyaki 3:5

“An nen inowak loonogo maluk onggo eeppiyaakit nduk woraagin o. Wage logominggirik, it aap tili pagangga inom, aap kumi ugun-ugun eeginaka inom, pilit pugunogo, Ndogop eeke kagarak, yaga inom, onggo koloorak eyabu eekwi wi-wi eeginaka inom, it aap kumi togwe kunduk, elege moono kunduk, tebenogo piiga inom, it aap nggiru inawone yaga-taga eerogo piiga inom, it an inagabiti nombakulik nogo mendek abok aret, Ndogop eekwi kiigirak o, yinuk, yorage logokit nduk, woraagin o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Pelaareegerak 24:15

Ata, it ineenggi lek aret me, ndi, yabu eekwi ti eyom aret, Onggo wo'niraagin, mba'nuk, iniki lunik aret wonogwe me, kit nen ne ti eyom paga aret wogoraga'lek kiinok, inoone nggwok paga at Aliku ALA yogwi iinok, at Aliku ALA nen, It eekaarak ti maluk aret eekaarak, kinombarukwak, oonegen kilu yi naga'lek kagak yabu eeremenggaarak ti eyom paga aret onggo wogorogo logomunggup o.

Yakobut 5:4

It kineyabu eeppinagagaarak nogo, onggo ndak-ndak wogoroorak kagak eeko nogogutak me, it inoone mumun kokop yokkirogwe yi, iyaanip o. It ando anggen yugu wonok kira wogwe nogo kunduk, inoone yogwe at Omaawi Lombok Menggerak ninogoba nogo, muk aruk konengge agaarik o.