Ayup 7:16 - Ala Wone Peenok Peebi Mbanak

¹⁶ Neenik mondok-mondok logorak mbakeelik o. Neenik wonage yi, Inambe aagi ne ambit wungge kwak aret, mba'nuk, Neenik logorak neebi lombok mbake me, mbo panu o.

Ayup 7:16 ပူးပေါင်းရင်းမြစ်များ

Wakkagagerak 27:46

Yoge nagagerik, ti'nuk peebi at Iribaka nen Itak yoge logonet, “It kumi Ket mendek ti, inenggaawak paga pegiyoorak abu neebi ee'nake me, at Yakup togon togop mban kumi Ket mendek wogonabigin kenok, an neenik logorak neebi me, ineraaket nen kambigin aret o,” yoreegerak.

1 Endagembogut 19:4

at Eliya nogo, o ne ambit weege paga nogo mengga kwak, o karume unggwi nage nagagerik, eyo lo alome kwi'na'nuk, kambikit mba'nuk, tamban eeke logonet, “Kaliku nogoba ALA wae. Nombomini abu eeppunuk, kambit nogogwaarak nogo kwe, an iya negen eeka'lek neegak teppanege agandik? Mage o. An togon abu eekirak me, kambikit nduk, niniki wamen o.”

Ayup 10:1

An ambinom neenik logorak anggon lombok ee'nake me, Ee'nabit unggwage an neebi mbake nogo, Nambe teeluk aret Ala yoge, Niniki andi ee'nake nogo tayok togon yoge, Eerikit o.

Ayup 10:20

An nda'nagagirak ne ti, kuwagaluk aret me, Age yoboni wage nogo lek a? Yoboni wage aret me, O eya ti yumaak pogom eeppunuk wonage, O apit naalop-kaalop aago wonage, Inale'nggen lek o apit lombok aago wonage, Eeke menggim time nogo nagaatik, Iniyokan wogolik menggam nogome an naga'lek logonet, Ne ambiriluk nale'nggen kaakit nduk, Kena logo yinuk, teppanu, yorigin o,” yinuk, yoreegerak.

Ayup 14:6

Togop aret me, aap ambi yabu abu eeke kenok Onggo wogogo mengga kwak at logorak koonak nogo, Ale'nggen paga yonggonggola nawak nduk, kenegen aanggot ket o.

Ayup 7:15

An nagabolo yi paga neenik logorak mbakeelik o. Nenggaanok nggubuk togon kambikit lak, Ao, mbake agarik o.

Ayup 7:7

Nogoba Ala wae. An neenik wonage yi, We inambe aagi ne ambit wungge kwak aret wonage abeke logot o. Niniki ale'nggen ambinom kaagin lek aret kagi o.

Ayup 9:21

Ndi, an maluk lek aret kwe, Neenik nili yikkoloorak neebi mbake me, Eeppaniyak mbake kenok, eeppanuwak aret o

Ndawi 144:4

It aakumi ti, Inambe aagi ne ambit wungge kwak wonogo menggaarak o. Inagalu'mak lek age menggi kwak, Nda'nogogwaarak eyom nogo togop aret lek age menggerak.

Ndawi 39:10

Kat nen nooke nogo tayoppanu o. Keenggi omaawi paga nggwik nooke me, Niniki awi li'lek ee'nake agarik o.

Ndawi 39:13

Nenggaawak ambi neyoorak lek Awo mbuuluk naakit nduk aret wonage me, Niniki ale'nggen ne ambiriluk kaakit nen Kena mbuuluk logu yu o,” yinuk, yoreegirak o.

Ndawi 39:6

Aakumi inagalu'mak ne ambit lek age menggi kwak It aakumi togop aret nugwi, Iniki taganak nugwi kwe, we aanom warogo kagak nugwi, Inamendek kuwak eerogo patit nugwi nogo Ta unde eekkolamenggi? mbaka'lek ineenggo'lek logonet, kambit nogwe, Eeko menggaarak.

Ndawi 62:9

Inendage lek ndarak inoba panggonak wonogwe ti, We aanom warogo aret kagak eekwi, “Aap inendage warak ndarak inoba panggombinip o,” Yinuk, yogwe nogo ti, Abe ariyak lek pilit kagak panggombuurak yogwe, Eeko menggaarak me, “Op inoba panggombuurak ngge o?” yinuk, wakkaanuk, Aap inambe aagi ne ambit wungge menggi kwak, Imbirak ndak-ndak wonogwe iyaamunggup o.

Ndawi 78:33

Inambe aagi ne ambit lek age menggi kwak, It nda'nogogwam kuli ari naga'lek Koorok panggo pi wage, Inamineeri ne agan nage kagak, It nda'nogogwam ari nawak nduk eerogo piige, Eereegerak.

Wone Alom Kibingga 2:17

Oonegen abu'me logonet, eerit nugwi nogo liippit ungguurak anggon lombok ee'nabeegerak me, neenik wonage logorak neebi lombok mbareegirak. Mbake logonet, yi eekak ndi eekak eerit nugwi abok aret ti, o wiya mugurok nogwe kwe, pigoorak meek kwak we aanom warogo aret kagagirak.

Yeremiya 8:3

Ndi, it aakumi inobaabut maluk eeka yi awi ndi awi an mappiyaminggirak ando yumbunik nogo ti, ineenik logorak ineebi mba'nuk, kambuurak mban inikilom mbarit nugu logogun o,” yinuk, at Omaawi Lombok Menggerak Aliku ALA nen yegerak o.

Yunut 4:3

Togop aret me, Kaliku nogoba Ala o. An neenik logorak neebi o. Ndi, kambuurak ti op aret, mbake me, nggaruk togon kambikit nduk, eeppanu o.”

Yunut 4:8

Mbuk age kagak, oonegen lagi wage mbareegi, Ala nen kooneegerak paga o wiya oonegen lagi wage menggim pa'nggwe nen aganggen ambik lombok warit wage logonet, mo andiigwi lombok tele agan Yunut anobak paga kere-kere eeke logonet, eebe ndeyak a'nuk, “Kambikit aret,” mbake logonet, “An neenik logorak neebi me, kambuurak op aret o,” yinuk, yereegerak.