Ayup 7:15 - Ala Wone Peenok Peebi Mbanak

¹⁵ An nagabolo yi paga neenik logorak mbakeelik o. Nenggaanok nggubuk togon kambikit lak, Ao, mbake agarik o.

Ayup 7:15 ပူးပေါင်းရင်းမြစ်များ

2 Tamuwen 17:23

Ndi, at Akitoben nen wone koonogo yoragagerak nogo eeka'lek iige nagagerik, keledai amborowak paga kwi'nagak nogo ndoonogo punuk, ti paga kwi'na'nuk, at awi alom paga kota nogome aret nage nagagerik, aaganapuri koonogo piinok, alik nen enggaanok keele yilunggolagagerak kangge mbareegi, at ogoba nggween taanak me nogome aret taambereegwaarak.

Ayup 7:14

Nabi paga nagabiti eerogo panege, Nabinggaanggo paga nogut nagake, Eeke menggendak me,

Ayup 7:16

Neenik mondok-mondok logorak mbakeelik o. Neenik wonage yi, Inambe aagi ne ambit wungge kwak aret, mba'nuk, Neenik logorak neebi lombok mbake me, mbo panu o.

Ayup 9:21

Ndi, an maluk lek aret kwe, Neenik nili yikkoloorak neebi mbake me, Eeppaniyak mbake kenok, eeppanuwak aret o

Wone Alom Kibingga 2:17

Oonegen abu'me logonet, eerit nugwi nogo liippit ungguurak anggon lombok ee'nabeegerak me, neenik wonage logorak neebi lombok mbareegirak. Mbake logonet, yi eekak ndi eekak eerit nugwi abok aret ti, o wiya mugurok nogwe kwe, pigoorak meek kwak we aanom warogo aret kagagirak.

Yeremiya 8:3

Ndi, it aakumi inobaabut maluk eeka yi awi ndi awi an mappiyaminggirak ando yumbunik nogo ti, ineenik logorak ineebi mba'nuk, kambuurak mban inikilom mbarit nugu logogun o,” yinuk, at Omaawi Lombok Menggerak Aliku ALA nen yegerak o.

Yunut 4:3

Togop aret me, Kaliku nogoba Ala o. An neenik logorak neebi o. Ndi, kambuurak ti op aret, mbake me, nggaruk togon kambikit nduk, eeppanu o.”

Yunut 4:8

Mbuk age kagak, oonegen lagi wage mbareegi, Ala nen kooneegerak paga o wiya oonegen lagi wage menggim pa'nggwe nen aganggen ambik lombok warit wage logonet, mo andiigwi lombok tele agan Yunut anobak paga kere-kere eeke logonet, eebe ndeyak a'nuk, “Kambikit aret,” mbake logonet, “An neenik logorak neebi me, kambuurak op aret o,” yinuk, yereegerak.

Matiyut 27:5

Yogo mbareegwa, at Yurat nen wu mbuti perak nogo Ala awi wurik me time yubunik-telenak eerogo mambege nagagerik, wundi nanuk, enggaanok keele yilunggola nage nagagerik, kambeegerak.

Wayu 9:6

Ti eyom paga it aakumi andi nen yagan wako logonet, “Nggarurogon kambuwok lak ao,” yinuk, inowe-inawot nen mondok-mondok inooruwak nduk, yoramenggaarak kwe, kambuurak inoba ari woraagin lek me, kangga'lek we ineenik yagan yobak-nggolak mban wako logogun o.