Ayup 7:11 - Ala Wone Peenok Peebi Mbanak

¹¹ Togop aret me, An yuurak mbake nogo puk aga'lek aret ari, Niniki apit ee'nabit unggwage nogo kik wunake, Niniki wakkolage logonet neebi mbake nogo pagangge, Eerigin aret o.

Ayup 7:11 ပူးပေါင်းရင်းမြစ်များ

Wakkagagerak 42:21

at ambi nen at ambi yogak eeko logonet, “Ninawuluk aaninggin-paaninggin eeppogo mbareegu, Noweewi o. Nabuwa mba'nuk teppaninip o, ari kagak, ninaruk konenulik eeppereegurak nogo paga aret onggo aaninggin warak mendek ninoba age yi kaanip o.”

Ayup 10:1

An ambinom neenik logorak anggon lombok ee'nake me, Ee'nabit unggwage an neebi mbake nogo, Nambe teeluk aret Ala yoge, Niniki andi ee'nake nogo tayok togon yoge, Eerikit o.

Ayup 10:15

An maluk eerigin kenok, nabuwa o! Ndi, eeka'lek obeelom aret wonage neenok perak, Nenggaawak pilarogon nege logorak op kwe, Neebe maluk agaarak paga nenggali mbakak nagin me, Nenggaawak pila yuurak meek ee'nabigin o.

Ayup 13:13

Togop aret me, Nano mendek noba age kenok arigin nogo, Yokkirage me, kinoone puk logonip o.

Ayup 16:6

Togop aret kwe, An wone ari neenok, andi-pandi ee'nake nogo lek age, Noone yaga'lek puk wonage neenok, aaninggin noba wonage nogo lek age, Eeka'lek wonage mban aret o.

Ayup 21:25

Aap alik ambi abe mendek nengga'lek kagak iniki andi eekko'nok kangge, Eeko menggaarak kwe,

Ayup 23:2

“Ti yagandak kwe, O yogondak ee'nabit unggwage an neebi lombok mbake yi, Niniki andi eerogo panege me, Neebi, lombok mbake agarik o. Andi nen niniki oone ari neegak kwe, Ala nen eeppanegak mban eeke agaarik o.

Ayup 36:21

Maluk eere'nok nduk kabut mbangge me, Maluk eeriyak koongge ti mage mban.

Ayup 6:26

An ari nogo, kit nen koonogo paniyak nduk yogo ogotik? Iniki aaninggin ndugu agan unggwage nen ari kenok, O wiya pogom ari agaarik, mbako ogotik?

Ayup 9:27

An ee'nabit unggwage neebi mbake nogo, Mari eerogo pege, Nenete wandu aago wonage nogo mbo pege, Eeppunuk, Nale'nggen kaakit o, yinuk, Kooniminggirak kwe,

Ndawi 39:3

Noone yuurak kani omoonuk negen ee'nake, Ninikime koonit nage neegak, Kani eyak ndi wuke menggi kwak ee'nake, Eeke nagaatik, Noone yoge logonet,

Ndawi 40:9

Kaliku ALA wae. Kapuri nggwok kuwak eerak inenggela'me logonet, Kat obeelom mban eeppiige menggendak wone nogo Noone puk logorak ee'naka'lek Yoroorak mban ee'nake menggerak kat keenu aret o.

Yetaya 38:15

Yoge mbaki, eeppanggerak paga an nonggop yi o? Yogirak nogo at nen onggo yo'nege, At nen mban obeelom eerogo panege, Eekerak o. Niniki mondok wakko'net unggwage nagarak me, nda'nagagirak yubuni nage kagak, Niniki tebenak logonet, eerit nage logokit o.

Yetaya 38:17

An niniki koonnaruwak nduk, aaninggin noba agaarak paga niniki wakkolage nagarak ti abet aret o. An neebe lek eerogo paniyak eekwi me nabuwa nen nili eerogo panege, Ndi, nomaluk abok aret kat kambokan mbo nappege, Eekendak o.

Lukat 22:44

Eyak wappege mbareegi, iniki abu puru agan unggwage kagak, abuwa warak nggo-nggo tamban ambinom eereegerak. Eeke kagak, liigak wundeegerak nogo amiya anggen kilirik pogom nggween paga wambit nagagerak.

2 Korindut 2:4

Niniki aaninggin ndugu agan unggwage logonet, niniki wakkolage, kinale ambik ari, eeke logonet, kit kinake liiru mbaneegirak nogo ti, kit kiniki puru yubagip nduk mbanggiroolik o. Ata, kinabuwa nggwok lombok mbake minggirak kineenu arubagip nduk mbanggiragagirak o.

1 Tamuwen 1:10

iniki abu puru yinuk, le ari logonet, Aliku ALA yoge,