Ayup 6:27 - Ala Wone Peenok Peebi Mbanak

²⁷ Elege moono kolaawok nduk, iri'ngga mbanogo wakkogwe, Ndi, kinore aret kagak, yi mendek ndi mendek kunggo mengga kwak eerogo pugwi, Eeriyak op mbakwi kiigi o.

Ayup 6:27 ပူးပေါင်းရင်းမြစ်များ

Ayup 22:9

Kumi nanu ineenggime lek we aret nappiige, Elege moono iinok, tebenogo piige, Eeke nagandak me,

Ayup 24:3

Aap moono inaanggumi keledai wonok mbaganggwi, Inamendek kumi nanu wogorogo logonet, Ninamendek obaane'me pegak kinerapi kola woraabagip o, Yinuk, inerapi waganggwi,

Ayup 24:9

Aap maluk mendek nen elege agalo awo elak kungge me, yabok togon wonok nogwe, Inanomat mbanak onggo ineenggi lek inapuri inobaak yabok togon wogoren nogwe, Eeko menggaarak.

Ayup 31:21

It aap inowak loonggo menggaarak nen Noone konenggo menggaarak neenu me, Aap moono iinok, noone lok togon yorage, Ee'netak en

Ndawi 57:6

An aaninggin noba luuwi agan nage me, Towe yiluk yuwak nduk, Yum tugunogo pit nogo mengga kwak, An yiluk yikit nduk eerogo panugwi, Tu paga nage me yobok togon wambikit nduk Wam labu pogo mengga kwak eerogo pit nogwe, Eekaarak kwe, Melak togon it aret yobok togon wambit nagaarak o.

Ndawi 7:15

Aap ambi nen Aakumi inake nggween kabunogo pemenggerak kwe, Nggween kabunogo patemenggim nogome At aret yobok togon wangge menggerak.

Ndawi 82:3

It aap eekkoloorak meek inom, elege moono inom, Inawone liirogon koonogo pugwi, It aap tebenak wonogwe inom, ineenggi lek inom, Eeppiyoorak op aret me, eeppiigwi,

Wundeegwaarak 22:21

Yoge nagagerik, ambinom yoraawak nduk, yoge logonet, “It aa'nduk o Metit aap nggiru negen wonogwe iigak, eeppiigo nogogwaarak nogo ineenu me, aap nggiru ambi inenggela'me wonage kenok, inoone maluk yogwi, tebenogo pugwi, eeriyak mage o.

Yeremiya 18:20

Obeelom eeppiigwi iigak onggo maluk eeppiyoorak op mbaken? Togop lek kwe, an yigeebu wanduwak mba'nuk labu kabunogo panegaarak o. Kanini inoba piyoorak mbakendak nogo nini tayo yenok nduk, kowagam mi'na'nuk, inake yokkireegirak nogo aberu o.

Yeremiya 18:22

It aap ti, an pi'nabuwok nduk labu kabunogo panugwi, Niyok yilunnabuwok nduk, keele pit nugwi, Eekaarak me, Inawi oonda mbanogo inooruwak nduk yonggo nappiyamenggendak wa'nuk yirik-wurik inoba kwi'nogwe iinok, Iname nen inoone ya-kwa yogwe konenuwak nduk eeppiyet o.

Yetikiyen 22:7

O kota enggela'me time aakumi inogobamini inom, inagalomini inom, meek eerogo piigwi, at enggela'me time aap nggiru aaninggin inoba piigwi, elege moono inom, kumi nanu inom, tebenogo piigwi, eeko nogogwaarak o.

Nakum 3:10

Togop aret wonagagerak kwe, tebenogo punuk, aakumi keele maageren o nda time piya nogwe, At aagalogwe awo ngget ndarak nogo, tu irip-irip time inanobak yomba eerogo piinet nogwe, Inoweewi nagawan-nagawan nogo, Ta ayeloman eekkoloorak kaamun? yinuk, yugum paga wakkogwe, Ndi, inoweewi aap inendage warak nogo keele maarogo piigwi, Eereegwaarak me,

Maleyaki 3:5

“An nen inowak loonogo maluk onggo eeppiyaakit nduk woraagin o. Wage logominggirik, it aap tili pagangga inom, aap kumi ugun-ugun eeginaka inom, pilit pugunogo, Ndogop eeke kagarak, yaga inom, onggo koloorak eyabu eekwi wi-wi eeginaka inom, it aap kumi togwe kunduk, elege moono kunduk, tebenogo piiga inom, it aap nggiru inawone yaga-taga eerogo piiga inom, it an inagabiti nombakulik nogo mendek abok aret, Ndogop eekwi kiigirak o, yinuk, yorage logokit nduk, woraagin o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Yakobut 1:27

It aap Ala oone liippunuk mondok abe eekwi iinok, ninogoba Ala nen ale'nggen mbake menggerak nogo ti, it wologwe-komologwe wenebela inom, kumi togwe inom, iniki aaninggin wonogwe iinok, inabuwa nen yeenggwaaranet nugwi, it aakumi iniki maluk nen maluk eeruwak nduk iniki nggagani wogwe iyo, tum wakkologwe, eeko menggaarak nogo it aret o.

2 Peterut 2:3

It aap mamuniraga ti nen ambi kolaawok nduk, kinambokan laganggo logonet, inoone ugun pilit pugunogo yokkirogo logogun o. Togop yokkirogo logomenggaarak kwe, it eekwi paga at inowak loombunuk maluk inoba piyoorak maan koonogo pereegerak Ala nogo ti, we ugun maanggo yugu logonet nogo lumok ari wonage lek o. Ata, ineebe lek eerogo piyoorak nduk abu li'luk eerak aret wonage agaarik o.