Ayup 6:26 - Ala Wone Peenok Peebi Mbanak

²⁶ An ari nogo, kit nen koonogo paniyak nduk yogo ogotik? Iniki aaninggin ndugu agan unggwage nen ari kenok, O wiya pogom ari agaarik, mbako ogotik?

Ayup 6:26 ပူးပေါင်းရင်းမြစ်များ

Ayup 10:1

An ambinom neenik logorak anggon lombok ee'nake me, Ee'nabit unggwage an neebi mbake nogo, Nambe teeluk aret Ala yoge, Niniki andi ee'nake nogo tayok togon yoge, Eerikit o.

Ayup 15:2

“Aap iniki warak nen Iniki wakkaga'lek we ugun logonet, wone onggo yogwe, Oonegen lagi wage menggim pa'nggwe nen O wiya warit wage menggi kwak, inoone togop aret agan nugwi, Eerit nugu logorak mbaken?

Ayup 16:3

Kit wone ugun agan nugwi ti, Lek aga'lek kunik aret agan nugwi ya? Nano eekkinake kenok, ninom wone wariyak eekkinake agaarik?

Ayup 2:10

Yoreegerak kwe, Ayup nen akwe nogo yoge logonet, “Kat kumi kumiligwe nen yogo mengga kwak ari agandik o. At Ala nen nit obeelom eeppinanege kenok waganggwi, ndi, maluk mendek eeppinangge kenok mbo pugwi, eeriyak nduk ari agandik ya?” yinuk, yoreegerak. Ti abok aret oba age kagak, Ayup nen wone ambi yereegerak paga maluk ambi eerulik aret o.

Ayup 38:2

“Aap wone eenggo'lek logonet, An eeriyak koongge nogo kagaarogo pit nage ti ta o?

Ayup 40:5

Ne ambi paga noone ari, ne mbere paga wone mbangge, Eekirak nogo ti, Mbuuluk yuurak kagak ambik yagarak me, ambinom yigin lek o,”

Ayup 40:8

Aakumi eekwi an nen a'me nggelok eeppiige nogo, Kat nen meek eerogo pege, Kaana'le mbanggolage logonet, Kat maluk eeppanggendak o, yinuk, an yo'nege, Eeke nogo ti, Op aret mbaken?

Ayup 42:3

Kat nen ari logonet, Aap wone eenggo'lek logonet an eeriyak koongge nogo, Kagaarogo pit nage ti ta o, yinuk, yo'negendak nogo ti, An liippega'lek logonet wone ari, Iya eeriyak mendek an neenggo'lek kwe kagak ari, Eekirak o, nogoba.

Ayup 42:7

At Aliku ALA nen wone ti abu aret Ayup yoge nagagerik, aap Teman mendek Elipat nogo yoge logonet, “An nayeloman Ayup nen nabok abe pagangge menggi kwak, kit togop yuulik me, kat inom, koreewi mbere inom, nanini kinombake agarik o.

Ayup 6:25

Aakumi inoone abet aret yorogwe iinok, Abet aret yo'nogop o, yinuk, Andi kagak waganggo menggaarak kwe, Kat ndogop eekendak o, yo'nugwi lek me, We aanom warogo yo'nogo ogotik.

Ayup 8:2

“Kat ne mande paga koone togop mban ari logomunggun? Kat koone ari nogo ti, O wiya oone pu ari kwak aret ari agandik.

Oteya 12:1

O wiya mugurok nogo logonet, ambi kola nogolik aanom warogo mugurok nogo mengga kwak, It aakumi Eparayim mendek togop aret eerit nogwe, O wiya oonegen lagi wage menggim pa'nggwe nen warit wage nogo mugurok nogwe iigak, O kubondendok nen o kiyoma ari nage menggi kwak eerit nogwe, Eeko agaarik o. Togop eeko logonet, pilit pugunit nogwe nogo nggwok wigak ari, Aakumi maluk eeppiinet nugwi nogo mban pilak ari, Eeke kagak It aap Atiyut mendek ninom yogop eeruwok o, yinuk, iniki ambit eeppunuk wone koonogo pugwi, “Nit ninoreewi aret o,” mbaruwak nduk, tayitun amburu wonok o Metit nogwe, Eeko agaarik o.

Matiyut 12:37

Ala nen kinowak loongge logonet, Kat obeelom o. Kat maluk o, yokkiraagin nogo ti, kinoone yumonggotak paga mban eerigin o,” yinuk, yoragagerak.

Epetut 4:14

Togop me, noreewi o. Yi kilaarak-mogonik eeke logonet, yi mendek ndi mendek piyanogo nippege, o wiya nen yi mendek ndi mendek wonok nage, eeke menggi kwak, elege-aabologwe ti, togop aret wonogwe me, kit kunduk togop logonet, it aakumi pilit wone yogo menggaarak nogo nen aakumi inambo'me laganuwok nduk, iniki koombunuk, inoone amburu paga nomoniren nawok nduk, agan nugwi wone ti mendek kit ugun konenggo logorak mage o. Ata, Keritut iniki mondok kole menggi kwak, nit togop aret niniki kole eeppinanit wundi wage kenok, nit elege-aabologwe togop ti ndak-ndak logogun lek o.